Skessuhorn - 03.07.2019, Page 35
MIÐVIKUDAGUR 3. júLí 2019 35
Skagastelpur þurftu að sætta sig við
tap gegn toppliði Þróttar R. þegar
liðin mættust í sjöttu umferð fyrstu
deildar kvenna í Laugardalnum á
þriðjudaginn í liðinni viku. Munaði
einungis einu stigi á liðunum fyrir
viðureignina og mátti því búast við
hörku leik.
Það voru heimastúlkur sem byrj-
uðu mun betur og voru staðráðn-
ar í að endurtaka ekki leikinn frá
síðustu viðureign liðanna þegar
íA sló Þrótt út úr 16-liða úrslitum
Mjólkurbikarsins. Það var strax á 8.
mínútu sem Þróttarar komust yfir.
Linda Líf Boama fékk boltann í
teig Skagastelpna, náði að snúa sér
laglega af varnarmanni íA og skil-
aði boltanum hægra megin við Tori
jeanne í marki gestanna. Reykvík-
ingar héldu áfram að vera grimmar
sóknarlega og íA-stelpur þurftu að
hafa sig allar við til að stoppa ákefð
Þróttar. Heimastúlkur bættu svo
við sínu öðru marki á 28. mínútu.
Enn og aftur var Linda Líf að skapa
vandræði fyrir íA. Hún átti lúmska
sendingu inn á Lauren Wade sem
kláraði færið snyrtilega. 2-0 fyrir
Þrótti R. þegar flautað var til hálf-
leiks.
Reykvíkingar héldu sama krafti í
síðari hálfleik, fengu dauðafæri strax
á 47. mínútu og gáfu þannig tón-
inn. Gestirnir af Skaganum reyndu
í kjölfarið að þjappa varnir sínar
til að stoppa áræðni heimastúlkna.
Það dugði þó skammt því Linda Líf
fékk boltann enn og aftur fyrir utan
teig íA, fann Lauren Wade enn og
aftur, sem skilaði boltanum í marki.
3-0 fyrir Þrótti R.
Öll barátta og sigurvilji var rok-
in úr Skagastelpum sem náðu sér
aldrei á strik í leiknum. Þróttur
R. því með sannfærandi 3-0 sigur
og tryggði stöðu sína í efsta sæti í
deildinni. íA dettur niður í þriðja
sæti eftir tapið á meðan FH-ing-
ar færa sig í annað sætið. Munar
tveimur stigum á liðunum.
glh
Víkingur Ó. gerði jafntefli gegn
botnliði Magna á Grenivíkurvelli um
helgina í níundu umferð fyrstu deild-
ar karla í fótbolta. Vindurinn í Greni-
vík gerði leikmönnum erfitt fyrir að
ná upp almennilegu spili stóran hluta
af leiknum en boltinn skiptist nokk-
uð jafnt á milli liðanna án þess þá að
þau sköpuðu sér einhver almennileg
marktækifæri. Markalaust var í hálf-
leik.
í síðari hálfleik voru gestirnir úr
Ólafsvík örlítið sprækari og áttu til
að mynda eitt dauðafæri á 69. mín-
útu þegar Harley Willard átti frábæra
stungusendingu inn á Sallieu Capay
Tarawallie sem reyndi að fara framhjá
Aroni Elí í markinu hjá Magna, en
missti boltann of langt frá sér með
þeim afleiðingum að boltinn endaði
í hliðarnetinu. Ólsarar gerðu aðra
atlögu að marki heimamanna undir
lokin á 90. mínútu þegar Sorie Barrie
átti fast skot á markið en markvörð-
ur Magna náði að verja það meistara-
lega. Var þetta síðasta tækifærið áður
en leik lauk og því skildu liðin jöfn.
Magni er áfram í neðsta sætinu í
deildinni með sex stig eftir átta um-
ferðir. Ólsarar duttu niður um eitt
sæti og eru í sjöunda sæti með 14
stig, jafn mörg stig og Keflavík sem
eru einu plássi fyrir ofan á listanum.
Næsti leikur hjá Víkingi Ó. verður á
föstudaginn í Ólafsvík gegn Aftureld-
ingu og hefst klukkan 20:00. glh
íA gerði markalaust jafntefli við
Víking R. í heldur bragðdaufum
leik í 11. umferð Pepsi Max deild
karla á mánudaginn. Leikurinn fór
fram á Víkingsvelli í Reykjavík.
Skagamenn byrjuðu leikinn mun
beittari en náðu þó aldrei að skapa
sér alvöru færi á upphafsmínútun-
um. Eftir kröftuga byrjun gestanna
fóru heimamenn hægt og bítandi
að taka völdin á vellinum. Það var
svo á 40. mínútu að dæmt var víti
á Skagamenn. Árni Snær Ólafsson,
markvörður íA, missti af boltanum
á klaufalegan hátt í eigin teig og
felldi leikmann Víkings niður sem
gerði atlögu að boltanum. Nikolaj
Hansen fór á punktinn fyrir Vík-
ing, en misnotaði vítið þar sem
Árni Snær náði að verja með fótun-
um. jafnt var með liðum í hálfleik.
Seinni hálfleikur var heldur tíð-
indalítill. Heimamenn voru mun
meira með boltann en þétt vörn
og skipulag Skagamanna kom í
veg fyrir einhverja markhættu. Af
sama skapi voru Skagamenn lítið að
skapa sér sóknarfæri og skildu liðin
jöfn eftir steindauðan seinni hálf-
leik.
