Bændablaðið - 05.12.2019, Page 42

Bændablaðið | Fimmtudagur 5. desember 201942
HROSS&HESTAMENNSKA
„Gleði og glaumur hefur fylgt
starfinu í öll þessi ár“
Hestamannafélagið Sleipnir var
stofnað 9. júní 1929 en á því ári
var mikil gróska í Árnessýslu,
Flóaáveitan var sett af stað og
Mjólkurbú Flóamanna var stofn-
að. Allt þetta hefur eflaust haft
áhrif á samtakamátt samfélagsins
á þeim tíma.
Hestamannafélagið var hugs-
að sem sýslufélag, sem sagt fyrir
alla Árnessýslu. Það voru bændur í
Hraungerðis- og Villingaholtshreppi
sem stóðu að stofnuninni. Markmið
félagsins í dag er að efla áhuga á
hestum og hestaíþróttum og jafn-
framt að gæta hagsmuna félaga sinna
á því sviði og stuðla að réttri og góðri
meðferð hesta. Magnús Ólafsson
er formaður Sleipnis. Hann svaraði
nokkrum spurningum blaðsins í til-
efni af 90 ár afmælinu.
– Fyrstu árin, hvernig voru þau
og hvað var helst verið að gera í
félaginu?
„Fyrstu árin hélt félagið kapp-
reiðar og síðar var farið að fara í
skemmtiferðalög og starfsemin
þroskaðist til frekari verka, svo sem
skrautreiða, sem Sleipnir var fyrsta
hestamannafélagið til að koma af
stað. Formaður Sleipnis ritaði bréf
til formanns Fáks 1940 þar sem
þess er farið á leit að hestamanna-
félagið Fákur standi fyrir samkomu
á Þingvöllum sumarið 1941. Þetta
varð til þess að hestamannafélögin
hrinda af stað þeirri hugmynd að
mynda Landssamtök hestamanna-
félaga, LH. Jafnframt varð Sleipnir
til þess að Hrossaræktarsamband
Suðurlands var stofnað. Þannig að
Sleipnismenn hafa haft mikil áhrif
í þessari hreyfingu. Segja má að
Sleipnir hafi verið í forystu í þessari
hreyfingu til dagsins í dag.“
– Hvernig hefur Sleipnir þróast í
gegnum árin og hver er staða félags-
ins í dag?
„Gleði og glaumur hefur einkennt
starfið, vinnusemi félaga allt frá því
að kappreiðavöllurinn í Hróarsholti
var gerður og til þessa dags að
félagsmenn horfa til svæðisins á
Brávöllum og Sleipnishallarinnar.
Fræðslumálin hafa ætíð skipað
drjúgan sess í starfi félagsins og
nú er æskulýðsstarf í miklum blóma
hjá Sleipni. Starf Fjölbrautaskóla
Suðurlands hefur haft margháttuð
áhrif á unga félagsmenn og öll þau
fjölmörgu hrossaræktarbú sem eru á
Suðurlandi og hafa skapað atvinnu-
tækifæri fyrir unga fólkið sem stend-
ur í fremstu línu.“
– Hvaðan koma félagsmenn
Sleipnis, ykkur hefur fjölgað mikið
síðustu árin?
„Já, félagssvæði Sleipnis nær
yfir Flóann, sem er Árborg og
Flóahreppur, sem áður voru margir
hreppar og því mikil framsýni
stofnenda að hafa svæðið yfir allan
Flóann. Okkur hefur fjölgað gríðar-
lega síðustu ár. Félagatalið var yfir-
leitt um 250 félagar en síðustu 10
árin hefur okkur fjölgað í um 560
félaga sem er tvöföldun og mér
reiknast til að vera um 6% allra íbúa
á svæðinu sem er mjög hátt hlutfall.
Ég þakka það virkum félagsmönn-
um sem drífa starfið áfram og þá
koma inn margfeldisáhrif þegar
vel gengur þá vilja fleiri vera með,
þannig styður allt hvað annað,“ segir
Magnús.
– Aðstaðan á Selfossi sem þið
hafið, hvernig er hún og hvernig
metur þú hana?
„Um síðustu aldamót fékk Sleipnir
úthlutað nýju vallarsvæði norðan
við núverandi hesthús til að byggja
upp nýja og betri vallaraðstöðu.
Undirritaður ásamt þáverandi stjórn
Sleipnis hannaði vallarsvæðið í sam-
ráði við knapa félagsins til að svæðið
yrði sem best með tilliti til sýninga.
Mönin varð til úr uppgröfnu efni úr
grunnum og fráveituskurðum, upp-
grafið hraun var notað til að byggja
upp hringvelli og skeiðbraut. Síðan
var fínna efni keyrt í efri lög vall-
anna. Á Brávöllum eru mót félags-
ins haldin, við héldum Íslandsmót
2011 og 2016. Við byrjuðum á
byggingu Reiðhallar félagsins 2009.
Landbúnaðarráðuneytið lagði fram
stofnfé, 25 milljónir líkt og gert var
annars staðar á landinu. Safnað var
framlögum hjá félagsmönnum og
bæjarbúum sem gekk vel. Þar var
fyrstur að gefa Guðjón í Uppsölum
sem gaf 1 milljón og systir hans 200
þúsund. Síðan komu aðrir á eftir.“
Allt unnið í sjálfboðavinnu
Magnús segir að öll vinna í kringum
Sleipnishöllina hafi verið unnin í
sjálfboðavinnu.
„Það var ekki greitt fyrir eina ein-
ustu vinnustund frá því sökklar voru
steyptir upp. Fyrirtæki á svæðinu
gáfu þjónustu sína og félagsmenn
lögðu til vinnu sína. Með þessum
samtakamætti tókst okkur að ljúka
verkinu, þó oft hafi blásið á móti
og ýmislegt komið upp sem hefði
verið gott að sleppa við. Þessi mikla
sjálfboðavinna leiddi til þess að við
gátum selt auglýsingar á veggi og
tíma í reiðhöll sem varð til þess að
Sleipnishöllin var orðin skuldlaus
árið 2016. Síðan höfum við verið að
bæta við höllina að innan og safna
í framkvæmdasjóð til að fara í við-
bygginguna, sem byrjað var á nú
í byrjun október og sökklar verða
steyptir í lok þessa mánaðar.“
– Já, talandi um reiðhöllina, hún
– segir Magnús Ólafsson, formaður félagsins, sem lætur senn af formennsku eftir 6 ár og 11 ára stjórnarsetu
Baðreiðtúr í sjóinn á Stokkseyri á vorin er árlegur viðburður hjá Sleipni. Þar láta menn hestana sundríða og njóta þess að fara með góðum félögum í slíkan túr. Mynd / Magnús Hlynur Hreiðarsson.
Hestamannafélagið Sleipnir á Selfossi fagnar 90 ára afmæli:
Magnús Ólafsson, formaður Hestamannafélagsins Sleipnis. Mynd / Magnús Hlynur Hreiðarsson.
Mikill kraftur er í æskulýðsstarfi Sleipnis þar sem börn og unglingar fara á
kostum með góðum leiðbeinendum. Mynd / Magnús Hlynur Hreiðarsson.