Skessuhorn - 09.10.2019, Blaðsíða 21

MIÐVIKUDAGUR 9. OKtÓBER 2019 21
Þessi samkoma er til minningar um þá sem
tóku þátt í skipalestunum frá Hvalfirði í seinni
heimsstyrjöldinni og áttu ekki afturkvæmt.

Hópur listamanna frá Yakut í Síberíu kemur á
Hernámssetrið og fræðir okkur um sögu Yakut
fólksins í seinni heimsstyrjöldinni og um
arfleifð Yakutia fólksins á þessum norðlægum
slóðum.
Á dagskránni verður fjallað um seinni
heimsstyrjöldina og þátttöku Yakut
þjóðflokksins í henni.
Þetta verður blessunar- og friðarathöfn með
dansi og tónlist. Frægasti Gyðingahörpu
(khomus) leikari frá Yakut mun kynna
hljóðfærið og leika nokkur verk sem þykja
heillandi og andleg.
Friðarsamkoma
á Hernámssetrinu að Hlöðum
Hvalfjarðarströnd
Laugardaginn 12. október
kl. 13.00 til 15.30.
Það er frítt á
viðburðinn
og á safnið.
María Neves var nýverið ráð-
in í stöðu verkefnastjóra atvinnu-,
markaðs- og menningarmála hjá
Borgarbyggð. Um er að ræða nýja
stöðu sem snýr meðal annars að
stefnumótun og markmiðasetningu
í atvinnu-, upplýsinga- og menn-
ingarmálum sveitarfélagsins og tók
María við starfinu 16. september
síðastliðinn. Hún er fædd í Portú-
gal en flutti til Íslands sem unga-
barn og ólst upp á tálknafirði. Árið
2006 flutti hún í Stykkishólm og
hóf nám við Fjölbrautaskóla Snæ-
fellinga í Grundarfirði. Þaðan lauk
hún stúdentsprófi árið 2009 og
flutti skömmu síðar til Reykjavíkur.
„Ég og maðurinn minn áttuðum
okkur fljótlega á því að höfuðborg-
arlífið væri ekki það sem við vorum
að leita að og tókum ákvörðun um
að flytja upp á Akranes árið 2014 og
búum þar enn,“ segir María en hún
er gift Birni Viðari húsasmiði.
Er mikil
fjölskyldumanneskja
Beðin um að lýsa sjálfri sér segist
María vera mikil fjölskyldumann-
eskja sem þykir ekkert skemmti-
legra en að verja tíma með sínu nán-
asta fólki en hún á tvo yngri bræð-
ur og foreldra sem hún er mjög
náin. Hún er mikil handverkskona
og syngur í kór með góðum kon-
um og hefur gaman að zumba og
að ferðast. „Mér finnst fátt nota-
legra en að taka góðan göngutúr
með góðan hlaðvarpsþátt í eyrun-
um,“ segir hún. Áður en María tók
til starfa hjá Borgarbyggð hefur
hún gert ýmislegt. Hún vann sem
verkefnastjóri hjá Iceland travel og
var samfélagsmiðlafulltrúi hjá Rit-
ara auk þess sem hún hefur tekið að
sér verkefni fyrir Akraneskaupstað.
Fékk hún mikinn áhuga á því sem
hún starfaði við og ákvað að bæta
við sig menntun á því sviði og hef-
ur því iðulega verið í námi samhliða
vinnu. Hún lauk diplómanámi í
viðburðastjórnun frá Háskólanum
á Hólum árið 2016 og BA námi í
miðlun og almannatengslum frá
Háskólanum á Bifröst árið 2018.
Hún er nú í meistaranámi í mark-
aðsfræðum við Háskólann á Bif-
röst.
Starfið sniðið að Maríu
María rakst á auglýsingu um starf
verkefnastjóra atvinnu-, markaðs-
og menningarmála hjá Borgar-
byggð og segir starfslýsinguna hafa
verið nákvæmlega eins og hún hafði
ímyndað sér draumastarfið. „Þetta
snertir alla fleti þess náms sem ég
hef lokið og tengist öllu því sem
ég hef áður starfað við,“ segir hún
brosandi. „Ég hef einnig ávallt haft
mikinn áhuga á sveitarstjórnarmál-
um og þetta er frábært tækifæri til
að taka þátt í uppbyggingunni sem
er að eiga sér stað í Borgarbyggð.
