Morgunblaðið - 07.11.2019, Blaðsíða 26

26 FRÉTTIRInnlent
MORGUNBLAÐIÐ FIMMTUDAGUR 7. NÓVEMBER 2019
SVIÐSLJÓS
Sigurður Bogi Sævarsson
sbs@mbl.is
„Þessir fyrstu mánuðir mínir hér í
Noregi hafa verið viðburðaríkir og
skemmtilegir. Sjálf setti ég strax
kraft í að læra norskuna og hefur
gengið vel. Norska og íslenska eru
mál af sama uppruna og svo eigum
við Íslendingar líka margt
sameiginlegt með Norðmönnum.
Menningarlegar rætur eru kjölfest-
an í nánum samskiptum Íslands og
Noregs – auk þess sem ríkin eru
bæði utan ESB, en innan EFTA,
EES og NATO,“ segir Ingibjörg
Davíðsdóttir, nýr sendiherra Ís-
lands í Ósló. Hún kom til starfa ytra
nú síðsumars og afhenti Haraldi
Noregskonungi trúnaðarbréf sitt í
ágústlok.
Ingibjörg á að baki tuttugu ára
feril í utanríkisþjónustunni; bæði í
ráðuneytinu heima og í fastanefnd
Íslands í Genf (2000-2005), við
sendiráð og fastanefnd Íslands í
Vínarborg (2010-2014) og við sendi-
ráð Íslands í Lundúnum (2014-
2015). Þá var Ingibjörg um þriggja
ára skeið (2015-2018) ráðgjafi fjög-
urra forsætisráðherra í utanríkis-
málum, málflokki sem hún gjör-
þekkir. Í sendiherrakapli sem
lagður var á síðasta ári skipuðust
mál á þann veg að Ingibjörg tæki
við sem sendiherra Íslands í Ósló,
en nú háttar svo til að konur eru
orðnar í meirihluta sendiherra í á
tvíhliða sendiráðum Íslands. Það
eitt og sér eru talsverð tímamót.
Íslendingum vegnar
vel í Noregi
Pólitísk samskipti, viðskiptaþjón-
usta og menningarstarf eru stór
þáttur í starfi sendiráða Íslands er-
lendis og svo borgaraþjónusta, sem
er aðstoð við Íslendinga í viðkom-
andi landi. „Íslendingar sem koma
til Noregs eru yfirleitt eftirsóttir í
vinnu, enda harðduglegt fólk og
vegnar vel hér í landi. Lengi voru á
bilinu 3.000-4.000 Íslendingar bú-
settir í Noregi; en í erfiðu efnahags-
ástandi heima eftir hrun má segja
að hafi orðið algjör sprenging,“ seg-
ir Ingibjörg og heldur áfram:
„Eftir hrun fór fjöldi Íslendinga
búsettra í Noregi yfir 10.000 en nú
telst okkur til að þeir séu um 9.500.
Margir sem hingað komu fyrst eftir
hrunið hafa því fest hér rætur. Um
þriðjungur er búsettur hér á Ósló-
arsvæðinu, ámóta margir á Vest-
urlandinu, svo sem í Bergen og
Stavanger, og síðasti þriðjungurinn
víða um landið.
Liðsinna og aðstoða
Ingibjörg segir algengt að Íslend-
ingar í Noregi leiti til sendiráðsins
um alls kyns aðstoð og leiðsögn um
réttindi og skyldur og almenna
þjónustu í Noregi og eins þegar
þurfi vegabréf. „Síðan er talsvert
um að fólk sem er í fjarnámi við
skóla heima komi hingað og taki hér
prófin, sem kennarar viðkomandi
hafa sent okkur áður. Vinnureglan
hjá okkur er í reynd einföld, sú að
við gerum allt sem í okkar valdi
stendur, innan þess ramma sem
okkur er settur, að liðsinna og að-
stoða Íslendinga. Borgaraþjónustan
er þannig alltaf í forgangi í störfum
sendiráða Íslands,“ segir sendiherr-
ann.
Hvað viðskiptaþáttinn varðar eru
árleg vöru- og þjónustuviðskipti Ís-
lands og Noregs um 165 milljarðar
íslenskra króna. Innflutningur frá
Noregi til Íslands er mest eldsneyti
og raftæki en í hina áttina er út-
flutningurinn einkum og helst
sjávarafurðir og tæknibúnaður.
Þegar allt er saman lagt, það er
inn- og útflutningur og þjónusta, er
Noregur fimmta stærsta viðskipta-
land Íslands. Þá sækja um 40 þús-
und Norðmenn Ísland heim á
hverju ári.
