Skessuhorn - 21.08.2019, Page 21

MIÐVIKUDAGUR 21. áGúSt 2019 21
veturinn samkvæmt stundaskrá á
föstudag. Hlöðver Ingi Gunnars-
son, skólastjóri Auðarskóla, seg-
ir að alltaf séu gerðar miklar vænt-
ingar til vetrarins í upphafi hvers
skólaárs og að væntingarnar séu
ávallt að gera skólastarfið betra ár
hvert. „Nú byrja allir með hreint
borð og við erum spennt fyrir kom-
andi vetri. Við erum alltaf að þróa
og aðlaga skólastarfið að nýjum
áskorunum því nútímasamfélag-
ið er síbreytilegt. Skólinn þarf allt-
af að vera á tánum og vera tilbúinn
að mæta nýjum áskorunum. Það
er mikið forréttindastarf að vinna
í skóla og við erum heppin hér í
Auðarskóla að samfélagið okkar í
Dalabyggð hefur jákvætt viðhorf til
okkar og vinnur vel með stofnun-
inni,“ segir Hlöðver Ingi ánægður.
„Það hefur verið aðeins erfið-
ara að manna allar stöður með
fólki með réttindi. Við erum láns-
söm í grunnskólanum að við skól-
ann starfa núna tveir kennaranemar
þannig að búið er að manna í allar
stöður,“ bætir skólastjórinn ánægð-
ur við.
Að sögn Hlöðvers þá er Auðar-
skóli kominn langt með að aðlaga
sig að breyttum kennsluaðferðum
samkvæmt Aðalnámskrá grunn-
skóla og segir hann að haldið verði
uppteknum hætti í ár. „Við leit-
umst alltaf við að nálgast nem-
endur á þeirra forsendum svo þeir
blómstri í sínu námi. Það er mikil-
vægt að allir finni sína styrkleika og
fái að njóta sín í skólanum. Lestur-
inn er og verður alltaf grunnstoð í
námi og við vorum svo heppin að á
síðasta ári fengum við að taka þátt
í verkefni sem heitir Skapandi skrif
og það mun án efa skila sér inn í
starfið í vetur.“
Hlöðver Ingi segist hlakka til
vetrarins en hann er að koma aft-
ur til starfa eftir fæðingarorlof.
„Það eru miklar breytingar hjá mér
en dóttir mín fæddist núna í maí-
lok. Það gefur manni að sjálfsögðu
nýja sýn á lífið og tilveruna að verða
faðir í fyrsta skipti og það verður
áhugavert að verða foreldri með
allri þeirri miklu ábyrgð sem því
fylgir,“ segir Hlöðver að endingu.

Grunnskólinn
í Stykkishólmi
Grunnskólinn í Stykkishólmi verð-
ur settur á morgun, fimmtudag-
inn 22. ágúst, á Amtsbókasafn-
inu. Kennsla hefst svo samkvæmt
stundaskrá föstudaginn 23. ágúst.
14 nemendur eru að hefja sitt fyrsta
grunnskólaár en í heildina verða
rétt um 150 nemendur í skólan-
um. Að sögn Berglindar Axelsdótt-
ur skólastjóra þá hefur gengið vel
að manna stöður fyrir komandi vet-
ur. „Allir kennarar eru með rétt-
indi fyrir utan einn leiðbeinanda
sem er í kennaranámi. Enn á eft-
ir að ráða einn starfsmann í Regn-
bogaland, sem er heilsdagsskóli.
Fyrir utan það hefur lítil hreyfing
átt sér stað á starfsliðinu og erum
við mjög glöð með þann mannauð
sem við höfum,“ segir skólastjórinn
sem lýsir einnig yfir mikilli gleði
vegna framkvæmda á nýrri skóla-
lóð. „Fyrsta áfanga er að ljúka nú í
ágúst og mun það bæta leikaðstöðu
nemenda mikið. Auk þess er breyt-
ing á bílastæðamálunum til mikilla
bóta,“ bætir hún við.
