Dagblaðið Vísir - DV - 15.05.2020, Síða 6

6 FRÉTTIR 15. MAÍ 2020 DV
V erðlagseftirlit ASÍ hefur að undanförnu fengið tilkynningar um
verðhækkanir hjá bæði mat-
vöruverslunum, birgjum og
framleiðendum og hafa ýmsar
vörur hækkað allduglega. Fall
krónunnar hefur vissulega
haft áhrif en þó eru dæmi um
að gengisfallið sé hreinlega
notað sem skálkasjól fyrir
verðhækkanir. Framkvæmda-
stjóri þróunarsviðs Haga seg-
ir að verið sé að fella gengið á
kostnað neytenda til að byggja
undir útflutning þjóðarinnar.
00000
www.veidikortid.is
Gleðilegt
veiðisumar!
Fæst hjá N1 - OLÍS og veiðiverslunum
Framhald á síðu 8 ➤
MATUR OG DRYKKUR HÆKKA MEST
Matur og drykkur eru þær vörur sem hafa hækkað mest í verði að undanförnu. MYND/VILHELM
Auður Ösp
Guðmundsd.
audur@dv.is
Erla Dóra
Magnúsd.
erladora@dv.is
Neytendur þurfa að vera vel vak-
andi á næstunni þar sem mikil
hreyfing er á verði á markaði,
bæði til hækkunar og lækkunar.
AUÐUR ALFA ÓLAFSDÓTTIR HJÁ ASÍ
FYRIRTÆKI ÞURFA AÐ SÝNA ÁBYRGÐ
„Þessar miklu sveiflur rugla neytendur í ríminu og gera
fólki erfiðara fyrir. Það eru hækkanir og lækkanir á víxl,
sem ruglar mjög verðvitund fólks,“ segir Auður Alfa,
verkefnastjóri verðlagseftirlits ASÍ.
Alþýðusambandið hefur beint þeim tilmælum til fyrir-
tækja að sýna ábyrgð og halda aftur af verðhækkunum
við þær aðstæður sem nú eru uppi og koma þannig í
veg fyrir frekari verðbólgu og efnahagslega óvissu sem
kemur illa niður bæði á heimilum og fyrirtækjum.
Auðvelt að okra
„Við höfum verið að fá svolítið af tilkynningum um verð-
hækkanir, bæði i matvöruverslunum og hjá birgjum og
framleiðendum. Það eru ýmsar vörur að hækka alldug-
lega. Mest af því eru innfluttar vörur, þó að það sé ekki
algilt,“ segir Auður Alfa jafnframt.
Í tilkynningu ASÍ í mars kom fram að nauðsynlegt
væri að beina því til söluaðila að gengislækkun ein og
sér leiði ekki sjálfkrafa til samsvarandi verðhækkana
þar sem mun fleiri þættir hafa áhrif á verðlag innfluttra
vara. Fram kom að samkeppni á markaði minnkar þar
sem verslun færist yfir á færri aðila og tækifæri neyt-
enda til að veita aðhald minnkar. Í slíkri stöðu er auð-
veldara en ella fyrir fyrirtæki að hækka verð og okra á
viðskiptavinum.
Kjötið hækkar
Auður Alfa nefnir dæmi um ónefnt fyrirtæki sem fór á
hausinn og í kjölfarið keypti annað fyrirtæki lagerinn,
hækkaði verðið á vörunum og kenndi gengisfallinu um.
Auður Alfa nefnir líka dæmi um nýlegar hækkanir á
íslenskri kjötvöru. „Einhverjir tala um að hækkanir á
kjöti séu tilkomnar vegna þess að það séu framleiðslu-
vörur sem þarf að panta að utan og hafa hækkað í verði,
svo tala einhverjir um að það þurfi að breyta skipulagi
í tengslum við fjarlægðartakmarkanir og þess háttar,
og einhverjir nefna launakostnað.“ Auður Alfa tekur
fram að hjá mörgum íslenskum framleiðendum hafi verð
staðið í stað, sem sé jákvætt.
Auður bendir jafnframt á að þó svo að gengi krón-
unnar hafi veikst séu aðrir þættir sem spila inn í verðlag
hér á landi. „Heimsmarkaðsverð á olíu hefur lækkað
gríðarlega og lækkun á hráolíuverði hefur áhrif á verð
matvöru. En samt erum við ekki að sjá þessar lækkanir
koma fram að fullu hér á landi.“
MYND/AÐSEND
Auður Alfa nefnir dæmi
um ónefnt fyrirtæki sem
fór á hausinn og í kjölfarið
keypti annað fyrirtæki
lagerinn, hækkaði verðið á
vörunum og kenndi gengis-
fallinu um.