Dagblaðið Vísir - DV - 15.05.2020, Blaðsíða 30

30 STJÖRNUFRÉTTIR 15. MAÍ 2020 DV
ÞEGAR KEMUR AÐ ÞRIFUM
STÍFLAÐAR PÍPULAGNIR
Skelltu fjórum Alka-Seltzer töflum
í niðurfallið ásamt einum bolla af
ediki. Skolaðu með heitu vatni tíu
mínútum síðar.
BLAUTIR SKÓR
Komstu hundblaut (ur) inn úr
óvæntri rigningu og uppáhalds-
skórnir þínir eru gegnsósa? Ekki
örvænta. Ef þú fyllir þá af dag-
blöðum draga þau bleytuna í sig
og skórnir þorna mun fyrr en ella.
BRUNABLETTIR Í
POTTUM OG PÖNNUM
Settu vatn í botninn á pottinum/
pönnunni og bættu við einum bolla
af ediki. Lát tu blönduna malla
á hellunni í nokkrar mínútur og
bættu svo við tveimur matskeiðum
af matarsóda. Láttu malla með í
nokkrar mínútur til viðbótar.
Að því loknu skaltu hella
úr pottinum/pönnunni og
nudda það sem eftir er með
grófum svampi.
FITUBLETTIR
Eru fitublettir fastir á veggjunum?
Eða kannski í uppáhaldsflíkinni
þinni? Ef þú krítar yfir blettina
með hvítri krít og bíður í nokkrar
mínútur ættir þú að geta þurrkað
fitublettinn auðveldlega af. Hreinol
er einnig dúndurgóður bletta-
eyðir á fitubletti. Hellið
sápunni á blettinn og
nuddið vel. Látið bíða
í klukkutíma áður en þið
þvoið það úr.
EKKI GERA ÞETTA
…GEYMA TÓMATSÓSU Í ÍSSKÁP
Ef þú geymir tómatsósuna inni
í ísskáp í von um að hún endist
lengur ertu að taka óþarfa pláss í
ísskápnum. Vegna sýrunnar í tóm-
ötunum og edikinu helst tómat-
sósan fersk við stofuhita.
Sparaðu plássið og
geymdu hana
í e l d h ú s -
skápnum.
…ÞVO GALLABUXURNAR
Forstjóri Levi Strauss fyrirtækis-
ins, Chip Bergh, segir að það eigi
ekki að þvo gallabuxur. Hann
segir að það sé skelfileg hugmynd
og notar sjálfur tannbursta til að
hreinsa bletti af buxunum sínum.
Samkvæmt honum þurfa góðar
gallabuxur aðeins að fara ör-
sjaldan í þvottavélina. Rökin fyrir
þessu eru að þvottur í vél skemmi
gallaefnið og sé þar að auki sóun
á vatni.
Hugguleg húsráð
lekkera liðsins!
Góð húsráð auðvelda fólki daglegt amstur. Þjóð-
þekktir, lekkerir Íslendingar deila hér leyndarmálum
sínum á bak við ilmandi og skínandi heimili.
EVA RUZA MILJEVIC
EKKI STÍFLA VASKINN MEÐ KERTAVAXI
Áhrifavaldurinn og gleðisprengjan
Eva Ruza Miljevic stefnir á að
hætta að stífla vaskinn. „Ef þið
hafið fengið kerti í fallegu kerta-
glasi eða krús sem þið viljið endur-
nýta, þá er hægt að losa restina af
vaxinu (eftir brennslu) upp úr glas-
inu ÁN þess að henda því í vaskinn
og láta sjóðandi heitt vatn renna
í kertaglasið. Það er gríðarlega
óvinsæl athöfn á mínu heimili þegar
eiginmaðurinn sér mig brasa með
heitt vatn og kertavax í eldhús-
vaskinum. Fæ iðulega að heyra að
vaxið geti stíflað vaskinn og rörin.
Ég hef samt ekki látið af þeirri iðju
þangað til núna. Hún Martha vin-
kona mín Stewart segir að maður
eigi að setja kertaglösin í frysti í
nokkra klukkutíma. Þá skreppur
vaxið saman og lítið mál verður að
poppa því út. Ég sel þetta ekki dýr-
ara en Google kenndi mér. Þið getið
þá sagt eiginmönnum sem fá kast
yfir vaxstíflu í vöskum að þakka
mér og Mörthu fyrir þetta ráð.“
ERPUR EYVINDARSON
BARA LÚÐAR NOTA SÚPUTENINGA
Eilífðarunglingurinn og rapphetjan
Erpur Eyvindarson er algjörlega
á móti sóun. „Sjóaravinir mínir
kenndu mér að frysta undanrennu/
fjörmjólk áður en hún rennur út
á dagsetningu,“ segir Erpur sem
drekkur enga aðra mjólk en undan-
rennu og fjörmjólk. Hann er einnig
lunkinn við að gera gómsætt soð.
