Dagblaðið Vísir - DV - 27.03.2020, Blaðsíða 21

FÓKUS 2127. mars 2020
ný andlit. Vinnur samfélagið að því í sam-
einingu að framleiða nýtt og ferskt efni fyr-
ir samfélagsmiðilinn. Flestir af meðlimum
Hype House búa í samnefndu glæsihýsi í
Los Angeles, þar á meðal Charli og systir
hennar Dixie. Þær ferðast hins vegar mikið
og reyna að skipta tíma sínum jafnt á milli
Los Angeles og foreldrahúsa í Connecticut.
Það er ýmislegt sem gengur á í Hype
House og þar kynntist Charli til að mynda
Tik Tok-stjörnunni Chase Hudson, sem
gengur ávallt undir sviðsnafninu Lil-
Huddy. Amor hitti þau með örvum sín-
um og byrjuðu þau saman í lok desember
á síðasta ári. Þau leyfðu fylgjendum sín-
um að engjast um af forvitni og opinber-
uðu sambandið ekki strax. Chase er einn
af kjarnameðlimum Hype House og hafa
þau Charli birt sæg af dansmyndböndum
af sér saman. Nú er hins vegar óljóst hvort
þau séu enn ástfangin því Charli hefur gef-
ið í skyn á Twitter að sambandinu sé lokið.
Danshæfileikar Charli hafa ekki aðeins
náð að lyfta stjörnu hennar hátt á himin-
inn heldur hefur öll fjölskyldan grætt á
Tik Tok-frægðinni. Þann 15. janúar síðast-
liðinn skrifaði öll fjölskyldan undir samn-
ing hjá umboðsskrifstofunni United Talent
Agency (UTA). Fjölskyldufaðirinn Marc er
kominn með sína eigin Tik Tok-síðu og er
nú með um tvær milljónir fylgjenda. Syst-
ir Charli, Dixie, hefur einnig fetað í fótspor
litlu systur og er með 8,5 milljónir fylgj-
enda á Tik Tok. Umboðsskrifstofan mun
í framtíðinni vinna með fjölskyldunni að
alls kyns verkefnum tengdum stafrænu
efni, hlaðvörpum, bókum og sjónvarpi, svo
fátt eitt sé nefnt. Charli hefur nú þegar leik-
ið í stórri auglýsingu fyrir Sabra Hummus
og var auglýsingin sýnd fyrir úrslitaleik Of-
urskálarinnar í byrjun febrúar í fyrra. Það
er því ljóst að D‘Amelio-fjölskyldan stefnir
á heimsyfirráð, öllum foreldrum til mikill-
ar gleði, eða þannig. n
Tik Tok í hnotskurn
n 500 milljónir notenda á heimsvísu
n 90% notenda nota miðilinn daglega
n Níundi vinsælasti samfélagsmiðillinn
n Fjöldi niðurhals; tæplega 2 milljarðar
n 41% notenda eru á aldrinum 16 til 24 ára
n Meðalnotandi eyðir 52 mínútum á Tik Tok á dag
n Horft er á yfir milljarð myndbanda á degi hverjum
Fræg
fjölskylda
Charli ásamt
systur sinni og
foreldrum.
Eru ballið búið? Chase og Charli.
Ótrúleg velgengni Skjáskot
úr auglýsingu sem Charli lék í fyrir
Sabra Hummur.
Ung á uppleið Charli verður sextán ára í maí.