Fréttablaðið - 20.12.2002, Síða 8

8 20. desember 2002 FÖSTUDAGUR
VEÐUR Einar Sveinbjörnsson, veður-
fræðingur og aðstoðarmaður um-
hverfisráðherra, er ósammála Sig-
urði Þ. Ragnarssyni veðurfræðingi
um að jólin í Reykjavík verði hvít.
Einar staðhæfir að nýjustu spár
bendi ótvírætt til þess að jólin í
Reykjavík verði rauð:
„Allar nýjustu tölvuspár sýna
það sama; það verða rauð jól í
Reykjavík og jafnvel um land allt,“
segir Einar og telur að flökt í tölvu-
spám undanfarna daga hafi leitt
starfsfélaga sinn að rangri niður-
stöðu. „Það kólnar eilítið næstu
daga en svo hlýnar aftur á Þorláks-
messu. Spárnar hafa breyst,“ segir
hann.
Einar gerir ráð fyrir að eitthvað
geti snjóað á Austur- og Norður-
landi á næstunni en það verði að-
eins föl sem taki fljótt upp. Á Suður-
og Vesturlandi verði hins vegar
klárlega rauð jól:
„Þó ekki væri nema vegna þess
hversu hlýr sjórinn er eru hverf-
andi líkur á snjókomu. Það þarf
mikið til að snjói almennilega þegar
sjór er svo hlýr sem raun ber vitni,“
segir Einar Sveinbjörnsson. ■
Rautt eða hvítt:
Veðurfræðingar
takast á um jólaveðrið
VEÐUR
Einstaklega gott veður hefur verið það sem af er vetri. Ágreiningur er um framhaldið.
BÖRN Herdís Storgard hjá Árvekni
segir að göngugrindur geti verið
mjög hættulegar börnum og hvet-
ur foreldra til að nota þær ekki.
„Fyrir skömmu brenndist 10 mán-
aða barn illa þegar sjóðandi heit
sósa helltist yfir það í heimahúsi í
Reykjavík. Barnið var í göngu-
grind og náði í skaft potts sem var
á eldavél, með þeim afleiðingum
að sósan helltist yfir það. Þetta er
annað slysið hér á landi á stuttum
tíma þar sem barn brennist af því
að það er í göngugrind og nær í
hlut með heitum vökva.“
Herdís segir að hætturnar séu
margar og það gerist of oft að
börn slasi sig illa í göngugrindum.
„Margir foreldrar telja að barnið
læri fyrr að ganga ef það notar
göngugrind, en svo er alls ekki.
Sum börn fá vöðvaverki af því að
nota göngugrindur auk þess sem
álag á bak er of mikið. Rannsókn-
ir sýna að börn sem nota göngu-
grindur fara að ganga að meðal-
tali tveimur vikum seinna. Börn
eru einnig sett of snemma í
göngugrindur og ef þau halda
ekki almennilega höfði og hallast
fram fyrir sig getur lokast fyrir
öndunarveg þeirra.“
Herdís telur að foreldrar átti
sig oft ekki á þeim hraða sem
barnið nær í göngugrindinni og
hún bendir á að það hafi komið
fyrir að þau fari hreinlega í gegn-
um grindur sem settar eru fyrir
stigaop og hafi rúllað niður stiga
og stórslasast. „Þau eiga einnig
mun auðveldara með að ná í hluti
og í því felst mikil hætta. Ég mæli
því alls ekki með að þessar grind-
ur séu yfirhöfuð notaðar,“ segir
Herdís Storgard. ■
Göngugrindur hættulegar:
Mælir ekki með að
þær séu notaðar
BÖRN SLASAST OFT Í GRINDUM
Herdís Storgard hvetur foreldra til að
nota alls ekki göngugrindur.
SVONA Á AÐ FARA AÐ ÞVÍ
Karfasali í Brno sýnir hvernig á að drepa
fisk með „mannúðlegum“ hætti. Fyrst á að
rota hann með barefli, sem ekki er með
hvössum brúnum. Svo má drepa.
Karfi í jólamatinn:
Ekki meiða
fiskinn
BRNO, AP Vinsælasti jólamaturinn í
Tékklandi er karfi með kartöflu-
salati. Og öllu skiptir að fiskurinn
sé sem ferskastur, svo bragðið
verði sem best.
Margir hafa þann sið að kaupa
karfa lifandi og geyma hann í bað-
kerinu heima hjá sér. Hann er svo
ekki tekinn og drepinn fyrr en
rétt áður en hann er matreiddur.
Töluverð umræða hefur verið
um það í Tékklandi hversu mann-
úðlegt þetta er. Fisksalar hafa
verið beðnir um að sjá endilega til
þess að karfinn finni ekki til sárs-
auka þegar hann er drepinn. Og
sumir fisksalar hvetja viðskipta-
vini sína til þess að gera slíkt hið
sama heima hjá sér. ■
SJÁVARÚTVEGUR Þróun þorskstofns-
ins við Íslands hefur um margt
verið svipuð þróun stofnanna í
Norðursjó og úti af Nýfundna-
landi. Sá síðarnefndi hrundi fyrir
um það bil áratug
síðan en vísinda-
menn Alþjóða haf-
rannsóknaráðsins
spá því að þorsk-
stofninn geti hrun-
ið í Norðursjó á
næstu árum.