Menningarsamskipti hvers konar
eru mikilvægur þáttur í starfi
sendiráðsins sem er bakhjarl al-
mennings, fræðimanna og annarra
sem sinna bókmenntaarfinum. Á
dögunum var í Ósló haldin í sam-
starfi norrænu sendiráðanna kvik-
myndahelgi þar sem sýndar voru
myndir frá Danmörku, Svíþjóð,
Finnlandi, Noreg og Íslandi. Fram-
lag Íslands til þessa menningar-
viðburðar var myndin Hvítur, hvít-
ur dagur og að heiman kom Ingvar
E. Sigurðsson, aðalleikari mynd-
arinnar, og ræddi í kjölfar sýningar
myndarinnar við gesti um kvik-
myndina, leiklistina og lífið. Innan
tíðar verður í tengslum við Dag ís-
lenskrar tungu haldin samkoma í
embættisbústað sendiherrans þar
sem Áslaug Jónsdóttir rithöfundur
kemur við sögu.
Þrjú til fjögur ár á pósti
Íslenska sendiráðið í Ósló er í
miðborginni; á Stórþingsgötu núm-
er 30 skammt frá þinghúsinu, utan-
ríkisráðuneytinu og konungshöllinni
– ásamt því að vera í nálægð við al-
menningssamgöngur. Sendiráðið er
um þessar mundir skipað fjórum
starfsmönnum – einum útsendum
starfsmanni sem er sendiherrann
og svo þremur staðarráðnum. Þeir
eru menningarfulltrúi, sem er stað-
gengill sendiherra, viðskiptafulltrúi
og fulltrúi sem sinnir meðal annars
borgaraþjónustu. Það að vera
staðarráðinn er að eiga sína föstu
búsettu í landinu og vera ekki flutn-
ingsskyldur. Það eru sendiherrarnir
hins vegar, sem gjarnan sitja þrjú
til fjögur ár á hverjum pósti.
Í Ósló eru 36 ríki með fyrirsvar
gagnvart Íslandi. Fulltrúar þessara
ríkja reka því mörg sín mál gagn-
vart Íslandi í gegnum sendiráð Ís-
lands í Ósló. Af þessum 36 eru 13
aðildarríki ESB. Ósló er þannig
bæði tvíhliða og fjölþjóðleg send-
iskrifstofa. Þá eru Egyptaland,
Grikkland, Íran og Pakistan í um-
dæmi sendiráðsins Ósló, og er áætl-
að að Ingibjörg fari á næstu miss-
erum til þessara ríkja og afhendi
þar trúnaðarbréf sín.
Borgaraþjónustan alltaf í forgangi
 Ingibjörg Davíðsdóttir er nýr sendiherra Íslands í Ósló  Um 9.500 Íslendingar nú búsettir í
Noregi og eftirsóttir til vinnu  Ríkin eiga margt sameiginlegt  Umfangsmikil viðskipti milli landa
Ljósm/Scanpix
Formlegt Ingibjörg Davíðsdóttir sendiherra afhendir Haraldi Noregskonungi trúnaðarbréf. Í Ósló eru 36 ríki með
fyrirsvar sitt gagnvart Íslandi. Fulltrúar þeirra reka því mörg mál gagnvart Íslandi í gegnum sendiráðið í Noregi.
„Efling og vernd mannréttinda hafa verið mér hugleikin og er ég svo
heppin að hafa unnið að þessum málum nánast allan minn feril í utanrík-
isþjónustunni,“ segir Ingibjörg Davíðsdóttir. Hún frá Arnbjargarlæk í
Þverárhlíð í Borgarfirði. Á unglingsárum var hún í skóla í Reykholti í
Borgarfirði; en þar sat forðum Snorri Sturluson, sem meðal annars er
höfundur Heimskringlu. Í því merka riti er saga Noregskonunga rakin og
margir Norðmenn telja því að Snorri hafi verið norskur. Íslenskur var
hann þó og er forfaðir Ingibjargar í 23. lið.
„Nei, það er alls engin áskorun að halda nafni Snorra á lofti sem Ís-
lendings. Þótt skiljanlegt sé að aðrir vilji eigna sér hann, enda líklega
nafnkunnastur Íslendinga fyrr og síðar. Aðalatriðið er hins vegar að hann
er Borgfirðingur eins og ég,“ segir Ingibjörg.
Borgfirðingur eins og ég!
ER AFKOMANDI SNORRA STURLUSONAR Í 23. LIÐ
Fyrstu skref að betri
byggingamarkaði
Byggingavettvangurinn boðar til fundar á Grand Hótel,
mánudaginn 11. nóvember kl. 8.30–10.00 nk. Kynntar verða
fyrstu útfærslur á tillögum átakshóps ríkisstjórnarinnar um
úrbætur í húsnæðismálum er snúa að byggingarmálum með
auknum þætti rafrænnar stjórnsýslu og einföldun regluverks.
Við hlökkum til að sjá þig.
Ásmundur Einar Daðason,
félagsmálaráðherra.
Sigurður Hannesson,
framkvæmdastjóri
Samtaka iðnaðarins.
Þórdís Kolbrún
Reykfjörð Gylfadóttir,
ferðamála-, iðnaðar- og
nýsköpunarráðherra.
Hermann Jónasson,
forstjóri Íbúðalánasjóðs.
Dagskrá
Fundarstjóri er Sandra Hlíf Ocares,
verkefnastjóri Byggingavettvangsins.
Boðið verður upp á léttan morgunverð
frá kl. 8.00.
Skráning á si.is.