15. ágúst síðastliðinn hýsti
Grunnskóli Stykkishólm kennara-
þing Vesturlands sem gekk að sögn
skólastjórans mjög vel. „á þinginu
kviknuðu bæði nýjar hugmyndir
og fengum við staðfestingu á þeim
aðferðum sem við erum að nota.
Það má kannski helst nefna að við
hyggjumst gefa leiðsagnarmati enn
meira svigrúm í vetur. Þá sjáum
við sóknarfæri í fyrirkomulagi for-
eldraviðtala,“ segir Berglind skóla-
stjóri að lokum.
Grunnskóli
Grundarfjarðar
Skólasetning Grunnskóla Grund-
arfjarðar verður í dag 21. ágúst og
fer hefðbundið skólastarf á fullt á
morgun, fimmtudag. 93 nemendur
eru skráðir í skólann þennan vet-
ur sem er svipaður fjöldi frá því í
fyrra og er Sigurður Gísli Guð-
jónsson skólastjóri spenntur fyrir
skólaárinu. „Starfsfólk Grunnskóla
Grundarfjarðar fer ætíð inn í nýtt
skólaár fullt bjartsýni og með góð-
ar væntingar til starfsins. Starfs-
andi innan stofnunarinnar er góð-
ur, bæði meðal starfsmanna sem og
foreldra og nemenda og við von-
umst til að svo verði áfram,“ segir
skólastjórinn en vel hefur gengið
að manna starfsmannateymið fyr-
ir veturinn og eru stöður fullmann-
aðar.
Eins og aðrir grunnskólar þá er
stöðugt verið að betrumbæta og
uppfæra kennsluaðferðir. Spurður
um þau efni segir Sigurður að mark-
miðið með slíkum uppfærslum sé að
gera skólastarf markvissara og betra
og er ekki síst gert með það að leið-
arljósi að mæta hverjum nemenda
á hans forsendum. „Efling læsis
verður áfram í forgangi því læsi er
undirstaða alls. Svo ber að geta þess
að við vorum að taka í gagnið snill-
ismiðju sem við hlökkum mikið til
að nýta í kennslunni. Gott skóla-
starf byggir á samvinnu heimila og
skóla. Við í Grunnskóla Grundar-
fjarðar hlökkum til að taka á móti
nemendum okkar, vinna með þeim
og forráðamönnum þeirra og von-
um að samvinnan verði höfð í fyrir-
rúmi,“ segir Sigurður að endingu.
Grunnskóli Snæfellsbæjar
Skólasetning Grunnskóla Snæfells-
bæjar verður á morgun, fimmtu-
daginn 22. ágúst, og hefst hefð-
bundin kennsla degi síðar sam-
kvæmt stundaskrá. 238 nemendur
eru skráðir í skólann í 17 bekkjar-
deildum og á þremur starfsstöðv-
um. Af þessum 238 nemendum eru
117 nemendur skráðir í skólann í
5.-10. bekk og er kennt í Ólafsvík,
94 nemendur eru í 1.-4. bekk sem
er kennt á Hellissandi og 27 nem-
endur í Lýsuhólsskóla, þar af sjö í
leikskóladeildinni og 20 nemend-
ur í 1.-10.bekk. „Við höfum góða
tilfinningu fyrir vetrinum, erum
vel mönnuð, með góða nemend-
ur og samstarfsfúsa foreldra,“ seg-
ir Hilmar Már Arason skólastjóri.
„Það hefur gengið mjög vel að
manna stöður fyrir komandi vetur.
Við erum með gott starfsfólk sem
er vel menntað, leggur sig fram um
að gera sitt besta og er óhrætt við að
leita nýrra leiða,“ bætir hann við.
Grunnskóli Snæfellsbæjar
mun innleiða nokkrar nýjungar í
kennsluaðferðum þetta skólaárið,
ásamt því að leggja frekari áherslu
á fyrri aðferðir sem hafa skilað
góðum árangri. Einnig hefur skól-
inn endurnýjað einkunnarorð sín
sem eru nú, Sjálfstæði - Metnað-
ur - Samkennd. „Við höfum þá trú
að einstaklingi, sem hefur tileink-
að sér þessi gildi, komi til með að
vegna vel í lífinu sama hvaða verk-
efni hann taki sér fyrir hendur, á því
er ekki nokkur vafi,“ segir Hilmar
Már ákveðinn.
