Morgunblaðið - 23.10.2019, Side 26

26 FRÉTTIRInnlent
MORGUNBLAÐIÐ MIÐVIKUDAGUR 23. OKTÓBER 2019
Fást í apótekum, heilsuverslunum og heilsuhillum stórmarkaðanna.
Innihald:
• Kólín sem stuðlar að:
- eðlilegum fituefnaski
- viðhaldi eðlilegrar
starfsemi lifrarinnar
• Mjólkurþistil ogætiþi
sem talin eru stuðla að
eðlilegri starfsemi lifrar
og galls
• Túrmerik og svartur
pipar
Góður árangur
„Ég ákvað að prófa Active Liver eftir að ég sá að það er úr náttúrulegum efnum, ég hef fulla trú á að
náttúruefnin í vörunni stuðli að eðlilegri lifrarstarfsemi. Ég er sjúkraliði að mennt og er meðvituð um
líkamsstarfsemina og veit að fita getur safnast á lifrina, þess vegna vildi ég prófa. Ég fékk fljótlega aukna
orku og mér finnst auðveldara að halda mér í réttri þyngd. Einnig finn ég mikinn mun á húðinni, hún
ljómar meira og er mýkri. Ég er mjög ánægðmeð árangurinn og mæli með Active Liver fyrir fólk sem
hugsar um að halda meltingunni góðri.“ Jóna Hjálmarsdóttir
Heilbrigð melting með
Active Liv
ptum
sti
er
Starfsemi lifrarinnar hefur mikið að segja um líkamlegt
heilbrigði og hefur lifrin mikla þýðingu fyrir efnaskiptin.
Það geta verið margar ástæður fyrir því að fita safnast upp í lifrinni eins og t.d. of mikil neysla á
kolvetnum, áfengi og feitummat. Þreyta og þróttleysi geta verið merki um aðmikið álag sé á lifrinni.
Active Liver stuðlar að eðlilegum efnaskiptum
BAKSVIÐ
Stefán E. Stefánsson
ses@mbl.is
Við sjáum þeim bregða fyrir í lok
hverrar keppni í Formúlu 1. Þegar
skipi er gefið nafn er þeim slengt ut-
an í kinnung þess svo freyðir um allt.
Fæstir láta þær fram hjá sér fara á
brúðkaupsdegi og James Bond á það
til að panta sér eina þegar mikið ligg-
ur við. Þegar Coco Chanel tjáði sig
eitt sinn um innihald þeirra sagðist
hún aðeins drekka það við tvenns
konar tilefni; þegar hún væri ást-
fangin og þegar hún væri það ekki.
Táknmynd hins sanna
glaums og velmegunar
Kampavín er án efa ein þekktasta
og umtalaðasta afurð vínviðarins og
um það hefur leikið óútskýrður dýrð-
arljómi um margra alda skeið. En það
er dýrt og flestir líta svo á að það sé
aðeins ætlað til neyslu á stórhátíðum
eða í tilefni mikilla viðburða. Um leið
hefur það orðið að eins konar stöðu-
tákni og tengt við munað og lífsins
lystisemdir.
Sölutölur hér heima og erlendis
benda til að landslagið í þessum efn-
um sé að breytast og kemur það til af
ýmsum ástæðum. Í fyrsta lagi þeirri
að sífellt fleiri átta sig á að kampavín
er annað og meira en sætur og kar-
akterlaus froðudrykkur sem gott er
að dreypa á til hátíðarbrigða. Kampa-
vín getur nefnilega verið frábært
matarvín og þá geymir það oft og tíð-
um sögu sem tvinnast saman af jarð-
veginum sem það er sprottið úr, veðr-
áttunni sem mótaði vínviðinn á
hverjum tíma og því handbragði og
þekkingu sem víngerðarfólkið býr yf-
ir.
Með meira milli handanna
Í öðru lagi er sennilegt að bætt
efnaleg staða þorra fólks geri fleirum
kleift að kaupa kampavín öðru hvoru
en áður og því hefur neytendahóp-
urinn stækkað til muna. Kampavín er
gjarnan allnokkru dýrara en þokka-
legt léttvín en því ráða nokkrar
ástæður. Helstar þó að framleiðsla á
kampavíni er mun flóknari og dýrari
en á öðru víni og þá er vínið sem ber
þetta heiti aðeins framleitt á tilteknu
svæði í Frakklandi, Champagne, og
þótt framleiðslugeta þess sé gríðarleg
virðist heimsbyggðin óseðjandi þegar
kemur að hinum gulli slegna drykk
og því er framboðið oft mun minna en
eftirspurnin, ekki síst þegar komið er
ofarlega í verð- og gæðastigann.
Yfir 16 þúsund lítrar í ár?
