Fréttablaðið - 23.02.2016, Blaðsíða 69

Aðalfundur N1 hf.
Aðalfundur N1 hf. verður haldinn miðvikudaginn 16. mars 2016 klukkan 16.00
í höfuðstöðvum félagsins að Dalvegi 10-14, Kópavogi.
Dagskrá fundarins
1. Skýrsla stjórnar um starfsemi félagsins á liðnu starfsári.
2. Skýrsla forstjóra og ársreikningur kynntur.
3. Staðfesting ársreiknings fyrir síðastliðið reikningsár og tekin ákvörðun um hvernig fara skuli með hagnað félagsins.
4. Ákvörðun tekin um greiðslu arðs vegna rekstrarársins 2015.
5. Stjórnarkjör.
6. Kjör endurskoðanda eða endurskoðunarfirma.
7. Ákvörðun um þóknun til stjórnarmanna og undirnefnda stjórnar.
8. Tillaga stjórnar að starfskjarastefnu félagsins.
9. Tillögur um breytingar á samþykktum félagsins.
10. Tillaga stjórnar um heimild til kaupa á eigin hlutabréfum.
11. Önnur mál löglega upp borin.
Tillögur
a) Ársreikningur (liður 3)
Stjórn leggur til að ársreikningur fyrir árið 2015 verði samþykktur.
b) Arðgreiðsla (liður 4)
Stjórn leggur til við aðalfund að arður verði greiddur til hluthafa að
fjárhæð kr. 1.050.000.000 vegna rekstrarársins 2015 eða kr. 3,0 fyrir
hverja eina krónu af nafnverði hlutafjár í félaginu. Arðurinn verður
greiddur til hluthafa þann 7. apríl 2016. Síðasti viðskiptadagur þar sem
arður fylgir bréfunum er 16. mars 2016 og arðleysisdagur því 17. mars
2016. Arðsréttindadagur er 18. mars 2016, sem þýðir að arður greiðist
þeim sem skráðir eru í hlutaskrá N1 hf. hjá Verðbréfaskráningu Íslands í
lok dags 18. mars 2016.
c) Kjör endurskoðanda (liður 6)
Stjórn leggur til að endurskoðunarfirmað Ernst & Young sjái áfram um
endurskoðun á ársreikningi félagsins vegna rekstrarársins 2016.
d) Þóknun til stjórnar (liður 7)
Stjórn leggur til við aðalfund að stjórnarlaun komandi starfsárs verði
sem hér segir:

Stjórnarformaður fái kr. 630.000 á mánuði
Varaformaður stjórnar fái kr. 472.500 á mánuði
Aðrir stjórnarmenn fái kr. 315.000 á mánuði
Fulltrúar í starfskjaranefnd fái kr. 35.000 á mánuði
og formaður starfskjaranefndar kr. 75.000 á mánuði
Fulltrúar í endurskoðunarnefnd fái kr. 65.000 á mánuði
og formaður endurskoðunarnefndar kr. 110.000 á mánuði
e) Starfskjarastefna (liður 8)
Stjórn leggur til að við starfskjarastefnu félagsins bætist eftirfarandi
7. gr. um skaðleysi stjórnar og framkvæmdastjórnar:

„Félagið skal tryggja að á hverjum tíma sé í gildi starfsábyrgðartrygging
er gildi fyrir stjórnarmenn og æðstu stjórnendur, bæði starfandi og
fyrrverandi, vegna starfa þeirra í þágu félagsins. Félagið skal tryggja
að stjórnarmönnum og æðstu stjórnendum sé haldið skaðlausum
af kröfum sem á þá kunna að verða gerðar eða á þá kunna að falla
vegna starfa fyrir félagið að svo miklu leyti sem ákvæði laga um
hlutafélög, laga um gjaldþrot og meginreglur laga um saknæmi leyfa.