„Ég sýð öll bein, humarskeljar og
slíkt. Ég er því alltaf með besta soð
í heimi í frystinum. Bara lúðar nota
súputeninga.“
BJÖRN INGI HRAFNSSON
RÉTT TÓNLIST OG KERTALJÓS
Björn Ingi Hrafnsson, betur þekktur
sem Björn Ingi hjá Viljanum, er
stemningsmaður. Hann segir tón-
list skipta sköpum og því sé gott
ráð að nota hana þegar ráðist er
í misspennandi verkefni. „Heim-
ilisverk eru nú ekki í neinu sér-
stöku uppáhaldi hjá mér fremur en
mörgum öðrum, en ég hef þó fundið
að mismunandi tónlist getur gert
gæfumuninn þegar sinna þarf nauð-
synlegum verkefnum á heimilinu.
Klassísk tónlist, einkum píanóverk,
eru þannig kjörin til að skapa rólega
stemningu og róa börnin og mig
eftir annasaman dag en að sama
skapi virkar vel fyrir mig að setja á
hressandi tónlist þegar ganga þarf
frá í eldhúsinu, brjóta saman þvott
eða fá börnin með í sameiginlega til-
tekt. Þá verður stemning sem yfir-
skyggir leiðindin yfir skylduverkum
og allt verður einhvern veginn miklu
auðveldara í framkvæmd.
Þetta á líka við um matargerð.
Þegar ég vil gera vel við mitt fólk
í eldhúsinu vel ég að sinna elda-
mennskunni undir tónlist sem hæfir
matseðlinum. Ítalskar aríur með
pasta, latínó-tónlist með mexí-
kóskum mat og svo framvegis. Þetta
virkar vel og framkallar rétta stemn-
ingu og kemur öllum í gott skap.
Í skammdeginu er nauðsynlegt
að kveikja á kertum til að fullkomna
dæmið og draga úr lýsingu eins og
kostur er. Það er fátt betra en kerta-
ljós og lampar; ég er ekki maðurinn
sem kveikir á öllum nálægum flúor-
ljósum. Slíkt er gott á sjúkrahúsum,
en passar síður á heimilum þar sem
hlýja og notalegheit eiga að vera
aðalsmerkið,“ segir Björn Ingi.
STEINEY SKÚLADÓTTIR
BÝÐUR FÓLKI Í MAT TIL AÐ TAKA TIL
Spunaleikarinn og dagskrárgerð-
arkonan Steiney Skúladóttir er
aldrei leiðinleg eða fyrirsjáanleg.
Þegar henni finnst nóg um ruslið
heima hjá sér býður hún fólki í mat.
„Þegar það er mikið drasl heima
finnst mér best að bjóða fólki í mat
því þá neyðist ég til að taka til.“
SVAVAR ÖRN
BURT MEÐ FITUNA
Svavar Örn, hárgreiðslumaður
og útvarpsstjarna í Bakaríinu á
Bylgjunni, er einn sá allra lekker-
asti. Hann þolir ekki fitubletti og
hefur fundið besta blettaeyðinn.
„Hreinol er einnig dúndurgóður
blet taeyðir á fitublet ti. Hellið
sápunni á blettinn og nuddið vel.
Látið bíða í klukkustund áður en
þið þvoið það af.“
JÓHANNES ÁSBJÖRNSSON
MEGAGOTT SNAKK
Jóhannes Ásbjörnsson athafna-
maður er enginn aumingi þegar
kemur að góðum ráðum. „Ekki
spara þegar þú kaupir ryksugu.
Keypti þráðlausa Dyson-ryksugu
um daginn. Nú er allt að því gaman
að ryksuga. Engin snúra að drösl-
ast fyrir. Annað: ekki henda harð-
fiskroði. Hentu því á efri grindina
á grillinu næst þegar þú grillar.“
BÁRA HÓLMGEIRSDÓTTIR
ILMANDI HEIMILI
Fatahönnuðurinn og smekkkonan
Bára Hólmgeirsdóttir er ákaf-
lega lekker, bæði í heimilishaldi
og hönnun. Bára rekur eina vin-
sælustu hönnunarverslun lands-
ins, Aftur. Bára er mikill ilmolíu-
unnandi en hún segist setja 2-3
dropa í ryksugupokann og þá ilmi
heimilið eftir að hafa verið ryk-
sugað. Steinliggur.
MYND/ERNIR
MYND/EYÞÓR MYND/ANTON BRINK MYND/ANTON BRINK
MYND/SIGTRYGG
U
R
A
R
I
MYND/DANÍEL RÚNARSSO
N
MYND/ERNIR