Fréttablaðið - 30.05.2020, Page 4

TÖLUR VIKUNNAR 24.05.2020 TIL 30.05.2020
8.000
umsóknir hafa borist um
útgreiðslu séreignarsparnaðar.
4.000
manns bíða eftir aðgerð
á Landspítala.
12.000
milljónir króna er áætlaður
kostnaður við viðbyggingu
Braggans í Nauthólsvík.
10
ár, er tíminn sem andapar
hefur gert sig heimakomið
á Hlölla og betlað mat.
170
kíló af mynt sem
Wei Li kom með til landsins
reyndust ófölsuð.
Guðjón Þór Valsson
starfsmaður Hlöllabáta
fóðrar stokk­
andarpar,
sem í tæpan
áratug hefur
sníkt brauð á
Ingólfstorgi.
„Steggurinn er
alltaf mættur
hingað á undan okkur á morgn­
ana og stekkur upp að rúðunni
til þess að láta vita af sér,“ segir
Guðjón. Steggurinn er nefndur
Andrés og kollan Andrésína.
Vala Garðarsdóttir
fornleifafræðingur
stýrir nú upp­
greftri aftan
við stjórnar­
ráðshúsið í
Lækjargötu.
„Við erum enn
að klára tíma­
bilið 1750 til 1900, en
erum farin að sjá glitta í minjar
sem eru eldri,“ segir Vala. Fundist
hafi ýmsir munir frá átjándu og
nítjándu öld en fæstir séu þeir
heillegir. Verkefninu á að ljúka í
september.
Björgvin Halldórsson
tónlistarmaður
boðar stórtón­
leika breiðs
hóps lista­
manna, til
að styðja við
bakið á Jóhanni
Helgasyni í mála­
ferlum hans í Los
Angeles, vegna lagsins Söknuðar.
„Við munum að sjálfsögðu fylkja
okkur í kring um Jóhann og
leggjast á árarnar – allir tónlistar­
menn Íslands,“ segir Björgvin
sem kveður ýmsar hugmyndir í
gangi. „En eitt er víst: Við höldum
stórtónleika í haust eða í vetur
Jóhanni til heiðurs.“
Þrjú í fréttum
Endur í mat,
fornleifar og
vini hjálpað
Fjölmennir staðir tæmdust í samkomubanninu og varði fólk meiri tíma heima. FRÉTTABLAÐIÐ/SIGTRYGGUR ARI
SAMFÉLAG Hamingja landsmanna
var meiri í apríl 2020 en á sama tíma
árin á undan,Þetta er meðal þess
sem kemur fram í vöktun Embættis
landlæknis á áhrifaþáttum á heilsu
og líðan, sem Gallup framkvæmdi.
Enn sem komið er eru engin merki
um að COVID­19 faraldurinn hafi
haft neikvæð áhrif á líðan lands­
manna.
Könnunin hefur verið gerð reglu­
lega frá árinu 2016 og snýst um að
kanna ýmsa áhrifaþætti á heilbrigði
og þróun þeirra. Miða niðurstöðurn­
ar í ár við tímabilið janúar til apríl.
Engar breytingar hafa orðið á hlut­
falli þeirra sem finna oft eða mjög oft
fyrir einmanaleika frá 2018, en það
hlutfall er um 11 prósent öll árin.
Athygli vekur að þeim fjölgar sem
finna sjaldan eða aldrei fyrir ein­
manaleika. Þetta hlutfall er 72 og 71
prósent í mars og apríl 2020, en var
um 60 prósent í fyrra.
Þá hefur þeim fækkað sem finna
oft eða mjög oft fyrir mikilli streitu
í daglegu lífi, frá 2018. Hefur þeim
fækkað úr 27 prósentum niður í
24 prósent. Enn meiri fækkun má
greina milli mánaða, þeim sem finna
fyrir mikilli streitu fækkaði niður í
17 prósent í apríl síðastliðnum.
Fækkað hefur í hópi þeirra sem
sofa í sex klukkustundir eða minna
á nóttu. Fór hlutfallið úr 29 prósent­
um árið 2018, niður í 22 prósent það
sem af er 2020. Ef apríl er skoðaður
sérstaklega, er hlutfallið 19 prósent.
Komum á heilsugæslustöðvar og
innlögnum vegna sjálfsskaða eða
sjálfsvígstilrauna, hefur ekki fjölgað
í ár samanborið við sama tíma síð­
ustu þrjú ár, frekar hefur verið örlítil
fækkun. Símtölum vegna sjálfsvígs­
hættu í 1717 og til Píeta samtakanna
fjölgaði þó á tímabilinu.
Dóra Guðrún Guðmundsdóttir,
sviðsstjóri Lýðheilsusviðs hjá Emb­
ætti landlæknis, segir að verið sé að
greina niðurstöðurnar enn frekar.
Hún hefur rannsakað hamingju
síðustu tvo áratugi og segir að þeir
hamingjusömustu eigi það oft sam­
merkt að hafa þurft að takast á við
áskorun í lífinu.
„Þegar við stöndum frammi fyrir
einhverju sem ógnar lífi okkar, er
eins og við förum í að endurmeta
hvað skiptir mestu máli og þá eykst
samkennd, við hlúum betur að
okkur sjálfum og okkar nánustu,“
segir Dóra. „Svo virðist sem meiri­
hluta þjóðarinnar líði betur á
þessum tíma sem faraldurinn hefur
gengið yfir. Við erum að sjá minni
reykingar, og rafrettunotkun, og
minni áfengisneyslu sem við áttum
ekki endilega von á.“
Vísbendingar eru hins vegar um
að þeim sem hafi liðið illa fyrir far­
aldurinn, líði nú verr. „Meirihlutinn,
fólk sem var í aðstöðu til að takast
vel á við faraldurinn, náði að sofa
meira og glímdi við minni streitu og
náði að hlúa betur að sér og sínum
nánustu,“ segir Dóra. „Við sáum líka
jákvæðar breytingar eftir efnahags­
hrunið, meiri hamingju meðal ungl­
inga, meiri samkennd og umhyggju
en svo sáum við þessar breytingar
fjara út, en nú hafa þær komið aftur.
Þetta vekur upp þá spurningu um
hvort hægt sé að skapa þannig
aðstæður í samfélaginu sem styðja
við meiri samkennd og samveru án
þess að við stöndum frammi fyrir
einhverri ógn.“ arib@frettabladid.is
Líðan margra betri í faraldri
Líðan landsmanna versnaði ekki þegar COVID-19 faraldurinn stóð sem hæst. Fólk svaf meira og fann
fyrir minni streitu. Sviðsstjóri hjá landlækni segir þá sem hafa tekist á við erfiðleika oft hamingjusamari.
Við sáum líka
jákvæðar breyting-
ar eftir efnahagshrunið.
Dóra Guðrún
Guðmundsdóttir,
doktor í jákvæðri
sálfræði
ÁRA5ÁBYRGÐUMBOÐSAÐILI FIAT Á ÍSLANDI • ÍSLENSK-BANDARÍSKA • ÞVERHOLT 6 • 270 MOSFELLSBÆR • S. 534 4433 WWW.FIATPROFESSIONAL.IS • WWW.ISBAND.IS • ISBAND@ISBAND.IS • OPIÐ VIRKA DAGA 10-18 • LAUGARDAGA 12-16
FIAT HÚSBÍLAEIGENDUR
ER HÚSBÍLLINN ÞINN KLÁR FYRIR SUMARIÐ?
BJÓÐUM UPP Á SMURÞJÓNUSTU OG LÉTTA ÁSTANDSSKOÐUN FYRIR SUMARIÐ:
• SJÓNSKOÐUN Á BREMSUKERFI OG UNDIRVAGNI
• LJÓS YFIRFARIN
• ÁSTAND HJÓLBARÐA METIÐ OG LOFTÞRÝSTINGUR MÆLDUR
• ÞURRKUR OG RÚÐUSPRAUTUR YFIRFARNAR
• ÁSTAND KÆLIKERFIS METIÐ
• HLEÐSLA RAFKERFIS MÆLD.
ALLIR VINNA – ENDURGREIÐSLA Á VSK Á VINNULIÐ AÐ LÁGMARKSUPPHÆÐ 25.000 KR. ÁN VSK.
3 0 . M A Í 2 0 2 0 L A U G A R D A G U R4 F R É T T I R ∙ F R É T T A B L A Ð I Ð