Fréttablaðið - 10.01.2020, Síða 38

ÞAÐ SEM KANNSKI
KOM ÓVÆNT Í ÞETTA
FERLI VAR LITLI DRENGURINN
SEM SKAUT SÉR UNDIR ÁN
NOKKURS FYRIRVARA ÞANNIG
AÐ ÉG VAR ÓFRÍSK Í ÖLLUM
ÞESSUM FERÐALÖGUM OG
TÖKUM.
Ætli áhuga minn á langlífi megi ekki rekja til eigin lífhræðslu sem va rð t il þess að ég fór að
skoða hvernig hægt væri að lengja
lífið með því að hugsa um heilsuna
og forðast sjúkdóma,“ segir fjöl-
miðlakonan Helga Arnardóttir
um nýja þætti í heimildarþáttaröð
hennar Lifum lengur, sem Sjónvarp
Símans frumsýndi í vikunni.
Að þessu sinni tók hún stefnuna
á Bláu svæðin svokölluðu hvar sér-
fræðingar telja sig hafa fundið níu
atriði sem ráði miklu um hversu
lengi fólk lifir.
Líf kviknar í laumufarþega
Bláu svæðin eru fimm og Helga
kemur við á þremur þeirra í þáttun-
um; grísku eyjunni Íkaríu, ítölsku
eyjunni Sardiníu og Loma Linda í
Kaliforníu. Eftir standa japanska
eyjan Okinawa og Nicoya-hérað á
Kosta Ríka en ferðalögin tóku samt
nokkuð á. Ekki síst þar sem lífið
hefur ríka tilhneigingu til þess að
taka óvænta stefnu og þannig slóst
laumufarþegi fyrirvaralaust í för
með Helgu.
„Ég get ekki neitað því að það tók
sannarlega á að vinna þessa þátta-
röð,“ segir Helga sem var á þeytingi
um bláu viðkomustaðina frá maí
fram í miðjan september. „Það sem
kannski kom óvænt í þetta ferli var
litli drengurinn sem skaut sér undir
án nokkurs fyrirvara þannig að ég
var ófrísk í öllum þessum ferða-
lögum og tökum.
Tökudagarnir urðu oft langir við
erfiðar aðstæður á slæmum fjall-
vegum í miklum hita,“ segir Helga
sem einnig fór í tuttugu flugferðir á
meðgöngunni. „En allt tókst þetta
sem betur fer og auðvitað mikil
forréttindi að fá að vinna þetta
með manninum mínum, Braga Þór
Hinrikssyni, sem studdi mig með
ráðum og dáð í gegnum þetta allt
með miklum skilningi og kærleika.“
Blá fjölskyldulíftrygging
Helga víkur talinu frá nýju lífi aftur
að Bláu svæðunum og langlífinu
sem fólk þar virðist fyrst og fremst
eiga ákveðnum sameiginlegum
þáttum að þakka. „Við vitum að gott
mataræði og hreyfing hafa góð áhrif
á heilsuna en það sem kom mér
mest á óvart var að sterk fjölskylda
og félagsleg tengsl skipta í raun jafn
miklu máli þegar heilsan er annars
vegar. Rannsóknir hafa líka sýnt
það að einmanaleiki er stórhættu-
legur heilsunni.“
Íslendingaþátturinn
„Við erum sannarlega langlíf á
Íslandi en það er ekki í líkingu við
Okinawa og Sardiníu. Þar þykir
ekkert merkilegt að ná hundrað ára
aldri og er satt best að segja frekar
algengt,“ segir Helga sem gefur lang-
lífum Íslendingum gaum í fjórða og
síðasta þætti þessarar seríu.
„Þegar ég kafaði ofan í lífsstíl
tíræðra Íslendinga og spurði þá
spjörunum úr um hvernig þeir
höguðu sínum háttum, þá kom í
ljós að allt sem þeir gerðu jafnvel
ómeðvitað til að lengja líf sitt var í
takt við atriðin níu sem langlífissér-
fræðingar hafa sett fram.
Þannig að við getum öll orðið
langlíf ef við hugum að þessum níu
atriðum,“ segir Helga sem fer nánar
út í þá sálma í þáttunum.
Fæðing sonarins og frumsýning
þáttanna með viku millibili marka
ákveðin skil og Helga fær nú kær-
komið svigrúm til þess að fara eftir
þeirri forskrift sem hún kynnir í
þáttunum.
„Það hittist þannig á að drengur-
inn varð vikugamall þegar þætt-
irnir fóru í loftið hjá Sjónvarpi Sím-
ans Premium í gær en hann fæddist
stór og hraustur 2. janúar þannig að
þetta hefur verið örlítill álagstími
svo ekki sé meira sagt en ég hlakka
til að geta bara helgað mig barna-
uppeldi næstu mánuði.“
toti@frettabladid.is
Lítill laumufarþegi í
leit að lyklum langlífis
Helga Arnardóttir leitar að lyklunum að langlífi í nýrri seríu Lifum
lengur sem fór í loftið í gær, sléttri viku eftir að hún fæddi óvænt-
an laumufarþegann sem fylgdi henni í rannsóknarleiðangrinum.
Helga í öruggum félagsskap rúmlega níræðra hjóna í fjallaþorpi í Sardiníu þar sem fólk lifir öllum öðrum lengur.
„Ég var komin 25 vikur á leið og fékk blóðþrýstingsfall við húsið þeirra. Þau hjúkruðu mér bæði, lögðu mig í rúmið
sitt og báru í mig djús og veitingar þangað til ég náði mér á strik. Alveg yndisleg.“
Helga á paradísareyjunni Íkaríu í sumar en er nú komin með óvænta ferða-
félagann í fangið og stefnir á frekari skrif; bækur, bíómyndir og sjónvarps-
þætti. „Ég er með fullt í pípunum sem vonandi fær að líta dagsins ljós.“
FERMINGARGJAFIR
Fimmtudaginn 15. mars gefur Fréttablaðið út
bráðsniðugt aukablað sem innheldur ótal
hugmyndir að fjölbreyttum fermingargjöfum.
Allir sem hafa fermst vita að dagurinn og ekki síst
gjarnar lifa í minningunni um aldur og ævi.
Tryggðu þér gott auglýsingapláss
í langmest lesna dagblaði landsins.
Upplýsingar hjá auglýsingadeild Fréttablaðsins í síma 512 5402
eða sendu okkur póst á netfangið serblod@frettabladid.is
Nán ri upplýsi ar um blaðið veitir:
Jón Ívar Vilhelmsson markaðsfulltrúi Fréttablaðsins.
Sími 550 5654/ jonivar@frettabladid.is
ÞORRABLAÐ
FRÉTTABLAÐSINS
Kemur út föstudaginn 17. janúar.
Meðal efnis verður skemmtilegt
forsíðuviðtal við Guða Ágústsson.
Tryggðu þér gott auglýsingapláss
í langmest lesna dagblaði landsins.
Á Íkaríu í góðu yfirlæti á veitingastað sem einn viðmælenda þáttarins rekur.
1 0 . J A N Ú A R 2 0 2 0 F Ö S T U D A G U R26 L Í F I Ð ∙ F R É T T A B L A Ð I Ð