Skessuhorn - 01.05.2019, Blaðsíða 21

MIÐVIKUDAGUR 1. MAÍ 2019 21
Breyting á Aðalskipulagi
Helgafellssveitar
2012-2024

Sveitarstjórn Helgafellssveitar samþykkti á fundi í
febrúar 2019 tillögu að óverulegri breytingu á Aðal-
skipulagi Helgafellssveitar 2012-2024 samkvæmt 2.
mgr. 36. gr. skipulagslaga nr. 123/2010.
Breytingin felst í færslu á efnistökusvæði merkt númer 15
á Aðalskipulagi Helgafellssveitar. Greinargerð um breyt-
inguna, dags. 18. janúar 2019, er aðgengileg hjá skipulags-
og byggingarfulltrúa Helgafellssveitar.
Breytingin hefur verið send Skipulagsstofnun til stað-
festingar. Þeir sem óska nánari upplýsinga geta snúið sér
til skipulags- og byggingarfulltrúa, eða Guðrúnar Reynis-
dóttur, oddvita Helgafellssveitar.

Ragnar Már Ragnarsson
Skipulags-og byggingarfulltrúi Helgafellssveitar.
S
K
E
S
S
U
H
O
R
N
2
01
9
SK
ES
SU
H
O
R
N
2
01
9
EINKUNNARORÐ SKÓLANS ERU TRAUST, VIRÐING OG VINÁTTA
Laugargerðisskóli er einn af örfáum fámennum skólum landsins þar sem hvert og eitt okkar setur svo sannarlega mark sitt á
skólasamfélagið. Skólinn er samrekinn leik- og grunnskóli með um 25 nemendur.
Við leitum að starfsfólki til að vinna með okkur að spennandi og fjölbreyttum verkefnum.
Framundan er heilmikið þróunarstarf þar sem unnið verður að lýðræðislegri þátttöku allra og fjölbreyttum náms- og kennsluað-
ferðum. Mikil áhersla er lögð á einstaklingsmiðað nám, vinnustofur, samþætt verkefni af ýmsum toga, stafræna tækni og félags-
færniþjálfun (ART).
Skólinn er vel búinn tækjum og búnaði og á staðnum er bæði íþróttahús og sundlaug. Nágrenni skólans skartar einstakri náttúru
og fjölbreyttum möguleikum til náms jafnt sem afþeyingar.
Hér eru miklir möguleikar fyrir skapandi og áhugasama kennara og annað starfsfólk. Sveitarfélagið leggur metnað sinn í að reka
metnaðarfullt skólastarf sem er í góðum tengslum við nærumhverfi sitt.
Við leitum að:
Umsjónarkennara fyrir eldra stig skólans (6.–10. bekk) og íþróttakennara fyrir leik- og grunnskóladeildir. •
Um er að ræða hvort heldur sem er heila stöðu eða tvær hlutastöður.
Mögulegar kennslugreinar eru:•
Íslenska•
Stærðfræði•
Samfélagsfræði•
Náttúrufræði•
List- og verkgreinar (að frátalinni smíði)•
Íþróttir og sund•
Umsækjendur þurfa að hafa leyfisbréf til þess að kenna í grunnskóla. Fáist ekki grunnskólakennari til starfsins er heimilt að
ráða leiðbeinanda í stöðuna / stöðurnar að fenginni undanþágu.
Deildarstjóra leikskóladeildar í 100% starf
Leikskólakennara í allt að 100% starf 10 mánuði á ári.
Fáist ekki leikskólakennari til starfsins er heimilt að ráða annan í stöðuna. Starfið hentar jafnt körlum sem konum.
Við hvetjum alla þá sem hafa áhuga á því að búa og starfa á landsbyggðinni að hafa samband og kynna sér þann góða valkost
að ganga til liðs við okkur í Laugargerðisskóla. Við aðstoðum við leit á húsnæði.
Umsóknarfrestur er til 10. maí 2019. Áhugasamir hafi samband við skólastjóra, Ingveldi Eiríksdóttur, og
sendi umsóknir í tölvupósti ásamt ferilskrá og ábendingum um meðmælendur.
skolastjori@laugargerdisskoli.is