Félagið greiðir tryggingariðgjald starfsábyrgðartryggingar og
eðlilegan kostnað af málsvörn gagnvart kröfum eða rannsóknum af
ofangreindum toga með fyrirvara um rétt til endurkröfu, komi síðar
í ljós að viðkomandi hafi í umræddu tilviki af ásetningi eða stórfelldu
gáleysi brotið gegn trúnaðarskyldum sínum við félagið eða ákvæðum
laga í starfi sínu fyrir það.“
Að öðru leyti er lagt til að starfskjarastefna félagsins verði óbreytt
frá fyrra ári.
f) Tillaga um breytingu á samþykktum (liður 9)
Stjórn leggur til að breytt verði ákvæði 17. gr. samþykkta félagsins,
samkvæmt 8. mgr., þannig að tekið verði upp nýtt ákvæði um
að hluthafar eigi ávallt rétt á að krefjast hlutfallskosningar eða
margfeldiskosningar við stjórnarkjör í tvo sólarhringa frá því að stjórn
kunngerir niðurstöður framboða til stjórnar, ef ekki er sjálfkjörið.
g) Kaup á eigin bréfum (liður 10)
Félaginu er heimilt að kaupa eigin hluti sem nemur allt að 10% af
heildarhlutafé félagsins í samræmi við 55. gr. hlutafélagalaga nr.
2/1995, í þeim tilgangi að koma á viðskiptavakt með hluti í félaginu
og/eða til að setja upp formlega endurkaupaáætlun skv. 116. gr. laga
um verðbréfaviðskipti eða á grundvelli 1. tölul. 3. mgr. 115. gr. og
2. mgr. 119. gr. laga um verðbréfaviðskipti og reglugerða sem settar
eru á grundvelli 118. og 131. gr. sömu laga. Heimild þessi gildir
í 18 mánuði frá samþykkt hennar.
Aðrar upplýsingar
Öll skjöl og tillögur sem lagðar verða fyrir aðalfund verður að finna á vefsíðu
félagsins www.n1.is/fjarfestatengsl. Hluthöfum stendur einnig til boða
að nálgast skjölin í höfuðstöðvum félagsins að Dalvegi 10-14, Kópavogi,
virka daga milli klukkan 9.00-16.00. Fundurinn fer fram á íslensku og
verða fundargögn jafnframt á íslensku.
Hluthafar geta látið umboðsmann sækja hluthafafundinn fyrir sína hönd.
Umboðsmaður skal leggja fram skriflegt umboð.
Ekki verður hægt að greiða atkvæði með rafrænum hætti á fundinum.
Hluthöfum gefst kostur á að greiða atkvæði um mál sem eru á dagskrá
fundarins bréflega. Skal beiðni um slíka atkvæðagreiðslu hafa borist
skrifstofu félagsins eða á netfangið hluthafar@n1.is eigi síðar en fimm
dögum fyrir fundinn, þ.e. fyrir kl. 16.00 föstudaginn 11. mars 2016.
Hluthafar eiga rétt á því að fá ákveðin mál tekin til meðferðar á
hluthafafundi ef þeir gera um það skriflega eða rafræna kröfu.
Óski hluthafi eftir að koma máli eða tillögu á dagskrá hluthafafundar skal
slík beiðni hafa borist skrifstofu félagsins eða á netfangið hluthafar@n1.is
eigi síðar en tveimur vikum fyrir fundinn, þ.e. fyrir kl. 16.00 miðvikudaginn
2. mars 2016.
Endanleg dagskrá og tillögur verða birtar viku fyrir fundinn. Samkvæmt
63. gr. a. hlutafélagalaga nr. 2/1995 ber að tilkynna um framboð til stjórnar
skriflega með minnst fimm sólarhringa fyrirvara fyrir aðalfund, eða fyrir
kl. 16.00 föstudaginn 11. mars 2016. Framboðum skal skila á skrifstofu N1 hf.,
Dalvegi 10-14, Kópavogi, eða á netfangið hluthafar@n1.is. Upplýsingar um
frambjóðendur til stjórnar verða birtar eigi síðar en tveimur dögum fyrir
aðalfund.
Aðgöngumiðar, atkvæðaseðlar og önnur fundargögn verða afhent
frá klukkan 15.30 á aðalfundardegi.
Stjórn N1 hf.
Kjúklingabitar
4 kjúklingabringur eða -lundir
2 bollar grísk jógúrt
2 msk. hunang
2 msk. dijonsinnep
¼ tsk. sjávarsalt
2 ½ bolli kornfleks
Hitið ofninn í 175°C. Skerið kjúklinga­
bringurnar í strimla. Hrærið saman
grískri jógúrt, hunangi, salti og dijon­
sinnepi í stórri skál. Bætið kjúklingn­
um í skálina og blandið saman þannig
að maríneringin hjúpi kjúklinginn.
Setjið plastfilmu yfir kjúklinginn og
geymið í ísskáp í 20 mínútur.
Setjið helminginn af kornfleksinu í
poka og myljið. Setjið helminginn af
kjúklingnum í pokann og hristið hann
svo að kornfleksið hjúpi kjúklinginn.
Raðið kjúklingnum á bökunarpappírs­
klædda ofnplötu og spreyið smá af olíu
yfir. Bakið í 20­25 mínútur.
Bakaðar sætar kartöflufranskar
2-4 stórar sætar kartöflur
1-2 msk. maizena-mjöl
1-2 ólífuolía
Sjávarsaltkrydd eftir smekk
Hitið ofninn í 210°C. Setjið bökunar­
pappír á ofnplötu og spreyið smá olíu
á hann. Afhýðið kartöflurnar, skerið í
strimla á stærð við franskar kartöflur
og setjið í stóra skál. Stráið maizena­
mjöli yfir og hristið vel svo að mjölið
myndi létta húð um kartöflurnar. Setj­
ið ólífuolíu yfir og hristið aftur þannig
að kartöflurnar fái létta olíuhúð. Bakið
kartöflurnar í 15 mín., snúið þeim og
bakið áfram í 15 mín. til viðbótar.
Hunangssinnepssósa
¼ bolli majónes
¼ bolli dijonsinnep
2 msk. hunang
Hrærið majónesi og sinnepi vel saman.
Bætið hunangi saman við og hrærið
aftur þar til allt hefur blandast vel.
uppskrift fengin af ljufmeti.com
Kjúklingabitar og sætar kartöflur með sinnepssósu
„Maður gleymir stundum hvað Ísland er fallegt á veturna. Þessi mynd er tekin í Hvalfirðinum í vetur.“
L í f i ð ∙ f R É T T A B L A ð i ð 25Þ R i ð J U D A G U R 2 3 . f e B R ú A R 2 0 1 6