Þrátt fyrir markalaust jafntefli þá
fær íA loksins stig eftir þrjá tapleiki
í röð og heldur þannig fjórða sæt-
inu í deildinni með 17 stig. Einu
stigi fyrir ofan, í þriðja sæti, er
Stjarnan og tveimur sæti fyrir neð-
an íA er Fylkir með 15 stig. Efstir
í deildinni eru KR-ingar úr Vestur-
bænum með 26 stig. Næsti leikur
Skagamanna verður heimaleikur
gegn Fylki á laugardaginn og hefst
hann klukkan 14:00.
glh
Ekki náðu Skallagrímsmenn að
knýja fram sigur er þeir fengu Kór-
drengi í heimsókn í Borgarnes síð-
astliðið fimmtudagskvöld. Kór-
drengir voru áberandi meira með
boltann í leiknum og sóttu stöðugt
að heimamönnum alveg frá fyrstu
mínútu. Yohance Marshall skoraði
fyrsta mark gestanna á fjórðu mín-
útu. Stuttu seinna urðu Skallarnir
fyrir því óláni að skora sjálfsmark
og voru Kórdrengir því komnir í
2-0 þegar 19 mínútur voru liðn-
ar. Guðmundur Atli Steinþórsson
bætti svo við þriðja markinu á 33.
mínútu. Borgnesingar átti lítið sem
engin svör á stórum kafla hálfleiks-
ins en Elís Dofri G. Gylfason náði
þó að sprauta smá lífi í sína menn
rétt undir lok fyrri hálfleiks þeg-
ar hann skoraði eftir gott hraða-
upphlaup Borgnesinga. 1-3 var því
staðan í hálfleik.
Nákvæmlega það sama var upp á
teningnum í seinni hálfleik og þeim
fyrri. Kórdrengir bættu við marki
strax á 46. mínútu og svo fimmta
markinu á 67. mínútu. Skallagríms-
menn voru skrefinu á eftir nánast
allan leikinn og áttu lítinn séns í
spræka Kórdrengi. lokatölur 1-5
fyrir gestina.
Þetta er fjórða tap Borgnesinga í
röð sem eru nú í 11. sætinu í 3. deild
karla. Kórdrengir færa sig upp fyrir
KF í annað sætið með 208 stig, einu
meira en KF sem á þó leik til góða.
Næsti leikur Skallagríms verður
gegn Vængjum júpíters föstudag-
inn 5. júlí á Fjölnisvelli klukkan 20.
glh
Snæfell hafði betur gegn Hvíta
riddaranum þegar liðin mættust
í toppbaráttuleik í sjöundu um-
ferð B-riðils í fjórðu deild karla í
Stykkishólmi síðastliðinn miðviku-
dag. Um var að ræða fjörugan leik
en fyrir viðureignina voru bæði lið
taplaus og með jafn mörg stig.
Engin mörk komu í fyrri hálfleik
þrátt fyrir ágætis færi. Það var ekki
fyrr en í síðari hálfleik sem að fyrsta
markið leit dagsins ljós. Á 51. mín-
útu fékk Hvíti riddarinn dæmt víti
á sig. Milos janicijevic fór á punkt-
inn fyrir Hólmara og kom sínum
mönnum yfir. Heimamenn voru
varla búnir að fagna markinu þegar
Eiríkur Þór Bjarkason jafnaði met-
in fyrir Hvíta riddarann, þremur
mínútum síðar. Hart var barist um
svæði og bolta en það voru heima-
menn sem komust aftur yfir á 72.
mínútu með marki frá Carles Mart-
inez Liberato. Marius Ganusauskas
bætti svo við þriðja marki Snæfells
tveimur mínútum síðar og heima-
menn komnir í vænlega stöðu, 3-1,
þegar 15 mínútur voru til leiksloka.
Gestirnir náðu að klóra í bakkann
og minnka muninn á 88. mínútu
þegar Eiríkur Þór bætti sínu öðru
marki við. Það dugði þó ekki til.
Þrjú stig til Snæfellinga sem sitja
nú einir á toppi riðilsins með 19
stig, þremur stigum meira en Hvíti
riddarinn sem sitja eftir í öðru sæti.
Snæfellingar fá annan heimaleik í
næstu umferð, að þessu sinni gegn
íH. Leikurinn fer fram á Stykkis-
hólmsvelli á föstudaginn og hefst
hann klukkan 20:00.
glh/ Ljósm. sá.
ÍA tapaði gegn Þrótti R. Ljósm. gbh.
ÍA tapaði í toppbaráttuleik
Snæfell vann í toppslagnum
Jafntefli í bragðdaufum leik
Það er fallegt á knattspyrnuvelli Magna á Grenivík, en að sama skapi getur verið
vindasamt þar líkt og raunin var á laugardaginn.
Skagamenn gerður jafntefli á útivelli
ÍA er í fjórða sæti eftir ellefu umferðir í
Pepsi Max deild karla. Ljósm. gbh.
Fjórir tapleikir í röð hjá Skallagrími.
Skallagrímur heldur áfram að tapa
Klettagörðum 15 | 525 7700 | flytjandi.is
DAGLEGA Á FERÐINNI MEÐ
VÖRUR UM ALLT LAND
Eimskip Flytjandi veitir samræmda flutningaþjónustu
um land allt og eru áfangastaðirnir 80 talsins.