Þetta var tækifæri, starf sem ég gat
ekki sleppt að sækja um. Þetta starf
er í rauninni bara eins og sniðið að
mér,“ bætir hún við.
Spurð hvað felist í starfinu hugs-
ar hún sig smástund um og spyr á
móti hvar skuli byrja? „Þetta er
stórt og mikið starf og alveg nýtt
svo við erum eiginlega enn að móta
það,“ svarar hún. „Ég mun koma
að stefnumótun og markmiðasetn-
ingu í atvinnu-, upplýsinga- og
menningarmálum. Auk þess mun
ég starfa náið með atvinnu-, mark-
aðs- og menningarmálanefndinni.
Það verður í mínum verkahring
að efla og samræma kynningar og
markaðsmál, efla samstarf við at-
vinnulífið og koma að málum sem
snerta upplýsingatækni og rafræna
þjónustu hjá sveitarfélaginu. Svo
mun ég einnig koma til með að sjá
um menningarviðburði hjá Borgar-
byggð,“ segir María.
Fjölbreytt verkefni
framundan
Fyrstu skref hennar í starfi hafa
snúist um að vinna að stefnumót-
un og aðgerðaáætlun í samvinnu
við atvinnu-, markaðs- og menn-
ingarnefnd Borgarbyggðar. „Það
eru mörg verkefni sem bíða okkar
og því mikilvægt að móta stefnu til
lengri tíma. Það sem við ætlum að
leggja áherslu á er að efla samstarf
við fyrirtæki og eiga samtöl við
menntastofnanir í sveitarfélaginu
og hvetja meðal annars til nýsköp-
unar. Þannig búum við til öflugra
atvinnulíf. Við viljum að sveitar-
félagið verði aðlaðandi kostur fyr-
ir ný fyrirtæki sem sjá sér hag í því
að hefja starfsemi á landsbyggðinni.
Sveitarfélagið vill einnig stuðla að
öflugu menningarlífi og styðja bet-
ur við þá viðburði sem eru nú þeg-
ar til staðar og hafa fest sig í sessi
í Borgarbyggð, þar mun ég koma
sterk inn,“ segir María. Hún segir
starfið leggjast vel í sig eftir fyrstu
vikurnar og að það séu mörg spenn-
andi verkefni framundan hjá Borg-
arbyggð. Aðspurð segist hún ekki
hafa neina tengingu við sveitarfé-
lagið áður en hún tók þar til starfa.
„Ég kem með tvö alveg ný og fersk
augu sem ég held að sé bara jákvætt
því ég sé hlutina kannski frá aðeins
öðru sjónarhorni,“ segir hún og
brosir. „Þessa dagana er ég að vinna
að markaðs- og kynningarmálum
sem er ótrúlega spennandi verk-
efni, sérstaklega þar sem við vilj-
um meðal annars auka fólksfjölda
í sveitarfélaginu og fá unga fólk-
ið okkar aftur heim,“ segir María.
Henni var einnig falið að leggja
lokahönd á nýja stefnu sem íbú-
ar, kjörnir fulltrúar og starfsmenn
Borgarbyggðar hafa unnið að, en
það er upplýsinga- og lýðræðis-
stefna. „Sveitarstjórn Borgarbyggð-
ar leggur áherslu á öfluga upplýs-
ingagjöf og íbúasamráð í málefnum
sveitarfélagsins. Við ætlum okkur
að kynna þessa stefnu vel til íbúa
sveitarfélagsins og til dæmis er nýi
vefurinn stór hluti af þeirri vinnu
og innleiðing á rafrænni þjónustu,“
segir María að endingu. arg
„Ég kem með tvö alveg ný og fersk augu“
-segir María Neves, nýr verkefnastjóri atvinnu-, markaðs- og menningarmála hjá Borgarbyggð
María Neves er nýr verkefnastjóri atvinnu-, markaðs- og menningarmála hjá Borgarbyggð.