Fréttablaðið - 12.08.2020, Blaðsíða 8

BANDARÍKIN Samkvæmt heim-
ildum fréttastofunnar Reuters eru
Donald Trump Bandaríkjaforseti
og stjórn hans að ræða það í fullri
alvöru að meina eigin borgurum að
koma til landsins ef grunur leikur
á að þeir séu smitaðir af COVID-19.
Á þetta einnig við um þá sem eru
ekki ríkisborgarar en hafa varan-
lega búsetu í Bandaríkjunum.
Heimildarmaður Reuters er hátt-
settur embættismaður í banda-
ríska stjórnkerfinu.
Donald Trump hefur nú þegar,
síðan faraldurinn hófst, hert landa-
mæraeftirlit til muna og sett ýmsar
reglur sem takmarka rétt fólks til
að koma eða setjast að í landinu.
Meðal annars hefur fólki verið vísað
umsvifalaust frá landinu hafi það
ekki rétta pappíra en einnig hefur
fólki með rétta pappíra verið mein-
að að f lytja til landsins. Það yrði
hins vegar algjör stefnubreyting að
meina eigin borgurum að koma til
landsins enda almennt talið að ríki
beri ábyrgð á eigin þegnum og geti
ekki skikkað önnur ríki til þess að
annast þá.
Ein helsta ástæðan fyrir þess-
ari ákvörðun, verði hún að veru-
leika, er uppgangur faraldursins í
Mexíkó. Tæplega hálf milljón til-
fella hefur verið greind þar og rúm-
lega 53 þúsund manns látist vegna
veirunnar. Þetta eru langtum lægri
tölur en í Bandaríkjunum sjálfum,
en Mexíkó er það land þar sem
veiran er í hröðustum vexti í dag. Í
gær greindust rúmlega 5.500 ný til-
felli og 705 dauðsföll urðu, það lang-
mesta í heiminum.
Ein og hálf milljón manns sem
búsett er í Mexíkó hefur tvöfaldan
ríkisborgararétt, mexíkóskan og
bandarískan. Trump og stjórn hans
hafa haft áhyggjur af því að þetta
fólk flýi til Bandaríkjanna í stórum
stíl og skapi aukið álag á spítalana.
En þau fylki sem liggja að Mexíkó
hafa mörg farið illa út úr faraldr-
inum, svo sem Texas, Kalifornía og
Arizona.
Óljóst er á hvaða stigi tillagan
er í dag en samkvæmt heimildar-
manninum er þegar búið að biðja
ýmsar ríkisstofnanir að gefa álit sitt
á henni og skila fyrir þriðjudaginn
11. ágúst. Enginn ákveðinn tíma-
rammi hefur verið settur um hve-
nær þetta yrði síðan tilkynnt eða
framkvæmt.
Áætlað er að um 9 milljónir
manna utan Bandaríkjanna hafi
bandarískan ríkisborgararétt. Utan
Mexíkó búa um 700 þúsund í Ind-
landi, 600 þúsund á Filippseyjum,
300 þúsund í Þýskalandi og 200 þús-
und í Frakklandi, Bretlandi, Ísrael
og Dóminíska lýðveldinu. Um 750
Bandaríkjamenn búa hér á Íslandi.
kristinnhaukur@frettabladid.is
Trump íhugar að loka
á bandaríska þegna
Bandaríkjaforseti og stjórn hans skoða nú möguleika á að meina eigin þegn-
um og þeim sem hafa fasta búsetu í Bandaríkjunum að koma til landsins, liggi
fyrir grunur um COVID-19 smit. Hafa áhyggjur af álagi á heilbrigðiskerfið.
Bandaríkjaforseti óttast að mikill fjöldi flýi heim frá Mexíkó. MYND/AFP
9
milljónir Bandaríkjamanna
búa erlendis, þar af 750 á
Íslandi.
Staðið í röð
Íbúar í Hong Kong tóku daginn snemma í gær og stóðu margir í röð til að kaupa dagblaðið Apple Daily News. Eigandi blaðsins, Jimmy Lai, var handtekinn í fyrradag á grundvelli
umdeildra laga um þjóðaröryggi. Blaðið, sem styður lýðræðisumbætur í Hong Kong, var prentað í hálfri milljón eintaka í gær, en upplagið er vanalega hundrað þúsund. MYND/GETTY
ÍRAN Stjórnvöld í Íran hafa hand-
tekið fimm manns sem eru sakaðir
um njósnir fyrir erlend ríki. Reut-
ers fréttastofan greinir frá því að
minnst tveir einstaklinganna hafi
þegar verið dæmdir í fangelsi.
Talsmaður íranskra stjórnvalda
sagði á blaðamannafundi að einn
hinna fimm, Shahram Shirkhani,
hefði verið dæmdur í fangelsi vegna
njósna fyrir Bretland. Hann hafi
reynt að fá íranska embættismenn
til að ganga til liðs við bresku leyni-
þjónustuna MI6.
Þá var Masoud Mosaheb, varafor-
maður Vináttufélags Írans og Aust-
urríkis dæmdur í tíu ára fangelsi.
Hann var sakfelldur fyrir að hafa
deilt upplýsingum um eldflauga- og
kjarnorkuáætlanir Írans með leyni-
þjónustum Ísraels og Þýskalands.
Í yfirlýsingu frá utanríkisráðu-
neyti Austurríkis segir að unnið
verði að því að fá Mosaheb, sem
er bæði með ríkisfang í Íran og
í Austurríki, látinn lausan. Íran
viðurkennir hins vegar ekki tvöfalt
ríkisfang.
Á blaðamannafundinum voru
ekki gefnar upplýsingar um hina
þrjá einstaklingana. Þó kom fram
að handtökurnar hefðu verið gerðar
í utanríkis-, varnarmála- og orku-
málaráðuneytum landsins auk
Kjarnorkustofnunarinnar.
– sar
Fimm handteknir fyrir njósnir
Írönskum stjórnvöldum mótmælt í Berlín fyrr í sumar. MYND/GETTY
1 2 . Á G Ú S T 2 0 2 0 M I Ð V I K U D A G U R8 F R É T T I R ∙ F R É T T A B L A Ð I Ð