Tímarit hjúkrunarfræðinga - 2016, Side 46

Fagið02/07
stjórnarmEnn FagdEildar heilsugæsluhjúkrunarfræðinga lögðu
land undir fót og fóru í námsferð til Jyväskylä í Finnlandi í október
síðastliðnum. Tilgangur ferðarinnar var að kynnast nýjungum í
menntun, ábyrgðarsviði og verkefnum heilsugæsluhjúkrunarfræðinga
á heilsugæslustöðvum í Finnlandi.
Huhtasua­heilsugæslustöðin er hverfisstöð í Jyväskylä. Íbúar
svæðisins eru 9000 manns. Þar er öflug þverfagleg teymisvinna
og forgangsröðun sem er stýrt af hjúkrunarfræðingum. Í JAMK­
háskólanum fer fram framhaldsnám í hjúkrun og þar var kynning á
finnska heilbrigðiskerfinu, hjúkrunarnáminu í Finnlandi, ábyrgðar­
sviði, verkefnum og lyfjaávísunum hjúkrunarfræðinga í Finnlandi. Í
þessari grein munum við segja frá Huhtasua­heilsugæslustöðinni og
þeim nýjungum sem þar hafði verið unnið að síðustu árin.
Námsferðin var skipulögð af Háskóla hagnýtra vísinda (JAMK) í
Jyväskylä í Finnlandi.
Hjúkrunarstýrð þjónusta á Huhtasuo-heilsugæslustöðinni
Fyrir nokkrum árum stóð Huhtasuo­heilsugæslan frammi fyrir því að
nauðsynlegt væri að gera breytingar á þjónustu stöðvarinnar til þess
að sinna þörfum íbúanna. Biðtími eftir þjónustu var langur og fólk
fékk ekki þá þjónustu sem það þurfti á að halda. Það var skortur á
læknum og þeir sóttu ekki um lausar stöður á heilsugæslustöðinni.
Læknarnir, sem störfuðu á stöðinni, voru ekki ánægðir í vinnunni.
Þeim fannst þeir ynnu ýmis störf sem aðrir gætu sinnt og fjöldi
samskipta væri of mikill. Starfsfólk stöðvarinnar kom sér saman um
að skoða hvað væri að og finna hver væri vandinn í raun.
Í ljós kom var að skjólstæðingum var ekki nægjanlega mikið vísað
til hjúkrunarfræðings. Í stað þess að fara til læknis ættu þeir að fara
mun meira til hjúkrunarfræðings. Einnig var ekki nægjanlega vel
haldið utan um meðferðaráætlanir langveikra sjúklinga og reyndist
það vera vegna þess að hjúkrunarfræðingarnir voru of fáir og höfðu
ekki tíma til að gera það. Niðurstaðan var sú að hægt væri að bæta
þjónustuna á heilsugæslunni og stytta biðtíma eftir þjónustu með
því að ráða fleiri hjúkrunarfræðinga, skipuleggja þverfaglega teymis­
vinnu og láta hjúkrunarfræðinga stjórna utanumhaldi sjúklinga með
langvinna sjúkdóma.
Hjúkrunarfræðingar heilsugæslustöðvarinnar voru sendir á ýmis