Fréttablaðið - 20.12.2002, Page 20

20. desember 2002 FÖSTUDAGUR
Orkuveitan
flytur!
516 6000
Bæjarhálsi 1 - 110 Reykjavík
Afgreiðsla Orkuveitunnar opnar á nýjum stað mánudaginn
23. desember í glæsilegum húsakynnum
að Bæjarhálsi 1.
www.or.is
Nýtt símanúmer
Afgreiðslan er
opin frá kl. 8.30 –16.00
alla virka daga
Allar nánari upplýsingar er að finna á:
F
í
t
o
n
/
S
Í
A

F
I
0
0
5
9
6
6
Íslendingum hefur verið nokkuðtamt í gegnum aldirnar að ræða
veðrið, kosti þess og þó aðallega
galla. Þennan veturinn hefur þó
marga rekið í rogastans. Einmuna
blíða hefur legið yfir landinu fyr-
ir utan smá skot í október. Nú er
svo komið að sést hefur til trjá-
gróðurs sem er byrjaður að skar-
ta brumi. Þá vaknar sú spurning
hvort ekki sé hætt við að tré fari
að ruglast í ríminu og springa út
og hvort það verði þeim að
aldurtila ef og þegar byrjar að
frysta.
Þorbergur Hjalti Jónsson,
skógfræðingur hjá Náttúrufræði-
stofnun Íslands, segist ekki hafa
miklar áhyggjur af málum eins og
þau standa í dag. „Þetta er dálítið
flókið mál. Flestar trjátegundir
hérlendis þurfa á kælingu að
halda til að þau vakni úr dvala.
Það hafa hins vegar verið hlýindi
hér síðan í haust og langflestar
trjátegundir liggja í nokkuð föst-
um dvala.“ Þorbergur tekur sem
dæmi alaskaöspina sem hann
rannsakar. „Um þessar mundir
liggur hún í dvala. Eins og er hef
ég ekki áhyggjur af henni, jafnvel
þótt þessi hlýindi haldist næsta
mánuðinn. Eftir það er hins vegar
hætta á að hún og aðrar trjáteg-
undir fari að taka við sér og þá
gæti farið illa.“
Þorbergur segir aðal hættutím-
ann vera frá byrjun mars og fram
á vor. Hann tekur sem dæmi vet-
urinn 1963. Þá gekk hlýindaskeið
yfir í mars en í fyrri hluta apríl
gerði mikið frost og trjágróður
fór mjög illa út úr því. Þorbergur
viðurkennir þó að sumar trjáteg-
undir séu viðkvæmar fyrir hlý-
indum að vetri til. „Sem dæmi um
tré sem gætu verið í hættu um
þessar mundir er lerki, það er
þekkt meðal annars á Bret-
landseyjum þar sem síberíulerki
á erfitt með að vaxa sökum þess
hve mildir veturnir eru þar.“
Aðalsteinn Sigurgeirsson,
skógfræðingur hjá Skógrækt rík-
isins að Mógilsá, tekur í sama
streng og Þorbergur og segir sam-
spil kulda og hlýinda yfir veturinn
hafa mikið um það að segja, og
ekki þurfi að hafa miklar áhyggj-
ur fyrr en eftir áramót. „Ég hef
litlar áhyggjur núna. Nema ef svo
ólíklega vildi til að hiti hrapaði
snögglega niður í svona 20 gráðu
frost á fáeinum klukkutímum,“
segir Aðalsteinn. Aðspurður um
hvort þau tré sem farin eru að
mynda brum séu í hættu svarar
Aðalsteinn því til að svo þurfi ekki
endilega að vera. „Það eru aðal-
lega runnar á borð við rifs sem
eru að taka við sér. En þeir eru
harðir af sér og þola vel að það
frysti í einhvern tíma.“ Þá bendir
Aðalsteinn á að það séu helst trjá-
tegundir sem eigi uppruna sinn
langt inni í landi á meginlöndum
sem séu viðkvæm. Þau tré eru
hins vegar lítið í ræktun hér. Aðal-
steinn segir helsta vandamálið við
þau hlýindi sem nú hafi verið það
að sitkalúsin lifi góðu lífi. „Lúsin
sækir í grenitré og hefur aukist
mjög mikið. Til dæmis varð helm-
ingsaukning á henni á vikutíma
fyrir stuttu.“ Skaðinn er aðallega
fólginn í verra útliti á grenitrjám
að sögn Aðalsteins en svarar því
aðspurður að fólk þurfi ekki að
hafa áhyggjur af jólatrjánum
heima í stofu. ■
Sést hefur brum á einstaka trjátegund um þessar mundir vegna óvenju mikilla
hlýinda þennan veturinn. Skógfræðingar hafa ekki áhyggjur ennþá, en málið gæti
hins vegar snúist við ef hlýindin standa eitthvað fram á næsta ár.
Engin hætta enn
sem komið er
BRUMIN GÆGJAST ÚT
Hlýindin í vetur hafa gert það að verkum að þessi runni er farinn að skarta brumi.
AÐALSTEINN
SIGURGEIRSSON
Sitkalúsin lifir góðu
lífi í hlýindunum.
ÞORBERGUR HJALTI SVEINSSON
Hefur ekki áhyggjur eins og er.
FR
ÉT
TA
B
LA
Ð
IÐ
/R
Ó
B
ER
T