Skessuhorn - 01.05.2019, Page 18

MIÐVIKUDAGUR 1. MAÍ 201918
Fjölmenn hópslysaæfing fyrir
viðbragðsaðila á Vesturlandi
Síðastliðinn laugardag var umfangsmikil hópslysaæfing við-
bragðsaðila á Vesturlandi haldin á Snæfellsnesvegi á móts
við Kaldármela. Undirbúningur að æfingunni hefur staðið í
nokkra mánuði en þátt í henni tóku lögregla, björgunarsveitir,
slökkvilið, sjúkraflutningafólk, Landhelgisgæslan og félagar í
Rauða kross deildum. Komið var upp slysavettvangi þar sem
bæði hópferðabíll og fólksbílar höfðu lent í árekstri. Voru eld-
ar kveiktir á svæðinu á meðan á æfingunni stóð og allt gert til
að gera æfinguna sem líkasta vettvangi raunverulegs stórslyss.
Fjöldi sjálfboðaliða tók þátt og lék slasaða. Um 120 viðbragðs-
aðilar tóku þátt í æfingunni sem gerir hana um leið með þeim
stærri sem haldnar hafa verið á Vesturlandi.
Á hópslysaæfingum sem þessum er reynt að líkja sem mest
eftir raunaðstæðum á slysstað. Staðsetning æfingarinnar var
talin heppileg fyrir ýmsar sakir. Hún var miðsvæðis fyrir þátt-
takendur allt frá Akranesi, Borgarfirði, Snæfellsnesi og Dölum,
en var til hliðar við þjóðveginn og olli því ekki miklu raski
fyrir almenna umferð. Söfnunarsvæði fyrir slasaðra var komið
upp í félagsheimilinu að Lindartungu og þá var aðgerðastjórn
sett upp í nýrri aðstöðu á lögreglustöðinni í Borgarnesi. Þyr-
la Landhelgisgæslunnar kom á svæðið og hafði það hlutverk
að flytja mest slasaða frá slysavettvangi. Samhæfingarstöðin
í Skógarhlíð var auk þess virkjuð enda gert ef til stórslyss af
þessu tagi kemur. Í lok æfingar var öllum þátttakendum boðið
í súpu í Lindartungu og þar fór fram rýnifundur viðbragðsaði-
la um hvernig til tókst.
Kolbrún Ingvarsdóttir ljósmyndari Skessuhorns fylgdist
með aðgerðum á vettvangi æfingarinnar síðastliðinn lau-
gardag. Myndir hennar eru hér á opnunni.
mm
Kolbrún Ingvarsdóttir fylgdist með
æfingunni. Ljósm. jho.
Í rútunni reyndist heildartala slasaðra vera 22 einstaklingar.
Fyrsti sjúklingurinn borinn úr rútunni og fluttur í Lindartungu.
Sjúklingur á leið í bíl til flutnings. Tjaldi var komið upp skammt frá vettvangi slyssins þar sem áverkar
sjúklinga voru ástandsmetnir fyrir flutning.
Beðið átekta eftir skipunum um aðgerðir.
Ökutæki á staðnum voru mörg. Hér er hluti þeirra.
Læknir og sjúkraflutningamenn frá Akranesi.
Á hlaðinu við Lindartungu.
Samheldin fjölskylda tók þátt. Aðalsteinn og Daníel Viktor voru í
hlutverki slasaðra en Guðný var á vegum RKÍ deildarinnar í Borgar-
nesi.
Mæðgurnar Oddný og Rósa á vettvangi í Lindartungu.
Mannskapurinn í mat í Lindartungu, þeirra á meðal áhöfnin úr
þyrlunni.
Þessi ungi maður var í hlut-
verki sjúklings sem skarst
mikið á höndum.
Tómas Freyr Kristjánsson
sjúkraflutningamaður í
Grundarfirði er hér á tali
við „slasaðan“ Gunnlaug
A Júlíusson, sem að vísu
heldur þarna á sárinu eftir
að æfingunni lauk.
Úlfar Lúðvíksson lögreglustjóri (lengst til hægri) ræðir hér við fólk í
stjórnstöðinni í Borgarnesi.
Ljósm. Almannavarnad. ríkislögreglustj.