Ólafur Karvel
Pálsson, fiskifræð-
ingur á Hafrann-
sóknastofnun, segir
fulla ástæðu til að taka mark á við-
vörunum Alþjóða hafrannsókna-
ráðsins. Þetta sé ábyrg stofnun
sem viti um hvað hún tali. „Þessi
þróun hefur staðið yfir um áratuga
skeið. Sóknin hefur verið að aukast
og stofninn að minnka. Ástandið
hefur verið að versna og nú er svo
komið að það blasir nánast bara
hrunið við.“
„Þróunin hér er sem betur fer
ekki jafn slæm að mörgu leyti.
Sóknin er ekki alveg jafn hörð
hjá okkur og við erum ekki að
veiða eins mikið af smáfiski og
þeir gera í Norðursjó,“ segir
Ólafur. Ástæða er þó til varkárni.
„Þegar litið er á heildarsvipinn á
þessari þróun þar og hér er nokk-
uð óhugnanlegur svipur með
hvoru tveggja. Það má segja sem
svo að við séum einhverjum
árum eða áratugum á eftir þeim
en á sömu leið.“
Þorskstofninn í Kanada
hrundi fyrir um það bil tíu árum
og varað er við því að Norð-
ursjávarstofninn hrynji á næstu
árum. Ólafur segir að framhaldið
hér ráðist af því hversu vel vís-
indamönnum takist að meta
stofninn og ekki síður hversu vel
er farið eftir tillögum þeirra.
Löngum var lítt farið að tillögum
Hafrannsóknastofnunar en það
hefur breyst á síðustu árum.
„Við höfum á heildina litið
verið að færast neðar og neðar
með stofninn á undanförnum
árum og áratugum. Stofninn
stækkaði reyndar dálítið um
miðjan síðasta áratug en því mið-
ur reyndist það ekki standa undir
því sem útlit var fyrir, hann hef-
ur því haldið áfram að lækka í
kjölfarið. Það hafa verið dálitlar
sveiflur í þessu en á heildina litið
niður á við.“
brynjolfur@frettabladid.is
Höfum verið á sömu leið
Alþjóða hafrannsóknaráðið hefur varað við hruni þorskstofnsins í Norðursjó. Sérfræðingur
hjá Hafró segir að íslenski stofninn hafi lengið verið á sömu leið og Norðursjávarstofninn
og stofninn sem hrundi í Kanada.
FRÁ FISKMARKAÐI Í SKOTLANDI
Rætt hefur verið um að banna veiðar á þorski í Norðursjó til að koma í veg fyrir að stofn-
inn hrynji. Það hefur löngum gengið erfiðlega að ná samkomulagi um aðgerðir til að
snúa þróuninni við.
„Það má segja
sem svo að
við séum ein-
hverjum árum
eða áratugum
á eftir þeim
en á sömu
leið.“
AP
/M
YN
D
Samþykkt í New York:
Bann við
reykingum
NEW YORK, AP Borgarráðið í New
York hefur samþykkt með 42 at-
kvæðum gegn 7 að banna reykingar
á nánast öllum vinnustöðum í borg-
inni, þar með talið flestum veitinga-
stöðum og skemmtistöðum.
Einungis fáar undantekningar
eru leyfðar. Þannig má reykja á ver-
öndum kaffihúsa. Einnig má reykja
inni á veitingastöðum ef sérstakur
salur með góðri loftræstingu er fyr-
ir reykingafólk.
Þetta eru ströngustu reglur um
reykingar sem settar hafa verið í
Bandaríkjunum. Þær eiga að taka
gildi í mars eða apríl. ■
Farþegar Flugleiða:
Færri nú
FLUG Farþegum Flugleiða fækkaði
í nóvember miðað við sama tíma í
fyrra. Farþegum á leið yfir Atl-
antshafið fækkaði um næstum
30%. Farþegum sem fljúga til og
frá Íslandi fjölgaði hins vegar um
6,6%. Þessar breytingar eru í
samræmi við áætlanir félagsins.
Farþegar til og frá landinu gefa
meira af sér en þeir sem fljúga
milli Bandaríkjanna og Evrópu.
Sætanýting í millilandaflugi
minnkaði um 2,8%.
Farþegum í innanlandsflugi
Flugfélags Íslands fjölgaði um
15,4% milli ára. ■
ORÐRÉTT
ÍSLENDINGAR LEYSA BLANK-
HEIT MEÐ TVEIMUR VINNUM
Það er öllum ljóst sem fara yfir
gögnin í borgarstjórn að Ingi-
björg Sólrún ræður ekkert við
fjármálin.
Björn Bjarnason um framboð Ingibjarg-
ar Sólrúnar til Alþingis. DV, 19. desember.
GILDIR ÞETTA UM HINA SEM
VINNA MEÐ FRAMSÓKN?
...og gerast þannig keppinautur
þeirra í landsmálum, sem starfa
með henni að borgarmálum.
Kjördæmisráð Framsóknarflokksins í
Reykjavík norður. Yfirlýsing, 19. desember.
Í PÓLITÍSKRI GÍSLINGU
Með ákvörðun sinni um að taka
sæti á framboðslista Samfylking-
arinnar í Reykjavík hefur borgar-
stjóri því í raun ákveðið að hverfa
úr stóli borgarstjóra.
Borgarfulltrúar Vinstri grænna og Fram-
sóknarflokks. Yfirlýsing, 19. desember.
FR
ÉT
TA
B
LA
Ð
IÐ
/R
Ó
B
ER
T