Fréttablaðið - 25.04.2020, Qupperneq 2

Veður
Austlæg átt, víða 3-10 m/s. Dálítil
rigning eða slydda fyrir norðan
og austan, skúrir syðst, en víða
léttskýjað SV til. Hiti 3 til 12 stig,
hlýjast sunnan heiða, en víða
næturfrost inn til landsins.
SJÁ SÍÐU 34
Á Öræfajökli
Lítill hópur skíðafólks hélt upp á fyrsta sumardag á Öræfajökli. Stefnan var tekin á Dyrhamar sem er brattur og íshjúpaður klettur í næsta nágrenni
við Hvannadalshnúk. Veðrið lék við ferðalangana sem fengu svo langa og góða skíðabunu aftur til byggða undir kvöldið. FRÉTTABLAÐIÐ/SIGTRYGGUR ARI
SAMFÉLAG Gunnari Smára áskotn-
aðist forláta baðkar á dögunum og
fékk strax þá hugmynd að koma
því fyrir utandyra. Ekki síst til að
komast í kalt bað.
„Ég æfði sund lengi og kann mjög
vel við mig í vatni. Ég nota sérstak-
lega kalda pottinn í lauginni og
vildi því ólmur útbúa slíka aðstöðu
heima hjá mér. Þannig vill til að ég
hef verið í framkvæmdum innan-
dyra og baðið þar ekki tengt og því
fannst mér þetta kjörin tímabundin
lausn.
Konan mín var ekkert sérstak-
lega spennt fyrir þessari hugmynd
fyrst en þegar ég benti á að ekkert
mál væri að setja heitt vatn líka, þá
fékkst leyfið,“ segir Gunnar Smári.
Hann gróf því karið niður á lóð-
inni, svo það vísar út í fjöru, og fyllir
það svo með garðslöngu. „Ég ætlaði
fyrst að fara í einhverjar pípulagn-
ingaframkvæmdir undir karinu en
fékk svo fljótlega þá ábendingu að í
góðum rigningarskúr eru líklega um
1.000 lítrar að falla á lóðina mína.
160 lítrar af og til ofan í jarðveginn
skipta því litlu og því tek ég bara
tappann úr baðkarinu,“ segir hann.
Karið hefur vakið mikla lukku
meðal vina og nágranna. „Vinkona
mín gekk hérna fram hjá um daginn
og henni dauðbrá þegar ég heilsaði
henni og hausinn stóð bara upp úr
jörðinni,“ segir hann og hlær.
Gunnar Smári segist jafnvel
vera að íhuga að setja annað kar
niður við hliðina á þessu svo hann
og konan hans geti horft saman á
sólarlagið. „Mér hefur verið bent á
að svona lausn hefur verið vinsæl
hjá sveitavörgum í Bandaríkjunum.
Það er svona ákveðinn skellur,“ segir
hann og er greinilega skemmt.
Eins og áður segir starfar Gunn-
ar Smári sem sjúkraþjálfari og
rekur CrossFit-stöð í hjáverkum.
Hann hefur því verið svo gott sem
atvinnulaus undanfarnar vikur.
„Ég hélt að maður væri öruggur
með að vinna með fólk. Að það
yrði alltaf eftirspurn eftir hreyf-
ingu og síðan er fólk því miður
alltaf að slasa sig og þarfnast með-
ferðar. Þessi veira var á öðru máli.
Það hefur verið mjög gott að
hafa eitthvað til að bardúsa við á
meðan þetta skrítna ástand varir
en sem betur fer sér fyrir endann
á þessu í bili ,“ segir Gunnar Smári.
bjornth@frettabladid.is
Nýtur sólarlagsins í
baðkari við fjöruna
Gunnar Smári Jónbjörnsson, sjúkraþjálfari og eigandi CrossFit-stöðvarinnar
Ægis á Akranesi, hefur vakið athygli nágranna sinna á Akranesi fyrir að hafa
komið forláta baðkari fyrir á lóð sinni. Hann segir upplifunina dásamlega.
