Dagblaðið Vísir - DV - 21.02.2020, Side 2

2 21. febrúar 2020FRÉTTIR
A
tli Viðar Engilbertsson,
fjöllistamaður sem
sérhæfir sig í út-
skurðarlist, skrifum og
tónlist, hefur ekki átt sjö dag-
ana sæla meirihluta ævi sinnar
sökum eineltis og þunglyndis.
Á bernskuárum lenti hann títt
í hópárásum og hefur orðið
reglulega fyrir aðkasti og minn-
ingarnar erfiðu fylgt honum
langa tíð og gera enn að hans
sögn.
„Ég fann út frá þessu fyrir
sterkri þörf fyrir tjáningu. Ég
hvarf úr vinnu sem ég var í á
þeim tíma og hentist í sköpun,
sem þá var útskurður úr mörgu.
Ástarsorg átti jafnframt stóran
þátt í þeirri þörf sem ég fékk til
að skapa og átti sinn sess í þung-
lyndinu að hluta til,“ segir Atli,
en þess má geta að verk hans
hafa verið sýnd meðal annars í
Safnasafninu, Handverkshátíð-
inni á Hrafnagili í Eyjafjarðar-
sveit og alþjóðlegri textílsýningu
á Kjarvalsstöðum.
Atli lifir á örorkubótum og hef-
ur aldrei ferðast út fyrir landstein-
ana. Hann segir þó tilveruna hafa tekið vænan fjörkipp eftir að hann
kynntist 49 ára konu að nafni Nelma Varona. Þau Atli, sem er sjálfur
58 ára, kynntust fyrir þremur árum í gegnum veraldarvefinn og hafa
haldið stöðugum samskiptum síðan og náð góðri tengingu gegnum
sameiginlegan áhuga á listsköpun. Nelma býr í San Antonio á Filipps-
eyjum og hefur sjálf aldrei ferðast út fyrir þá eyju.
Stóri draumur Atla er að safna peningum til þess að geta flutt út til
Nelmu, veitt henni aðstoð og verið með konunni sem hann telur sig
vita að sé hin eina rétta. Segir hann þetta samband hafa reynst gífur-
legur aflgjafi í listsköpun hans enda hefur hann spreytt sig mikið að
undanförnu í tónsmíðum þar sem Barry White hefur verið mikill inn-
blástur, svo dæmi sé nefnt.
Fyrrverandi engin fyrirstaða
Þegar Atli er spurður hvort um ósvikna ást sé að ræða svarar hann því
játandi umhugsunarlaust, þrátt fyrir að hann geri sér grein fyrir að
sambandið eða kringumstæður þess gætu gefið til kynna að um ein-
hvers konar svindl væri að ræða. Atli segist oft heyra sögur um fjar-
sambönd þar sem annar aðilinn reynir að kúga peninga út úr hinum,
en bætir við að raunin sé ómögulega sú í ljósi þess að Nelma biðlar til
hans um að flytja til hennar. „Margar konur þarna fyrir austan leita til
íslenskra karla til þess að komast til landsins og flýja eigin aðstæður, en
ég neita að gefast upp,“ segir Atli.
Þá hafði DV samband við Nelmu, sem segist lengi hafa beðið eftir að
fá Atla til sín og kveðst vera spennt fyrir því að hitta hann. Þó er þolin-
mæði hennar á þrotum sökum þess hversu langur tími hefur liðið frá
því að þau kynntust. „Ef honum er alvara með að koma til Filippseyja,
þá bíð ég að sjálfsögðu eftir honum,“ segir Nelma. „Biðin hefur verið
löng og erfið.“
Blaðamaður vekur þá athygli á Facebook-reikningi Nelmu, þar sem
birtar eru myndir af henni með öðrum karlmanni. Atli segist vera með-
vitaður um þetta og hann kippir sér ekki upp við það. Þegar Nelma er
spurð út í þessar myndir fullyrðir hún að ljósmyndirnar séu af henni og
fyrrverandi maka hennar. Þá bætir hún við: „Þessar myndir verða fjar-
lægðar um leið og Atli kemur.“ n
sem ættu að kynna stigin fyrir Ísland á Eurovision
Hildur Guðnadóttir
Tónskáldið sem hefur verið á
vörum margra víða um heiminn
gæti gert ýmislegt verra en
að prýða skjáinn enn á ný fyrir
hönd Íslands og þá með nýjum
vinkli. Fengi Hildur að kynna
stigin myndi það undirstrika sig-
urgöngu hennar að undanförnu
enn fremur og að
auki hve landið
okkar er lítið og
krúttlegt.
Sigga Beinteins
Það myndi koma sér vel að
láta Siggu Beinteins sviðs-
ljósið eftir á ný þegar líður
að úrslitum næstkomandi
Eurovision-keppni. Sigga hef-
ur, eins og flestir vita, húrrandi
flotta nærveru, bæði í mynd
og hljóði og myndi nostalgía
margra fara á milljón ef hún
færi á stjá sem kynnir til að
tilkynna hvað í keppninni væri
af eða á.
Vilhelm Neto
Leikarinn og grínistinn
Vilhelm Neto hefur lengi
átt þann draum að kynna
stig Íslendinga í Eurovision-
-keppninni. Hann hefur ekki
farið leynt með það að keppn-
in er hans hjartans mál og
var meira að segja stofnaður
undirskriftalisti árið 2018
til að hjálpa Vilhelm að láta
þann draum rætast að kynna
stigin.
Herbert Guðmundsson
Íslendingar myndu taka vel í það
að sjá eilífðartöffara á borð við
Hebba Guðmunds kynna stigin
fyrir Ísland. Hvers vegna? Jú,
því hér er maður sem kemur til
dyranna eins og hann klæddur.
Sólgleraugu, svört jakkaföt og
enska með góðum hreim myndi
að sjálfsögðu fylgja með þessum
kynni.
Will Ferrell
Í ljósi þess að grínarinn góðkunni
leikur Íslending í væntanlegri
kvikmynd um bjartsýni Ís-
lendinga í Eurovision-keppninni
yrði ákaflega sterkur leikur að
koma sjálfum Will Ferrell í gervi
Lars Erikssonar, persónu hans úr
myndinni, í stöðu kynnis.
Á þessum degi,
21. febrúar
1431 – Réttarhöld hófust yfir Jóhönnu
af Örk.
1933 – Bandaríska söngkonan Nina
Simone fæddist.
1945 – Þýskur kafbátur grandaði
skipinu Dettifossi. Fimmtán manns
fórust.
1965 – Bandaríski baráttumaðurinn
Malcolm X var myrtur eftir ræðuhöld á
Manhattan.
2013 – Bandarískir vísindamenn
prentuðu eyra með þrívíddarprent-
ara, kollageni og dýrafrumum.
Fleyg orð
„Ekki eyða dýrmætum tíma
í útskýringar. Fólk heyrir
aðeins það sem það vill
heyra.“
– Paulo Cohelo
Hafnar grunsemdum um svindl
„Ég neita að gefast upp“
Atli safnar fyrir stóru ástina: