Morgunblaðið - 19.09.2019, Side 26

26 FRÉTTIRInnlent
MORGUNBLAÐIÐ FIMMTUDAGUR 19. SEPTEMBER 2019
Ágúst Ingi Jónsson
aij@mbl.is
Hugmyndir eru um að byggja nýtt
hjúkrunarheimili í Kópavogi, sem
kæmi í stað hjúkrunarheimilisins
Sunnuhlíðar. Málið hefur verið
rætt við bæjaryfirvöld í Kópavogi
og heilbrigðisráðherra og hefur
erindinu verið
tekið vel af báð-
um þessum að-
ilum, að sögn
Kristjáns Sig-
urðssonar fram-
kvæmdastjóra.
Síðustu fimm
ár hefur Vigdís-
arholt ehf., sem
er í eigu ríkis-
ins, séð um
rekstur hjúkr-
unarheimilisins. Reksturinn hefur
gengið vel, en Kristján segir að
kominn sé tími á nýtt hjúkrunar-
heimili í stað þess gamla. Sunnu-
hlíðarsamtökin hafa komið að
verkefninu með Vigdísarholti.
Fyrr á þessu ári tók hjúkrunar-
heimilið Seltjörn á Seltjarnarnesi
til starfa og annast Vigdísarholt
ehf. einnig reksturinn þar.
Vill frekar bíða eftir einbýli
„Staðreyndin er sú að húsnæði
hjúkrunarheimilisins Sunnuhlíðar
stenst ekki lengur kröfur um slík
heimili,“ segir Kristján. „Íbúar
eru í tvíbýli og það verður stöðugt
algengara að fólk segist þá frekar
bíða eftir einbýli annars staðar og
þá í mörgum tilvikum á Landspít-
alanum.“
Kristján segir að gerð hafi verið
könnun á því hvað það myndi
kosta að koma hjúkrunarheimilinu
í viðunandi horf, en heimilið er í
eigu ríkisins. Talið sé að nauðsyn-
legar endurbætur kosti um 100
milljónir og um 650 milljónir að
breyta húsnæðinu í einbýli. Þær
breytingar yrðu ekki fullnægjandi
og herbergjum fækkaði úr 70 í 50.
„Okkar hugmyndir eru að
byggja nýtt hjúkrunarheimili með
nýjum áherslum og íbúar á nýja
heimilinu yrðu 80-100,“ segir
Kristján. Hann segir að bærinn
hafi undanfarið verið að athuga
með lóð undir heimilið. Sjálfur
hafi hann áhuga á að það rísi í
Vesturbæ Kópavogs, en það sé
ekki aðalatriðið. Kristján segir að
í undirbúningi málsins sé miðað
við að kostnaðarskipting verði
þannig að ríkið beri 85% bygging-
arkostnaðar og bæjarfélagið 15%.
Hann vonast til að sjá nýtt hjúkr-
unarheimili rísa í Kópavogi á
næstu 3-4 árum.
Kristján telur æskilegt að
rekstraraðilar og hönnuðir vinni
saman frá upphafi að framkvæmd-
inni. Jafnframt leggur hann
áherslu á að útvíkka rekstur
hjúkrunarheimilisins með hjúkr-
unaríbúðum sem yrðu tengdar
hjúkrunarheimilinu á hverri hæð.
Núna sé slíkt húsnæði oft 3-4
hæðir með tengibyggingu á jarð-
hæð og óhagkvæmt sé að veita
þjónustu frá hjúkrunarheimilum
út og upp í íbúðirnar.
Auðveldara að veita þjónustu
„Þeir sem búa í búðum tengdum
hjúkrunarheimilum eru oft frískir
aldraðir einstaklingar, en í hjúkr-
unaríbúðum væri heimili fyrir
veika aldraða samkvæmt ákveð-
inni skilgeiningu,“ segir Kristján.