Gunnar Smári segist vera mikill sundmaður og kunni best við sig í vatni.
Þegar honum áskotnaðist baðkar ákvað hann að koma því fyrir utandyra.
Vinkona mín gekk
hérna fram hjá um
daginn og henni dauðbrá
þegar ég heilsaði henni og
hausinn stóð bara upp úr
jörðinni.
DAG HVERN LESA
93.000
ÍSLENDINGAR
FRÉTTABLAÐIÐ
AÐ MEÐALTALI
HEIMILD: PRENTMIðLAMÆLING GALLUP OKT-DES 2019, 12-80 ÁRA,
ALLT LANDIð HAGSTOFA ÍSLANDS, MANNFJÖLDATÖLUR, 2019
FRÉTTABLAÐIÐ - MEST LESNA DAGBLAÐ LANDSINS
REYKJAVÍK „Verslunartækni hefur
staðið skil á öllum sínum gjöldum,
en vottorð um það skilaði sér of
seint til borgarinnar,“ segir Sigurður
Hinrik Teitsson, framkvæmdastjóri
Verslunartækni.
Eins og fram kom í Fréttablaðinu
í gær hafnaði Reykjavíkurborg til-
boði frá Verslunartækni á þeim
forsendum að fyrirtækið uppfyllti
ekki kröfur um skil á opinberum
gjöldum og lagði Innkaupaskrif-
stofa borgarinnar til við innkaupa-
ráð að tilboði fyrirtækisins yrði
hafnað af þeim sökum.
„Við erum í skilum með öll okkar
gjöld og höfum verið alla 30 ára
sögu okkar. Bókunin í innkaupa-
ráði sem fréttin byggist á hefur
skaðleg áhrif og afar ströng skil-
yrði borgarinnar gera fyrirtækj-
um ekki auðvelt fyrir hvað þetta
varðar. Við hörmum framsetningu
borgarinnar á málinu og vonum að
skaðinn af þessari bókun verði sem
minnstur.“ – jþ
Vottorð vantaði
VESTMANNAEYJAR Nauðsyn er á
úrbótum á varaaf li í Vestmanna-
eyjum ef ekki á að skapast hætta á
verulegu efnahagslegu tjóni komi til
óveðurs eða annarra aðstæðna þar
sem þörf er á varaafli.
Íris Róbertsdóttir, bæjarstjóri í
Vestmannaeyjum, sendi Þórdísi
Kolbrúnu R. Gylfadóttur, atvinnu-
vega- og nýsköpunarráðherra, bréf
og kynnti svar ráðherra á bæjar-
ráðsfundi.
Í svarbréfi er bent á að sumar af
hugmyndum bæjarstjórans séu
þegar komnar í vinnslu að frum-
kvæði ráðuneytisins, það er  um
aðkomu Landsnets að lausn máls-
ins og að stofnunin f lýti áformum
sínum um að koma Vestmanna-
eyjum í svokallaða N-1 afhendingu
á raforku.
Jafnframt kemur fram í bréfi
ráðherra að ráðuneytið muni fylgja
því eftir gagnvart Landsneti að bæta
stöðu færanlegs og staðbundins
varaaf ls í Eyjum eins og áætlanir
Landsnets segja til um.
Þá er Vestmannaeyjabæ bent á
að það sé ekkert því til fyrirstöðu
að bæjarfélagið eigi frumkvæði
að tvíhliða samtali við Landsnet
um uppbyggingu á varaafli í Vest-
mannaeyjum. – bb
Úrbóta er þörf
á raforku í
Vestmanneyjum
Íris Róbertsdóttir, bæjarstjóri í
Vestmannaeyjum. MYND/TRYGGVI MÁR
2 5 . A P R Í L 2 0 2 0 L A U G A R D A G U R2 F R É T T I R ∙ F R É T T A B L A Ð I Ð