Tímarit hjúkrunarfræðinga - 2016, Síða 49

Fagið05/07
sérfræðimenntun, sálfræðinga, félagsráðgjafa og lækni. Áður en
skjólstæðingur mætir í fyrsta tímann þarf hann að fylla út upplýsinga­
blað, svonefnt sjálfsumönnunarblað, þar sem hann gefur nákvæmar
lýsingar á ástandi sínu, kemur með tillögur að sjálfshjálp og hvernig
hann sjálfur ætlar að vinna í að draga úr einkennum sjúkdómsins
með aðstoð teymisins. Fagaðilarnir og skjólstæðingurinn vinna svo
saman að því að ná markmiðum hans. Upplýsingarnar á blaðinu gefa
til kynna hvar skjólstæðingurinn er staddur, hver fræðsluþörfin er
og hvaða aðstoð hann þarf til að ná markmiðum sínum. Hér á eftir
er farið yfir hvernig upplýsingablaðið er sett upp og á hverju það
byggist.
Til þess að auka enn frekar sjálfsumönnun skjólstæðing­
anna er herbergi á heilsugæslunni, eða svokallað heilsuafdrep.
Skjólstæðingarnir geta notað það herbergi að vild. Herbergið er
með aðgengi að alls kyns leiðbeiningum um heilbrigði og sjúkdóma,
tölvu með internetaðgangi og blóðþrýstingsmæli. Alla miðvikudags­
morgna hittir sjúklingurinn fagaðila, t.d. frá félagsþjónustunni eða
heilsugæslunni, eða þá einhver sem vill deila reynslu sinni af að lifa
með tiltekinn sjúkdóm, og þá gefst sjúklingnum tækifæri á að spyrja
og ræða um eigin reynslu. Einnig getur fólk komið á dagvinnutíma og
fengið sér kaffi og spjallað við aðra og þetta dregur m.a. úr félagslegri
einangrun. Sumir koma við eftir að hafa fengið þjónustu á heilsugæsl­
unni og fá sér kaffi og leita sér upplýsinga eða ræða við aðra í sömu
erindagjörðum.
Upplýsingablað um sjálfsumönnun
Skjólstæðingurinn fyllir út blaðið áður en hann hittir hjúkrunarfræðinginn
sem heldur utan um þverfaglega starfið fyrir fólk með langvinna sjúkdóma.
Upplýsingablaðið er fjórar blaðsíður: forsíða og þrjár mismunandi áherslur í
upplýsingasöfnun.
forsíða
Upplýsingar um hvenær viðkomandi á tíma hjá hjúkrunarfræðingnum og
lækni eða öðrum fagaðila. Upplýsingar um hvað sjálfsumönnun gengur út
á og samþykki fyrir því að viðkomandi taki þátt í að efla sjálfsumönnun.
Skjólstæðingurinn skrifar undir og samþykkir að hann ætli að efla heilbrigði sitt
og vinna sjálfur að markmiðum sínum til að halda sjúkdómseinkennum niðri.