Skessuhorn - 03.07.2019, Side 27

MIÐVIKUDAGUR 3. júLí 2019 27
Sumarhúsalóðir til sölu
Til sölu eru átta lóðir á skipulögðu sumarhúsasvæði sem nefnist Melabyggð og er í landi Birkihlíðar í
Borgarfirði. Hver lóð er einn hektari að flatarmáli. Til greina kemur að selja allar lóðirnar saman og getur
kaupandi þá ákveðið hvort hann nýtir þær fyrir átta hús eða sem spildu fyrir eitt eða fleiri. Verð: Tilboð.
Landið er á sólríkum stað í norðanverðum Reykholtsdal. Stutt í golfvöll, sundlaug,
verslanir og aðra þjónustu í blómlegu héraði.
Allar nánari upplýsingar gefur eigandi í síma 894-8998.
Á fundi nýrrar stjórnar Mennta-
skóla Borgarfjarðar í byrjun júní
var Hrefna B jónsdóttir í Hjarð-
arholti kjörin formaður. Hún seg-
ir það spennandi verkefni að koma
að borðinu og eiga þátt í að móta
framtíð hinnar 12 ára menntastofn-
unar í héraði. „Menntaskóli Borg-
arfjarðar var stofnaður 2007 í nýju
og einkar glæsilegu húsi. Skólinn
hefur frá fyrsta degi reynst öflug
viðbót við það mennta- og fræða-
starf sem fyrir var í héraðinu. Við
búum ótrúlega vel Borgfirðingar og
raunar Vestlendingar allir að hafa
fjölbreyttar menntastofnir í héraði;
tvo háskóla, menntaskóla, öfluga
grunnskóla og símenntunarmið-
stöð, en ég kom að stofnun henn-
ar á sínum tíma sem starfsmaður at-
vinnuráðgjafar SSV. Ég hlakka því
til að takast á við þau verkefni sem
fyrir nýrri stjórn liggja, að marka
skólanum sérstöðu og byggja ofan
á það starf sem unnið hefur ver-
ið á rúmum áratug,“ segir Hrefna.
Til að fjölga megi nemendum segir
hún undirbúning að byggingu nýrra
nemendagarða vera forgangsmál.
„Við búum vel að því leyti að
hér var byggður glæsilegur skóli
í hjarta Borgarness. Húsið þjónar
einnig íbúum sem menningarhús
og því er mikið líf og starf í því allt
árið um kring. En fyrst og fremst
var það kærkomin viðbót á sínum
tíma fyrir íbúa svæðisins að geta
menntað unga fólkið í heimabyggð.
Allt fram til ársins 2007 þurftu íbú-
ar á menntaskólaaldri í héraðinu
að flytja til annarra svæða til að
stunda framhaldsnám, eða fara dag-
lega með skólarútu frá Borgarnesi
til Akraness í þeim tilfellum þegar
nemendur sóttu nám í fjölbrauta-
skólanum þar.“
Hrefna segir að helstu áskoranir
nýrrar stjórnar skólans og starfs-
fólks MB sé að aðlaga skólann að
breyttum aðstæðum. „Það eru mikil
tækifæri fólgin í framþróun náms í
Menntaskóla Borgarfjarðar m.t.t.
nýsköpunar og nýrra áskorana sem
meðal annars felast í fjórðu iðnbylt-
ingunni og því sem hún breytir fyrir
mannkynið. Það eru mitt metnaðar-
mál að náist að byggja Menntaskóla
Borgarfjarðar upp í ljósi breyttra
áherslna sem þeirri tækniþróun
fylgir. Okkar hlutverk er einnig að
stuðla að fjölgun nemenda en til að
svo megi verða þarf það nám sem
boðið er uppá að veita sérstöðu og
vera í allan stað framúrskarandi til
að nemendur sæki í það. Ungt fólk
er hreyfanlegt og hikar ekki við að
leita í nám þar sem námsframboð er
því að skapi. Það er því talsverð sam-
keppni milli skólastofnana um nem-
endur og allt snýst um að byggja
upp sérstöðu og bjóða nám sem er
jafngott eða betra en annarsstaðar.
Því er lífsspursmál að vera vakandi
fyrir nýjum sóknarfærum og herja
á fjárveitingavaldið um stuðning til
að hægt sé að byggja upp skóla sem
eftirsóknarvert er að stunda nám í,“
segir Hrefna.
Nemendagarðar
aðkallandi verkefni
„Við þurfum að fjölga nemendum,
ungu fólki sem kemur þá ekki síður
úr nágrannahéruðum þar sem fram-
haldsskólar eru ekki til staðar. Ég
get nefnt Barðaströnd, Húnavatns-
sýslur, Dali auk að sjálfsögðu upp-
sveita Borgarfjarðar. Til að ung-
menni frá þessum stöðum geti sótt
hér nám þurfum við að fara í upp-
byggingu nemendagarða, heima-
vistarhúsnæðis þar sem nemendur
geta búið og fengið þá þjónustu og
það aðhald sem nauðsynlegt er ungu
fólki í mótun. Ég hlakka til að takast
á við þessi verkefni með stjórn MB
og er sannfærð um að Menntaskóli
Borgarfjarðar á mikla möguleika til
að verða framúrskarandi mennta-
stofnun í héraði sem íbúar standa
vörð um,“ segir Hrefna.
Það er sveitarstjórn Borgar-
byggðar sem skipar stjórn MB og
samanstendur stjórnin af fólki sem
unnið hefur víðsvegar í samfé-
laginu og hefur ólíkan bakgrunn.
Auk Hrefnu skipa stjórnina Helgi
Haukur Hauksson, Sigursteinn
Sigurðsson, Vilhjálmur Egilsson og
Þóra Geirlaug Bjartmarsdóttir. mm
Hrefna Bryndís Jónsdóttir.
Hrefna Bryndís formaður stjórnar Menntaskóla Borgarfjarðar
Markmiðið að móta afburðaskóla og
undirbúa byggingu nemendagarða