Skólinn mun halda áfram með
læsisfimmuna frá því í fyrra, sem er
ákveðin kennsluaðferð sem byggir
á lýðræðislegu ívafi til að auka læsi
og bæta íslensku nemenda. „Við
leggjum einnig sérstaka áhersla á
teymiskennslu og teymisvinnu með
það að markmiði að bæta starfið og
koma betur til móts við alla okkar
nemendur. ávinningur þessa fyrir-
komulags er ótvíræður að okkar
mati,“ útskýrir skólastjórinn. „á
þessu skólaári ætlum við líka að
þróa þematengt nám í unglinga-
deildinni okkar en oft hefur ung-
lingadeildum grunnskóla verið
legið á hálsi að vera of greinamið-
aðar, ósveigjanlegar og einhæfar.
Markmiðið er að þróa fjölbreytt-
ari náms- og kennsluhætti þar sem
meginviðfangsefnin eru að mestu
eða að öllu leyti samþætt við sem
flestar námsgreinar. Í haust mun-
um við svo innleiða í 8.-10. bekk
hæfnimiðað námsmat sem byggir
á hæfniviðmiðum úr aðalnámskrá,“
bætir hann við.
Skólastjórinn segir lestur og læsi
gríðarlega mikilvæga færni í nú-
tímasamfélagi svo einstaklingar
geti verið virkir samfélagsþegn-
ar og hafi betri skilning á því um-
hverfi sem þeir lifa og hrærast í.
Lestur er lykill að ævintýrum lífs-
ins, er yfirskrift læsisstefnu Grunn-
skóla Snæfellsbæjar. „Við leggjum
áherslu á að læsi er ekki stök náms-
grein heldur grundvallarfærni sem
gengur þvert á allar námsgreinar og
er undirstaða annars náms og starfa
í samfélaginu. Við erum líka eini
skólinn á landinu sem á námskrá í
átthagafræðum sem nær til kennslu
í öllum bekkjum. Við leggjum sér-
staka áherslu á að nemendur okk-
ar afli sér þekkingar á heimabyggð
sinni svo að þeir þekki sögu henn-
ar, náttúru og staðhætti og geri sér
líka grein fyrir möguleikum þar til
framtíðar,“ segir Hilmar Már að
lokum.
Laugargerðisskóli
Laugargerðisskóli verður settur í
dag klukkan 15:00 og hefst skól-
inn samkvæmt stundaskrá á morg-
un. 17 nemendur eru í grunnskóla-
deildinni og segir Ingveldur Ei-
ríksdóttir skólastjóri mikið gleði-
efni að það hefur fjölgað um einn
í skólanum. töluverð tilhlökkun
ríkir í starfsmannahópnum að taka
á móti krökkunum og kveðst Ing-
veldur ávallt vera miklar vænting-
ar til skólaársins á haustin. „Í skól-
anum starfar hópur fólks með fjöl-
breytta menntun og reynslu og slíkt
er ómetanlegt fyrir lítinn sveita-
skóla. Við vonumst því öll eftir öfl-
ugu skólastarfi þar sem fjölbreytni
og farsæld fara saman. Nemendur
okkar eru frábært fólk sem gam-
an er að vinna með og við vænt-
um mikils af samstarfinu við þá og
heimilin,“ segir Ingveldur og bæt-
ir við: „Nokkur mannaskipti eru frá
síðasta ári og í hópinn hefur bæst
fólk sem er með frábæra reynslu í
farteskinu sem vonandi mun setja
svip sinn á skólastarfið, útivist og
einstök náttúra hér í nágrenninu
verður því hluti af náminu.“
Nú í haust, þann 4. september,
verður haldið íbúaþing þar sem
allir íbúar skólahverfisins eru vel-
komnir til að ræða stöðu skólans og
væntingar til skólastarfs framtíðar-
innar. Þingið er haldið í samstarfi