Sölutölur ÁTVR sýna þessa þróun
ágætlega. Reyndar hefur aldrei
meira selst af kampavíni en árið 2007
en í kjölfar bankahrunsins dróst salan
verulega saman.
Í ár stefnir í að salan verði jafnvel
meiri en fyrrnefnt metár, þegar
ÁTVR seldi 16 þúsund lítra af
drykknum gyllta, og hefur henni vax-
ið jafnt og þétt ásmegin síðustu ár.
Má að mörgu leyti tengja vöxtinn við
þá staðreynd að síðustu ár höfum við
búið við lengstu jákvæðu hagsveiflu
sem sögur fara af. Tölurnar frá
ÁTVR segja þó ekki nema hálfa sög-
una. Í þeim er ekki að finna tölur yfir
keyptar flöskur á veitingahúsum og
því síður þær sem rata til landsins í
gegnum eigin innflutning fólks.
Lúxus sem sífellt sækir í sig veðrið
 Kampavín nýtur sífellt meiri vinsælda hér á landi sem annars staðar  Framleiðendur í Champagne
seldu ríflega 300 milljón flöskur í fyrra  Veitingahúsin hafa breytt neyslumynstrinu hér á landi
Tölur ÁTVR vitna líklega um tals-
vert breytta neysluhegðun þar
sem kampavínið kemst æ oftar á
lista fólks yfir þá áfengu drykki
sem það lætur ofan í sig. Og þeir
sem þekkja veitingahúsamenn-
inguna sjá hið sama þar. Sífellt
fleiri veitingahús hafa kampavín á
boðstólum og hin síðustu ár hafa
þau einnig tekið að bjóða góð vín
frá hinu umtalaða svæði í Frakk-
landi á skaplegra verði en áður.
Lengi vel voru fá veitingahús með
kampavín á vínlista sínum og kost-
aði þá flaskan gjarnan 14 til 18
þúsund krónur (sambærileg flaska
var þá gjarnan á 5.000 krónur í
ÁTVR). En nú bjóða mörg þeirra,
eins og áður segir, upp á flöskur
sem kosta 9 til 10 þúsund krónur.
Sum veitingahúsin byggja það á
tímabundnum tilboðum, á öðrum
má ganga að þessu verði vísu.
Verður sú verðlagning að teljast
hófleg í öllum samanburði. Þannig
kostar flaska af Drappier (brut
nature – pinot noir) 6.490 krónur í
Vínbúðunum og Moët & Chandon
(Brut Imperial) 6.199 krónur og
þar sem þessar tvær tegundir eru
til sölu á 10 þúsund krónur nemur
álagningin m.v. útsöluverð ÁTVR
því í kringum 50-60% en ekki 200-
300% eins og gjarnan má sjá þeg-
ar kemur að millidýru rauðvíni og
hvítvíni.
Morgunblaðið/Kristinn Magnússon
Breytingar Veitingahúsið Snaps við Þórsgötu hefur verið í fararbroddi
þeirra staða sem boðið hafa upp á kampavín á lægra verði en áður tíðkaðist.
Veitingahúsin
bjóða betra verð
Það segir sitt um umfang
framleiðslunnar í Champagne
að heildarvirði hennar á síð-
asta ári nam hvorki meira né
minna en 4,9 milljörðum evra.
Það jafngildir um 680 millj-
örðum íslenskra króna. Það
þarf ekki að koma sérstaklega
á óvart að heimamarkaðurinn
er sterkastur. Umsvif hans eru
um tveir milljarðar evra og 2,9
milljarðar koma til vegna út-
flutningsins sem dreifist um
veröld víða.
Enginn markaður utan
Frakklands er jafn stór og sá
sem byggst hefur upp í Bret-
landi. Þarlendir keyptu 26,8
milljónir flaskna í fyrra. Á
hæla þeim koma svo frænd-
urnir í vestri. Bandaríkja-
menn keyptu 23,7 milljónir
flaskna í fyrra. Hálfdrætt-
ingar á við Breta eru Japanir,
sem keyptu 13,6 milljónir
flaskna í fyrra.
Gríðarleg
verðmæti
DREYPT Á UM ALLAN HEIM
Viðurgjörningur Það hefur lengi þótt viðeigandi að slá tappa úr kampavínsflösku við hátíðeg tilefni.
Framleiðsla á kampavíni árið 2018
Heimild: Comité Champagne
4,9
milljarðar
evra
þar af 2,9
vegna útflutnings
VirðiFramleiðsla
362.000.000
362 milljón flöskur
Uppskera=12,361 kg/hektara
Ljósmynd/Comité Champagne
■ Þessi grein er hluti greinaflokks
sem aðgengilegur er innskráðum
notendum á mbl.is. Allt í allt verða
greinarnar 14 talsins og verða
birtar vikulega fram á nýtt ár.