Gríma - 15.09.1931, Qupperneq 43

SAGAN AF GLÚMI OG GEIRDÍSI
41
Svanlaug mundi verða sinn bani og úlfs sonar síns.
En eigi tókst honum það, sem betur fór. Allt það
fé, sem fundizt hafði í helli útilegumannanna og lif-
andi peningur þeirra, var svo dæmdur réttmæt eign
þeirra Hallþórs og Svanlaugar. Var það mikill auð-
ur. En mönnum þeim, sem með Hallþóri voru í at-
förinni, var goldið af opinberu fé ærna kaup. Eftir
það gengur Hallþór að eiga Svanlaugu. Var haldin
hin ágætasta veizla og boðið til múg og margmenni.
f þeirri veizlu lýsti Hrólfur bóndi á Leiti yfir því,
að hann gæfi þeim hjónum, Hallþóri og Svanlaugu
dóttur sinni, jörðina Leiti og hálft búið á móti syni
sínum Grana. Gerðu allir að því góðan róm. Að end-
aðri veizlunni leiddi Hallþór boðsfólkið út með góð-
um gjöfum. Voru margt af því fáséðir gripir úr
helli útilegumanna. Fer hver heim til sín glaður og
ánægður. Eftir það tekur Hallþór foreldra sína heim
til sín. Bjuggu þau Svanlaug og Hallþór alla æfi
sína á Leiti, og voru jafnan mikils metin.
Lýkur svo þessari sögu.
10.
Sagan af Glúmi og Geirdísi.
(Eftir handriti Baldvins Jónatanssonar).
Einu sinni í fyrndinni bjó ríkur bóndi með konu
sinni og börnum á bæ einum til fjalla. Er hann
nefndur Gestur en kona hans Ásrún. Þau áttu tvo
sonu og eina dóttur; hét Eyvindur hinn eldri son-