Hugur og hönd - 01.06.1976, Blaðsíða 10

ustu áratugi. Erlend reiðver passa
ekki svo vel á íslensk hross. Nú, ég
skrifaði til fimm landa, hvergi var
neitt að hafa nema í Austurríki. Þar
var mér boðið að kynna mér rekstur
hnakkaverksmiðju. Það var nú ekki
beint það sem ég hugsaði mér. Þess
vegna fór ég út í þennan rekstur.
— Hefur þú reynt við hnakka-
smíði?
— Nei, en ég á tvær hnakkdruslur
sem ég hef gluggað í, og einn góðan
veðurdag ætla ég að spá nánar í það.
Það verður þegar ég er farinn að eld-
ast. Fallegt reiðver var áður hlutur
sem mikið var lagt upp úr. Margt
slíkt sem maður sér, til dæmis á
byggðasöfnum, eru hreinir dýrgripir.
Hér eru nú nokkrir söðlasmiðir og
hafa ekki undan eftirspurn. Því flytj-
um við inn erlend reiðvcr.
— En skósmíðin?
— I dag er skósmíðin ekki annað
en viðgerðaþjónusta á verksmiðju-
basis. Ég hef rétt aðeins fitlað við að
smíða skó, en þar stend ég líka illa að
vígi gagnvart verksmiðjuframleiðsl-
unni.
— Nú ertu ófaglærður. Telur þú að
á næstu árum verði leðursmíði viður-
kennd sem iðn?
— Ekki á næstu árum, kannski í
framtíðinni. Það er nú svo með hand-
iðn á tuttugustu öldinni. Hún nýtur
ekki þeirrar virðingar sem hún hafði
áður. Iðnaðarmenn hafa heldur ekki
lengur það faglega aðhald sem þeir
höfðu. Þeir hafa margir tapað virð-
ingu fyrir iðn sinni. Með tilkomu
borgarastéttarinnar og breyttra fram-
leiðsluhátta, þá var handiðnin kom-
in á lægri stall. Og þó menn hafi á-
huga á leðurvöru sem er smíðuð hér
heima, þá kemur annað til. I Ameríku
þrífast ekki leðursmiðir, svo mikið
er flutt inn af leðurvöru sem unnin
er í hálfverksmiðjum, en er með
brögðum seld sem handunnin vara.
Þessi vinna fer mest fram á Spáni.
Þar er vinnuaflið ódýrt. Þaðan koma
íslendingar hlaðnir ódýrri leðurvöru
sem þeir halda handverk. Slíkt hand-
verk kalla ég loðið.
— Nú hefur leðurvinna verið kennd
um árabil í skólum landsins?
— Já, það er míkill harmleikur. Það
er aðallega seðlaveskjagerð og annað
smálegt að amerískri fyrirmynd. Sú
tækni sem er notuð er að vísu komin
frá Cordoba á Spáni, en eftir króka-
leið. I „villta vesturs“ og frumbyggja-
dýrkun í Bandaríkjunum, þá hefur
orðið endurvakning á slíku. Tóm-
10
HUGUR OG HÖND