við Skólastofuna ehf. og afrakstur
þess verður nýttur við mótun skóla-
stefnu sveitarfélagsins og þróun
kennsluhátta við skólann. Í vor fékk
skólinn styrk úr Endurmenntunar-
sjóði grunnskóla til að þróa svo-
kallaðar vinnustofur sem fela í sér
áherslu á sjálfstæði og ábyrgð nem-
enda, sjálfstæði og námsval hvers
og eins. Ingveldur segir það vera
spennandi verkefni sem fellur vel
að aðalnámskrá grunnskóla. „Þetta
verkefni ásamt því að leggja áherslu
á nærumhverfi skólans í námskrá
verða helstu verkefni okkar í vet-
ur. til gamans má geta að skólinn
stefnir einnig að því að verða ARt-
vottaður skóli í samstarfi við ARt
á Suðurlandi, en ARt er módel
sem vinnur að því að efla félags-
færni nemenda, þjálfa reiðistjórn-
un og siðferðisvitundina. Nú þeg-
ar eru þrír ARt þjálfarar starfandi
við skólann og um áramót stefnum
við að því að verða orðin fimm,“ út-
skýrir skólastjórinn og bætir við að
lokum: „Við tökum fagnandi á móti
nýju skólaári og hlökkum til verk-
efnanna sem bíða.“
Reykhólaskóli
Reykhólaskóli verður settur á morg-
un, fimmtudaginn 22. ágúst og
hefst skólastarf samkvæmt stunda-
skrá strax á eftir skólasetningu. Fyrr
í sumar tók nýr skólastjóri við lykla-
völdunum. Anna Björg Ingadótt-
ir er nú orðin skólastjóri Reykhóla-
skóla en hún er mörgum íbúum
Reykhólahrepps kunn þar sem hún
kenndi við skólann fyrir þremur
árum og ætlar nú að taka að sér að
leiða skólastarfið í hreppnum. „Vet-
urinn leggst gríðarlega vel í mig.
Ég hlakka mikið til að leggja mitt af
mörkum til að við getum í samein-
ingu gert skólann okkar enn betri,“
segir Anna Björg.
45 nemendur eru skráðir í Reyk-
hólaskóla og 15 nemendur í leik-
skólanum að sögn nýja skólastjór-
ans sem hefur mikla væntingar til
vetrarins. „Við ætlum meðal ann-
ars að leggja mikla áherslu á læsi og
lesskilning í öllum skólanum ásamt
umhverfismennt. Einnig verður
hreyfing á dagskrá flesta daga,“ út-
skýrir skólastjórinn en enn á eftir að
taka saman hve margir verða í tón-
listarskólanum.
Það hefur að mestu leyti geng-
ið vel að fylla í stöður fyrir skóla-
árið. „Við erum búin að manna
bæði grunn- og leikskólann. Við
búum svo vel hér í Reykhólaskóla
að hafa vel menntaða kennara, leik-
skólakennara, þroskaþjálfa, iðju-
þjálfa ásamt öllu hinu góða starfs-
fólki okkar.“
Aðspurð út í nýjungar í kennslu-
aðferðum kveðst Anna Björg að slíkt
sé í stöðugri þróun. „Það má búast
við einhverjum nýjungum og breyt-
ingum eins og oft gerist þegar skipt
er um í brúnni,“ segir hún kímin
og bæti enn fremur við að lokum:
„Það er líka gott að það komi fram
hvað það er gott að búa í Reykhóla-
hreppi.“ glh. Ljósm/ úr safni.
Hressir krakkar úr Grunnskólanum í Borgarnesi í rennibrautarlauginni.
Nemendur úr Grunnskólanum í Stykkishólmi einbeittir með prjónana.
Nemendur úr 10. bekk Grunnskóla Snæfellsbæjar á toppi Snæfellsjökuls. Gangan
er liður í átthagafræðum sem kennd er við skólann.
SKÓLABLAÐ SKESSUHORNS