Fréttablaðið - 25.04.2020, Qupperneq 37

Sjávarútvegs- og landbúnaðarráðherra skipar í embættið til fimm ára frá 1. ágúst 2020.
Leitað er eftir einstaklingi sem hefur leiðtogahæfileika, er framsýnn í hugsun, hefur sýnt hæfni í samskiptum
og samvinnu og hefur metnað til að ná árangri í þágu almennings og atvinnulífs.
Menntunar- og hæfniskröfur:
• Háskólapróf á meistarastigi sem nýtist í starfi
• Reynsla af stjórnun og rekstri
• Árangursrík reynsla af áætlunargerð
• Góð þekking og reynsla af stefnumótun
• Fagmennska, frumkvæði, drifkraftur og jákvæðni
• Færni til tjáningar í ræðu og riti á íslensku og ensku
• Þekking og reynsla af alþjóðasamstarfi er kostur
Matvælastofnun er stjórnsýslustofnun með höfuðstöðvar á Selfossi og þar starfa um 100 manns. Hlutverk
stofnunarinnar er að stuðla að neytendavernd, heilbrigði og velferð dýra, heilbrigði plantna og öryggi, heil-
næmi og gæðum matvæla. Stofnunin vinnur að matvælalöggjöf í allri fæðukeðjunni, frá heilbrigði og velferð
dýra, fóðri, vinnslu og dreifingu og þar til matur er borinn á borð neytenda. Stofnunin fer með yfirumsjón
með matvælaeftirliti og eftirlit með störfum dýralækna. Stofnunin annast stjórnsýslu og eftirlit samkvæmt
lögum um matvæli, lögum um velferð dýra, lögum um dýrasjúkdóma og varnir gegn þeim, lögum um fisk-
eldi og fleiri lögum. Matvælastofnun veitir ráðherra ráðgjöf við samningu frumvarpa og reglugerða og sinnir
öðrum verkefnum sem stofnuninni eru falin með lögum eða öðrum fyrirmælum. Forstjóri Matvælastofnunar
ber faglega, fjárhagslega og stjórnunarlega ábyrgð á rekstri Matvælastofnunar í samræmi við lög og stjórn-
valdsfyrirmæli.
Umsókn skal fylgja ítarleg starfsferilskrá og kynningarbréf þar sem gerð er grein fyrir ástæðu umsóknar og
hvernig viðkomandi uppfyllir hæfniskröfur fyrir starfið. Konur og karlar eru hvött til að sækja um embættið.
Sjávarútvegs- og landbúnaðarráðherra mun skipa þriggja manna hæfisnefnd sem metur hæfni og hæfi um-
sækjenda og skilar greinargerð til ráðherra.
Umsóknarfrestur er til og með 4. maí nk.
Umsóknum skal skila rafrænt á netfangið postur@anr.is.
Upplýsingar um starfið veitir Kristján Skarphéðinsson, ráðuneytis-
stjóri í atvinnuvega- og nýsköpunarráðuneytinu (postur@anr.is).
Öllum umsóknum verður svarað þegar ákvörðun um skipun hefur
verið tekin.
Forstjóri
Matvælastofnunar
RÁÐNINGARRÁÐGJÖF RANNSÓKNIR
Intellecta ehf. Síðumúla 5 108 Reykjavík 511 1225 intellecta.is
Intellecta er sjálfstætt þekkingarfyrirtæki stofnað árið 2000. Við vinnum með stjórnendum
við að auka árangur, bæta rekstur og efla stjórnun. Ráðgjafar Intellecta hafa sterkan faglegan
bakgrunn og víðtæka alþjóðlega reynslu. Þennan grunn notum við í samvinnu við viðskiptavini
til að móta hugmyndir sem skipta máli og í innleiðingu lausna sem skila árangri.
ATVINNUAUGLÝSINGAR 9 L AU G A R DAG U R 2 5 . A P R Í L 2 0 2 0