Skessuhorn - 03.07.2019, Síða 30

MIÐVIKUDAGUR 3. júLí 201930
Þá var komið því, eftir tuttugu
ára bollalengingar og vangaveltur
hafði Bergsveinn Reynisson keypt
sér skútu. Greinahöfundur, Sum-
arliði Ásgeirsson, hafði átt mörg
samtöl við Begga um þessi plön
og nú var Sumarliði munstrað-
ur á skútina til að sigla með hana
heim ásamt Begga, Ville Korpelai-
nen seglameistara frá Finnlandi og
Patrycia Lotzman frá Þýskalandi.
Skútan hafði verið flutt frá Tenerife
til Cork á írlandi þar sem hún beið
eftir okkur.
Seinnipart dags, þriðjuaginn 11.
júní berjum við skútuna Berillo
fyrst augum þar sem hún lá í Ro-
yal Cork Yacht Club í Crosshaven
og leist mér strax vel á skútuna. Þá
tóku við minni háttar lagfæringar
á ýmsum búnaði eftir siglinguna
frá Tenerife og að kvöldi 12. júní
var lagt af stað. Fyrsti áfangi var í
upphafi að sigla upp til Stornoway
á Skotlandi en þar sem við misst-
um reipið sem hífir stórseglið upp í
mastrið þurftum við að breyta áætl-
un og fara inn í höfnina á Rossalare
sem er ferjuhöfn á írlandi. Þar var
greinahöfundur hífður upp í mastur
sem er 20 metrar á hæð til að koma
reipinu fyrir aftur en þar sem við
vorum vanbúnir í þetta verk urð-
um við frá að hverfa. Þá var siglt í
aðra höfn og fórum til Munkabæj-
ar, (Monkstown), en höfnin þar
heitir Dun Laoghaire. Þar var okk-
ur bent á að tala við seglasérfræð-
inga sem reyndust svo ekki vera í
bænum. Þá var okkur vísað á eldri
mann á áttræðisaldri sem gat lán-
að okkur músina sína, en mús er 5
mm kapall með blýteini á endanum
og er sérhannað til að koma kapli í
gegnum möstur. Þegar honum var
boðin greiðsla fyrir lánið á músinni
þá svaraði hann „írsk gestrisni“ og
gekk á braut. í þetta sinn var Beggi
hífður upp í mastrið og gekk verkið
betur núna með réttum áhöldum.
Þá gátum við siglt af stað aft-
ur og nú var stefnt á Stornoway.
Straumar eru víðar en í Breiða-
firðinum og í sundinu á milli Skot-
lands og írlands eru miklir straum-
ar. Á einum staðnum sigldum við í
einn og hálfan tíma þvert á stefnu
undan straumi og stóð greinahöf-
undi ekki á sama um tíma. Til Stor-
noway fylgdu okkur höfrungar og
hnísur og datt þar í dúnalogn og
sól og sigldum við með vélarafli
stóran hluta leiðarinnar en tíminn
var nýttur til að þurrka svefnpoka,
fatnað og dýnur sem hafði orðið
mjög rakt inn í skipinu í kuldanum
í Cork.
Kvikmyndatökumaður
bættist við áhöfnina
Stornoway er á eyjunni Lewis á
Skotlandi. Þetta er einstakt bæj-
arstæði með góða höfn þar sem er
skjól fyrir flestum vindáttum. Eins
og á flestum öðrum höfnum sem
við komum á er aðal tekjulind hafn-
arinnar þjónusta við skútur. Hafn-
arvörðurinn tók á móti okkur með
möppu með helstu upplýsingum
um Stornoway og eyjuna. Þarna var
tíminn nýttur til að dytta að ýmsu
áður en lagt yrði af stað. í Stor-
noway fjölgaði í áhöfninni því þarna
kom um borð justin Batchelor sem
er ástralskur kvikmyndatökumaður
sem er að vinna að heimildamynd
um Guðlaugu Guðmundu Ingi-
björgu Bergsveinsdóttur og Berg-
svein Reynisson. Þjóðhátíðardag-
inn 17. júní er svo haldið af stað út
á opið Atlantshafið.
Siglingin yfir hafið gekk mjög
vel. Við sigldum m.a. fram hjá
Súluskeri sem er miðja vegu á milli
Skotlands og Færeyja. Þessi eyja er
töluvert stærri en Eldeyjan okkar
og er alveg þakin af súlu.
Gott að koma
til Færeyja
Kvenréttindadaginn 19. júní kom-
um við til Þórshafnar í Færeyjum.
Það er gott að koma til frænda okk-
ar þar. Þarna býr vinalegt fólk og
Skútusigling frá Cork á Írlandi til Íslands
Birillo beið okkar í höfninni í Cork á Írlandi.
Áhöfnin. F.v. Ville Korpelainen, Bergsveinn Reynisson, Patrycia Lotzman og Sumarliði Ásgeirsson.
Spegilsléttur sjórinn þegar áhöfnin kom siglandi til Stornoway.
Áhöfnin heimsótti Bjarna Elísson og Birnu Traustadóttur sem búa á eyjunni
Nólsoy. Á næsta bæ við heimili Bjarna og Birnu lá þetta lamadýr makindalega og
lamb kúrði við háls þess. Hér standa saman Björn Elísson, Birna Traustadóttir og Sumarliði Ásgeirsson undir kjálka úr risahval.