Fréttabréf Öryrkjabandalags Íslands - 01.09.1990, Side 33

yfir. Bakið réttinn í 200° C heitum
ofni í 10 mín.
KRYDDKAKA MEÐ
TÓMATSÓSU
(Hér eru notuð amerísk bollamál. 1
slíkur bolli jafngildir 21/2 dl).
750 g hveiti
375 g sykur
11/2 tsk. lyftiduft
11/2 tsk. kanill
3/4 tsk. negull
3/4 tsk. múskat
3/4 tsk. allrahanda
3/4 tsk salt
1 dós Hunt's tómatsósa
11/2 tsk. matarsódi
2 egg, þeytt með gaffli
3/4 bolli matarolía
1 bolli saxaðar hnetur (valhnetur,
ristaðar, afhýddar heslihnetur eða
möndlur)
1 bolli rúsínur (má sleppa)
1/2 bolli appelsínusafi
Smyrjið hringform, 25 cm í þvermál,
með smjöri. Stillið ofninn á 175° C.
Blandið saman hveiti, sykri, lyftidufti,
kryddi og salti í stórri skál. Blandið
saman tómatsósu og matarsóda í lítilli
skál; blandið saman við þurrefnin.
Hrærið eggjunum, olíunni, hnetunum,
rúsínunum og appelsínusafanum
saman við. Hrærið deigið bara þannig
að það rétt blandist vel saman, ef það
er hrært of mikið verður kakan seig.
Hellið deiginu í hringformið og jafnið
vel. Bakið kökuna í u.þ.b. 45—55
mín. Látið hana kólna í mótinu í 15
mín. áður en henni er hvolft úr mótinu
á kökurist.
Staðarborg í Breiðdal.
Bóndi Ijóðar í Breiðdal
Góðvinur ritstjóra Gísli Björgvinsson bóndi í Þrastarhlíð eystra
hefur áður komið við sögu Fréttabréfsins með snjöllum stökum
sínum.
Að beiðni ritstjóra sendi þessi ágæti hagyrðingur nokkrar stökur,
nýjar sem gamlar og fá lesendur Fréttabréfsins fáein sýnishorn:
Þegar rætt var sem oftar um nauðsyn þess að fækka bændum
kvað Gísli:
Fláðu stríð við eld og ís
unnu sigra stóra.
Nú er þjóðarvoði vís
verði þeim leyft að tóra.
Sagt var frá því í DV að stúlka hefði alið barn, sem hún taldi hafa
orðið til í svefni:
Undarlegt tilfelli, reynist það rétt,
en rannsókna er þörf í því efni.
Úr borginni Davíðs nú birtist sú frétt,
að börn séu getin í svefni.
Út af starfsaldursstyttingu flugumferðarstjóra:
Að loftferðastjórinn sé verðbólguvaldur
verður betur að kanna.
En stjórnin ákvað að stytt'onum aldur
og starfið að nýju manna.
Þessi limra þarfnast ekki skýringa:
Konulausum bæ, ef kem ég að
kuldann finn ég leggja út á hlað.
Þó bóndinn krásir brasi
og bjóði lögg úr glasi.
Það kemur ekki konunnar í stað.
Um bílaval framámanna.
Ef að þú stefnir í embætti hæst
og almenningshylli vilt njóta.
Kauptu þá dýrasta fólksbíl sem fæst,
en forðastu að stíga upp í Skoda.
Og svo í lokin þessar tvær:
Allir þeir sem elska Frón
einróma því heiti:
Að aldrei finnist oftar Jón
í okkar ráðuneyti.
Bænir mínar ber ég fram
í bljúgum tóni.
Vættir góðir vaki á Fróni
og verndi okkur fyrir Jóni.
Hafi Gísli hugheila þökk.
FRÉTTABRÉF ÖRYRKJABANDALAGSINS
33