768 6600 / 435 6600
Nú er lag! Við í Laugargerðisskóla á Snæfellsnesi,
leitum eftir starfsfólki næsta vetur
Snæfellingar og gestir þeirra voru
líkt og aðrir Vestlendingar einkar
heppnir með veðrið á fyrsta sum-
ardegi, en þá var Safna- og sýning-
ardagur haldinn á þrettán stöðum
á Snæfellsnesi. Dagskráin var jafn-
framt fyrsti liður í Strandmenn-
ingarhátíð í samstarfi Svæðisgarðs-
ins Snæfellsness, Byggðasafns Snæ-
fellinga og Hnappdæla og annars
safna- og sýningafólks á svæðinu.
Söfn og sýningar voru opnar í til-
efni dagsins, boðið upp á leiðsögn
og gönguferðir, og áhersla lögð á
að íbúar væri vel meðvitaðir um
starfsemi safnanna, ekki hvað síst
til að geta frætt ferðafólk um söfn-
in og hvatt til aukinna heimsókna.
Guðjón Brjánsson alþingismaður,
ásamt Dýrfinnu Torfadóttur eigin-
konu sinni, voru meðal þeirra sem
nýttu sér safna- og sýningardag-
inn á Snæfellsnesi og fóru í áhuga-
verða ökuferð. Guðjón segist hafa
séð kynningu á Safnadeginum í
Skessuhorni og ákváðu þau að nýta
góðviðrisdaginn í þetta áhugaverða
verkefni. „Þetta var einkar ánægju-
legur fyrsti sumardagurinn sem við
hjón fórum á Snæfellsnes. Einstök
veðurblíða, hitinn fór í heilar 17
gráður þegar best lét,“ sagði Guð-
jón léttur í bragði. Ferðalýsing hans
fylgir hér á eftir:
Komið við á
nokkrum stöðum
„Við byrjuðum hjá þremur stöll-
um í Stykkishólmi sem eru með
sameiginlega verkstöð, keramik-
ari, myndlistarkona og nýbyrjað-
ur kollegi Dýrfinnu, gullsmiður og
sómi að því. Þær opnuðu í tilefni
dagsins nýtt kaffihús, Café Jakob-
ínu. Í Grundarfirði hittum við al-
þýðulistamanninn Lúðvík Karlsson
sem vinnur í alls kyns efni en mik-
ið í stein, vörðum drjúgum tíma hjá
honum og keyptum einn hnullung.
Á Hellisandi fórum við í einstaklega
nosturslegt Sjóminjasafnið, nýbúið
að byggja við. Þar er margt áhuga-
vert að sjá, m.a. Blika, elsta fiskibát í
eigu Íslendinga, smíðaður 1826, fór
í sinn síðasta róður 1985. Seinni-
partinn bauð Kári, snillingurinn
sem starfrækir Frystiklefann á Rifi
upp á listaverkagöngu á Hellisandi
en hann hefur staðið fyrir vinnu-
heimsóknum götulistamanna frá
öllum heimshornum og hafa þeir
unnið að skilgreindum þemum þar,
t.d. Axlar Birni, Fróðárundrunum
og dulúð Snæfellsjökuls og meira
framundan í sumar. Mikil listaverk
og áhugavert upplegg. Hellisandur
er enda orðinn höfuðstaður götu-
listar á Íslandi. Við stoppuðum líka
í Rifi, kíktum við í Frystiklefanum
en þar var konsert Svavars Knúts
um kvöldið. Það var líf við höfnina í
Rifi og maður skynjar mikinn kraft
í þessu samfélagi þótt ekki sé það
stórt,“ sagði Guðjón Brjánsson.
mm/ Ljósm. gb&dt.
Veðrið lék við gesti og heima-
menn á Safnadegi á Snæfellsnesi
Listakonurnar í Smiðjunni á Café Jakobínu í Stykkishólmi.
Sýnishorn af verkum listakvennanna í Smiðjunni.
Alþýðulistamaðurinn Lúðvík Karlsson og Guðjón Brjánsson.
Kári Viðarsson bauð upp á listaverkagöngu á Hellissandi en hann hefur staðið
fyrir vinnuheimsóknum götulistamanna frá öllum heimshornum sem hafa unnið
að skilgreindum þemum á veggi og húsgafla í bænum.