Fréttablaðið - 23.02.2016, Blaðsíða 52

Borgaraleg ferming er fyrir öll
ungmenni og kemur námsgeta,
uppruni, trúarskoðanir, fötlun
eða aðrir skyldir þættir ekki í
veg fyrir þátttöku. Með borgara­
legri fermingu er ekki verið að
staðfesta neitt heldur eru ung­
mennin að styrkjast í að verða
ábyrgir borgarar í lýðræðis­
legu samfélagi, að sögn Jóhanns
Björnssonar, formanns Siðmennt­
ar, sem er félag siðrænna húm­
anista á Íslandi. „Það gera þau
m.a. með því að sækja námskeið
en markmið þess er að efla heil­
brigð og farsæl viðhorf ung­
menna til lífsins. Leitast er við
að styrkja ábyrgðarkennd þátt­
takenda og virðingu fyrir sjálf­
um sér, umhverfi sínu og öðru
fólki. Einnig er mikið lagt upp úr
umhugsunar virkni og að hugsa
gagnrýnið. Að leyfa sér að undr­
ast, spyrja og rökræða eru þætt­
ir sem mikið er lagt upp úr auk
þess sem mikið er lagt upp úr
því að þátttakendur fái að hugsa
á þeim nótum sem heimspekileg
siðfræði leggur upp með.“
Fyrsta borgaralega ferming­
in fór fram hér á landi árið 1989
en þá fermdust sextán börn.
Þeim hefur síðan fjölgað jafnt
og þétt en á síðasta ári fermdust
304 börn og í ár verða þau rúm­
lega 340. Unglingarnir koma af
öllu landinu og verða fermingar­
athafnir á Akranesi, Akureyri, í
Árborg, Kópavogi, Reykjanesbæ
og Reykjavík.
Koma úr öllum áttum
Jóhann segir ríka hefð fyrir ferm­
ingum hér á landi og að borgara­
leg ferming hafi öðlast ákveðinn
sess í þeirri hefð. „Börnin kjósa
því oftast að fermast, annaðhvort
kirkjulega eða borgaralega, lík­
lega að stórum hluta af ákveðn­
um menningarástæðum. Börnin
sem fermast borgaralega koma úr
alls konar fjölskyldum. Þetta eru
fjölskyldur sem eru félagar í Sið­
mennt, eru trúlausar, standa utan
trúfélaga, eru í trúfélögum þar
sem fermingar tíðkast ekki eða
eru í þjóðkirkjunni en eru samt
ekki tilbúin til þess að strengja
trúarheit. Mér finnst það mjög já­
kvætt að fá að kynnast börnum
sem hafa ólíkan bakgrunn þegar
kemur að lífsskoðunum.“
Undirbúningur fer þannig fram
að unglingarnir sækja námskeið
þar sem mikið er lagt upp úr því
að þjálfa þau í að hugsa gagnrýn­
ið, að sögn Jóhanns. „Farið er í
ýmislegt á námskeiðinu, eins og
siðfræði, fjölmenningarfærni,
fjölmiðla­ og auglýsingalæsi, um
samskipti unglinga og fullorðinna,
sjálfsmynd unglinga og samskipti
kynjanna, um skaðsemi vímuefna,
að hugsa skapandi og um dular­
fullar gátur tilverunnar. Mikið
er lagt upp úr því að þau fái tæki­
færi til þess að mynda sér sjálf­
stæðar skoðanir og rökræða þær.
Auk þess fá þau tækifæri til þess
að kynnast heimspekilegum sam­
ræðum.“
Að loknu námskeiði er haldin
athöfn sem Siðmennt kallar ferm­
ingarathöfn og segir Jóhann hana
að mörgu leyti líkjast útskriftar­
hátíð að loknu námskeiði. „Í flest­
um athöfnunum afhendi ég börn­
unum fermingarskjal sem stað­
festingu á að þau hafi tekið þátt
í námskeiðinu. Oft eru tvær eða
þrjár athafnir sama daginn þann­
ig að dagurinn er nokkuð erilsam­
ur. Að loknum fermingarathöfnum
fer ég heim og tek því rólega. Ég
er alltaf afskaplega glaður og sátt­
ur með að hafa átt þátt í einhverju
sem gefur unglingunum og fjöl­
skyldum þeirra gleði og tilgang.“
starri@365.is
Að undrast, spyrja og rökræða 
Fjöldi þeirra sem fermast borgaralega hefur aukist jafnt og þétt frá því slíkar fermingar hófust hér á landi árið 1989. Unglingarnir sækja
námskeið þar sem m.a. er farið í siðfræði, fjölmiðla- og auglýsingalæsi, samskipti unglinga og fullorðinna og samskipti kynjanna.
„Ég er alltaf afskaplega glaður og sáttur með að hafa átt þátt í einhverju sem gefur unglingunum og fjölskyldum þeirra gleði
og tilgang,“ segir Jóhann Björnsson, formaður Siðmenntar. MYND/ANTON BRINK
Ferming 2016
Þar sem úrvalið er af umgjörðum
Fagmennska
fyrst
og fremst
feRMINg Kynningarblað
23. febrúar 201636