Sveitarstjórnarmál - Jun 2019, Page 34

SVEITARSTJÓRNARMÁL
Menntun skapar
tækifæri
Ríkismennt styrkir starfsmenntun beint til stofnana ríkisins
á landsbyggðinni
Sjóðurinn veitir styrki í fræðsluverkefni á vegum
stéttarfélaganna.
Sjóðurinn veitir styrki til einstaklinga og sjá stéttarfélögin
um afgreiðslu þeirra í umboði Ríkismenntar.
Kynntu þér rétt þinn á www.rikismennt.is
Ríkismennt
Guðrúnartún 1 • 105 Reykjavík • Sími 599 1450 • rikismennt@rikismennt.is
Fræðslumálanefnd sambandsins mun fylgjast náið með
vinnu stýrihóps stjórnarráðsins í málefnum barna, sem falið
hefur verið að bregðast við tillögum Velferðarvaktarinnar
vegna skólaforðunar og minnkandi skólasóknar í
grunnskólum. Þetta kom fram á fundi fræðslumálanefndar
sem haldinn var 12. júní síðastliðinn.
Svandís Ingimundardóttir, skólamálafulltrúi sambandsins, segir
að nefndin telji að bregðast þurfi við ákalli skólastjórnenda
eftir opinberum, miðlægum viðmiðum um skólasókn og skýra
rétt skólastjórnenda til að hafna leyfisbeiðnum foreldra.
Tíðar leyfisbeiðnir eru önnur meginorsök þess að börn
eru mikið fjarverandi frá skólastarfi. Hin er af allt öðrum
toga og segir Svandís nefndina ekki síður hafa áhyggjur af
auknum, óútskýrðum fjarvistum nemenda sem í mörgum
tilvikum megi rekja til þess að nemandi forðast að sækja
skólann vegna andlegra og/eða félagslegra erfiðleika. Lagði
fræðslumálanefndin í umfjöllun sinni áherslu á mikilvægi
þess að greina verði á milli fjarvista eftir forsendum þeirra í
viðveruskráningum skóla.
Þurfa skýrara umboð
Á fjölsóttu málþingi sem sambandið hélt í samstarfi við
Velferðarvaktina og Umboðsmann barna 20. maí síðastliðinn
voru kynntar niðurstöður könnunar Velferðarvaktarinnar á
skólasókn og skólaforðun. Í ljós kom að hátt í eitt þúsund
íslensk grunnskólabörn glíma við skólaforðun. Þá komu
áhyggjur skólastjórnenda skýrt í ljós af minnkandi skólasókn
samfara því, að þeim fjarvistum fjölgar stöðugt sem
foreldrar fara fram á. Ásmundur Einar Daðason, félags-
og barnamálaráðherra, tilkynnti á málþinginu að stýrihópi
stjórnarráðsins í málefnum barna hefði verið falið að gera
tillögur til úrbóta. Fram kom á málþinginu að þar sem samræmt
skráningar- og flokkunarkerfi fyrir fjarvistir í grunnskóla
skortir, væri erfiðara en ella að greina skólaforðunarhegðun
frá skólaleyfum. Einnig að skólastjórar teldu sig þurfa mun
skýrara umboð í leyfismálum. Þá var bent á að nálgast mætti
fyrirmyndir að lagalegum úrræðum vegna skólaleyfa og
skólaforðunar hjá hinum Norðurlöndunum.
Tekið föstum tökum
Fram kom á fundi fræðslumálanefndar sambandsins að nokkur
fjöldi sveitarfélaga hafi þegar tekið þessi mál föstum tökum,
komið sér upp viðmiðum um skólasókn og vinnuferlum sem
fela í sér viðbragðsáætlanir taki viðvörunarljós að blikka.
„Fræðslustjórnendur sveitarfélaga hafa verið að deila sín á milli
upplýsingum um gott vinnulag í þessum efnum. Þar má telja
Reykjanesbæ, Ísafjörð, Reykjavík, Árborg, Fljótsdalshérað,
Kópavog, Hafnarfjörð og eflaust eru þau enn fleiri sem komin
eru af stað,“ segir Svandís.
Samræmt skráningarkerfi skortir
Frá málþingi um skólasókn og skólaforðun sem haldið var 20. maí sl. (Ljósm. IH).