Fréttablaðið - 19.12.2015, Síða 72

FÓLK|JÓL
Kærleikskúlan varð fyrst til árið
2003 en það var listamaðurinn
Erró sem skreytti hana. „Það
hefur verið hefð hjá mér að safna
kærleikskúlum auk þess sem ég
hef gefið foreldrum mínum hana í
jólagjöf. Mér finnst kærleikskúlan
vera fallegt form af íslenskri list,
enda engir smá listamenn sem
skreyta hana. Mér finnst frábært
að listamenn skuli gefa sér tíma
til að styrkja fatlaða með þessum
hætti. Það er flott hugsun á bak
við kúluna í heild sinni,“ segir
Arnar Gauti.
„Ég raða kúlunum á stóra grein
sem ég er með í vasa. Ég set þær
ekki á jólatréð heldur nota þær
sem glæsilega skreytingu. Það er
bæði fallegt og svo er gaman að
horfa á þær svona saman,“ segir
hann. „Kúlurnar draga að sér
gesti sem hafa gaman af að skoða
þær. Ég fór einu sinni á sumar­
hátíð í Reykjadal og það var
ótrúlega gefandi að sjá starfið á
bak við kúlurnar. Auk þess varð
mér ljóst hversu mikilvægt þetta
styrktarstarf er. Það er gaman að
geta styrkt starf Styrktarfélags
lamaðra og fatlaða og fá í stað­
inn fallegan og eigulegan grip,“
segir Arnar. Kærleiks kúlan í ár er
eftir listakonuna Rögnu Róberts­
dóttur.
TÍMI TIL AÐ NJÓTA
Arnar, sem er þekktur fagurkeri
og stílisti, viðurkennir að hann
sé mikið jólabarn. „Ætli glitrið í
augum barna minna gleðji ekki
mest, auk þess sem mér finnst
aðventan yndislegur tími. Ég vil
vera búinn að öllu snemma og
njóta þessa tíma með börnunum
mínum, gera eitthvað skemmti­
legt saman. Það er ekkert stress
á mínu heimili. Ég er meira að
segja búinn að kaupa jólamat­
inn,“ segir hann. „Við fórum á
skauta á Ingólfstorgi um daginn
sem var einstaklega ánægjulegt.
Umhverfið er svo fallegt og þetta
er vel gert,“ bætir hann við.
Arnar er fráskilinn og á tvö
börn, Kiljan Gauta, 8 ára, og
Natalíu París, 11 ára. „Börnin
eru aðra hverja viku hjá mér
og verða með mér á aðfanga­
dag. Það verður möndlugrautur
og hamborgarhryggur. Ég hef
mjög gaman af því að elda mat
og það verður mjög notalegt hjá
okkur. Uppáhaldsmaturinn minn
er hangikjöt og mamma eldar
það fyrir okkur á jóladag,“ segir
Arnar Gauti sem viðurkennir
að hann sakni þess að eiga ekki
stóra fjölskyldu. „Fjölskyldan
mín er lítil. Ég er einkabarn og
mamma var einkabarn. Það er
því engin stórfjölskylda í kring­
um mig en við erum samheldin
og kunnum að njóta. Ég held
fast í hefðir á jólum. Við veljum
jólatré saman og skreytum síðan.
Krakkarnir eiga mikið af fallegu
jólaskrauti. Ég hef gefið þeim
jólaskraut frá því þau fæddust,
hún fær alltaf jólakúlu sem er
spiladós en hann fær hnotubrjót.
Ég tek alltaf jólarölt um miðbæ­
inn og kíki í Jólahúsið.“
GAMALDAGS JÓL
Arnar Gauti starfar hjá Húsgagna­
höllinni og er jafnframt með eigið
blogg, sirarnargauti.is, þar sem
hann gefur góð hönnunarráð.
Þegar hann er beðinn að gefa
konum góð ráð síðustu dagana
fyrir jólin er hann fljótur að
svara. „Setjast niður, fá sér púrt­
vín og slaka á. Besta ráðið er að
njóta augnabliksins og þakka fyr­
ir allt það góða sem við eigum.“
Arnar segir að dökk­búrgundí
sé jólaliturinn í ár. „Litur eins
og á góðu rauðvíni,“ segir hann.
„Jólin núna eru svolítið gamal­
dags og sá litur hentar þess
vegna mjög vel. Fatatískan er
hins vegar margbreytileg en mér
finnst alltaf að hinn eini sanni
jólakjóll sé litli, svarti kjóllinn.“
 n elin@365.is
SAFNAR KÆRLEIKSKÚLUM
JÓL Fagurkerinn Arnar Gauti Sverrisson er mikið jólabarn og finnst gaman að skreyta fyrir jólin. Hann hefur safnað öllum kærleiks­
kúlum sem gerðar hafa verið og þær fá veglegan sess á heimilinu, enda ákaflega fallegir listgripir sem vekja mikla athygli.
2003 – Erró
2004 – Ólafur Elíasson
2005 - Rúrí
2006 – Gabríela Friðriksdóttir
2007 – Eggert Pétursson
2008 – Gjörningaklúbburinn
2009 – Hreinn Friðfinnsson
2010 – Katrín Sigurðardóttir
2011 - Yoko Ono
2012 – Hrafnhildur Arnardóttir
2013 – Ragnar Kjartansson
2014 – Davíð Örn Halldórsson
2015 – Ragna Róbertsdóttir
FALLEGT Arnar Gauti með kær-
leikskúlurnar sínar sem hann raðar
á grein. Þess má geta að í dag er
síðasti söludagur kærleikskúlanna
fyrir þessi jól.
MYND/GVA
KÆRLEIKSKÚLAN