Morgunblaðið - 07.11.2019, Blaðsíða 58

58 MORGUNBLAÐIÐ FIMMTUDAGUR 7. NÓVEMBER 2019
Safnvörður
við Byggðasafn
Árnesinga
Starf safnvarðar við Byggðasafn Árnesinga er laust til umsóknar.
Um er að ræða fullt starf. Unnið er undir stjórn safnstjóra að
faglegum störfum við safnið. Starfið er fjölbreytt og fellst í
móttöku gestahópa og leiðsögn, gæslu, safnmunaskráningu í
Sarp, umsýslu varðveislu safnkosts, viðburðastjórnun, sýningagerð,
markaðssetningu, safnfræðslu fyrir nemendur skóla og ýmsu fleiru.
Leitað er að drífandi og áhugasömum einstaklingi sem er sjálfstæður
og vandaður í vinnubrögðum og lipur í mannlegum samskiptum.
Æskilegt er að umsækjandi hafi menntun sem nýtist í starfi og
þekkingu á safnastarfi. Góð almenn tölvukunnátta er nauðsynleg og
góð íslenskukunnátta og ritfærni. Æskilegt er að viðkomandi geti
unnið utan hefðbundins dagvinnutíma þegar svo ber undir.
Byggðasafn Árnesinga er í eigu Héraðsnefndar Árnesinga bs., starfssvæðið
er Árnessýsla öll en höfuðstöðvar safnsins eru á Eyrarbakka. Safnið er með
skrifstofu og geymslur að Hafnarbrú 3 á Eyrarbakka og grunnsýningu
í Húsinu á Eyrarbakka, Eggjaskúrnum og Kirkjubæ. Það sér einnig um
starfsemi Sjóminjasafnsins á Eyrarbakka og Rjómabúsins á Baugsstöðum
skv. þjónustusamningum. Framundan er spennandi og krefjandi verkefni
við flutning innri aðstöðu safnsins í nýtt húsnæði.
Upplýsingar um Byggðasafn Árnesinga má
finna á heimasíðu safnsins www.byggdasafn.is.
Umsóknir skal senda til Byggðasafns Árnesinga,
Hafnarbrú 3, 820 Eyrarbakka eða á netfangið
lydurp@byggdasafn.is.
Öllum umsóknum verður svarað.
Umsóknir skulu innihalda starfsferilsskrá
og kynningarbréf sem greinir frá reynslu,
menntun og fyrri störfum ásamt
rökstuðningi fyrir hæfni í starfið.
Umsóknarfrestur er til 1. desember 2019. Gert er ráð fyrir að ráða
til eins árs með möguleika á framtíðarráðningu. Laun samkvæmt
kjarasamningi Fræðagarðs við Samband íslenskra sveitarfélaga.
Æskilegt er að viðkomandi geti hafið störf ekki síðar en 1. mars 2020.
Nánari upplýsingar gefur Lýður Pálsson safnstjóri í síma 891 7766.
Lögfræðingur
á skrifstofu almanna- og réttaröryggis
Við leitum að metnaðarfullum og drífandi lögfræðingi sem hefur áhuga á að starfa með öflugum hópi
starfsmanna að málum á sviði almanna- og réttaröryggis. Skrifstofa almanna- og réttaröryggis hefur umsjón
með þeim málaflokkum í íslenskri stjórnsýslu er varða með einum og öðrum hætti öryggi almennings og
réttaröryggi í landinu. Þannig sinnir skrifstofan stefnumótun og úrlausn mála í eftirtöldum málaflokkum:
löggæsla, ákæruvald, fullnusta refsinga, landhelgisgæsla, almannavarnir og alþjóðleg réttaraðstoð,
ásamt aðgerðum gegn ýmis konar brotastarfsemi, s.s. peningaþvætti, skipulagðri brotastarfsemi, mansali,
tölvuglæpum og hryðjuverkum.
Menntunar– og hæfniskröfur
• Fullnaðarnám í lögfræði með embættis- eða meistaraprófi
• Að minnsta kosti þriggja ára starfsreynsla sem lögfræðingur
• Þekking og reynsla af störfum innan stjórnsýslunnar æskileg
• Þekking og reynsla af málefnasviði ráðuneytisins kostur
• Þekking eða reynsla af stefnumótun og verkefnastjórnun kostur
• Mjög gott vald á íslensku og færni til að tjá sig í ræðu og riti
• Mjög góð enskukunnátta og færni til að tjá sig í ræðu og riti
• Góð kunnátta á einu Norðurlandamáli er kostur
• Frumkvæði, drifkraftur og jákvæðni
• Mjög góð forystu- og samskiptahæfni
Umsóknir skulu fylltar út á Starfatorgi og er umsóknarfrestur til 25. nóvember nk. Öllum umsóknum verður
svarað þegar ákvörðun um ráðningu liggur fyrir.
Athygli er vakin á því að umsóknir munu gilda í 6 mánuði frá því að umsóknarfrestur rennur út. Um fullt starf
er að ræða. Laun greiðast samkvæmt kjarasamningi Félags háskólamenntaðra starfsmanna Stjórnarráðsins
og fjármálaráðherra.
Nánari upplýsingar veitir Ragna Bjarnadóttir,
skrifstofustjóri í síma 545 9000
Stjórnarráð Íslands
Dómsmálaráðuneytið
Vantar þig
dekk?
FINNA.is