„Með því að tengja þessar íbúðir
við hjúkrunarheimili með stiga-
gangi á hverri hæð yrði auðveld-
ara að veita þjónustu heldur en nú
er.“
Áform um nýja Sunnuhlíð í Kópavogi
 Tími kominn á nýtt hjúkrunarheimilið í stað þess gamla  Nýtt heimili eftir 3-4 ár?  Vigdísarholt
ehf. hefur rætt við ríkisvaldið og bæjaryfirvöld  Tenging hjúkrunarheimilis og hjúkrunaríbúða
Þjónustan auðveldari Á efri myndinni er skissa af hjúkrunarheimili þar sem tengibygging milli íbúða til vinstri og
hjúkrunarheimilis til hægri er jafn há meginbyggingum. Á þann hátt verður þjónusta auðveldari. Á neðri myndinni
er tengibygging hins vegar ein hæð með löngum göngum eins og verið hefur algengt.
Löng saga
» Hjúkrunarheimilið Sunnu-
hlíð hóf starfsemi sína í maí
1982 og var heimilið fyrsta
sérhannaða hjúkrunarheim-
ilið fyrir aldraða á Íslandi.
» Frá því í mars 2014 hefur
hjúkrunarheimilið verið rekið
af Vigdísarholti ehf. en það
er félag í eigu ríkisins.
» Ríkið eignaðist hjúkrunar-
heimilið 2015. Það yrði því
væntanlega hlutverk
fjármálaráðherra að ákveða
hvað gert yrði við gamla
hjúkrunarheimilið verði það
tekið úr notkun.
» Sunnuhlíðarsamtökin eiga
og reka samtals 109 íbúðir
fyrir aldraða við Kópavogs-
braut 1A, Kópavogsbraut 1B
og Fannborg 8. Íbúðirnar við
Kópavogsbraut eru tengdar
hjúkrunarheimilinu Sunnu-
hlíð.
Kristján
Sigurðsson
Kristján segir að miðað hafi verið við nýja nálgun við undirbúning
málsins. Við hönnun hjúkrunarheimilisins vilji hann að áhersla verði
meðal annars lögð á 80-100 herbergi þar sem rekstrarhagkvæmni
ráði stærð.
Herbergi heimilismanna raðist í kringum miðrými og gangar verði
ekki langir. Mönnunarmódel verði endurskoðað með hliðsjón af betra
skipulagi húsnæðis. Dagdvöl um kvöld og helgar verði opin með lík-
um hætti og nú sé til reynslu á Akureyri.
Þá verði hjúkrunaríbúðir áfastar hjúkrunarheimilinu á hverri hæð,
en þær verði ætlaðar veikum öldruðum.
Ný nálgun við undirbúning
ÁHERSLA Á REKSTRARHAGKVÆMNI
Ýmis mál bar á góma á aðalfundi
Snæfells sem haldinn var á mánu-
dag í Grundarfirði, en Snæfell er
félag smábátaeigenda á Snæfells-
nesi. Ánægja kom fram á fundinum
með fyrirkomulag strandveiða sem
breytt var 2018 og lögfest 2019.
Samþykkti fundurinn áskorun um
að mikilvægt væri að halda áfram
að lagfæra kerfið með því að auka
hagkvæmni þess.
Samhljómur var á fundinum um
að endurheimta þau þúsund tonn
sem sjávarútvegsráðherra hefur
skert línuívilnun um. Ráðherra var
gagnrýndur fyrir að fallast ekki á
tillögur LS um hækkun prósentu til
línuívilnunar.
Ánægja með fyrirkomulag strandveiða
V ð f á
2024 SLT
L IÐLÉ T T INGUR
Austurvegur 69 - 800 Selfoss // Lónsbakk i - 601 Akureyr i // Sólvangi 5 - 700 Egilsstaðir
Sími 480 0400 // jotunn@jotunn.is // www.jotunn.is
er r
3.190.000
án vsk.