Dagblaðið Vísir - DV - 26.06.2020, Blaðsíða 26

26 FÓKUS 26. JÚNÍ 2020 DV
Á ferð um landið VESTFIRÐIR
Kalla mætti Vestfirði týnda
landsfjórðunginn. Þetta er eini
landshlutinn sem þjóðvegur eitt
fer alveg fram hjá og umferð er
umtalsvert minni en um aðra
landshluta. Óspillt náttúra, ein-
stök náttúruundur og fáfarnar
slóðir eru það sem laðar fólk að.
SJÁVARSMIÐJAN Í REYKHÓLASVEIT
Hjá Sjávarsmiðjunni býðst gestum að baða sig í þörungum og njóta stór-
fenglegs útsýnis yfir Breiðafjörð á meðan. Húðin drekkur í sig kraftmikil og
næringarrík efni þarans á meðan maður slappar af í heitu vatni og fersku
sveitalofti Barðastandarsýslu. Sjávarsmiðjan framleiðir einnig húðvörur
úr þörungum úr Breiðafirði. Eiga þær að mýkja húðina, auka teygjanleika
og hægja á öldrun hennar. Staðsetning Sjávarsmiðjunnar í Reykhólasveit
gerir laugarnar að hinum fullkomna áningarstað, á leiðinni áfram til Pat-
reksfjarðar.
KEYRA HRAFNSEYRARHEIÐI Í SÍÐASTA SINN
Hrafnseyrarheiðin var opnuð af Vegagerðinni eftir
vetrarlokun nú í maí, í síðasta sinn. Með opnun Dýra-
fjarðarganga í haust verður þessi gullfallegi fjallvegur
aflagður og fer því hver að verða síðastur að keyra
heiðina, sem í aldaraðir hefur skipt Vestfjörðum í
norður- og suðurfirði. Opnun hennar er því vorboði
fyrir vestan, og fagnaðarefni þegar Vegagerðinni
tekst að stinga í gegn. Vegurinn yfir heiðina liggur frá
Hrafnseyri, fæðingarstað Jóns Sigurðssonar, og yfir
til Brekkudals við Þingeyri í Dýrafirði. Vegurinn er víða
brattur og krókóttur og lofthræddum hollast að loka
augunum á köflum. Sagt er að heimamenn muni sakna
vorboðans – en ekki vegarins.
SJÓSTÖNG OG HVALASKOÐUN
Vestfirðir eru hinn fullkomni
vettvangur til að láta reyna á
sjómennsku. Ýmis ferðaþjón-
ustu fyrir tæki í þorpum á sunnan-
verðum Vestfjörðum bjóða upp á
ferðir á sjóstöng og í hvalaskoð-
unar. Dýpt Arnarfjarðar, Tálkna-
fjarðar og Patreksfjarðar hentar
vel í slíka starfsemi, því stutt er
að fara á nægilegt dýpi til að sjá
hvali og næla sér í þorsk í Insta-
gram-klassa. Beffa Tours á Bíldu-
dal er eitt fyrirtækjanna, en þau
bjóða upp á daglegar ferðir á sjó
í hvalaskoðun og sjóstangveiði-
ferðir samkvæmt samkomulagi.
RAUÐISANDUR
Meðfram 10 kílómetra strand-
lengju liggur rauðleit sandströnd
sem kölluð er Rauðisandur. Litur-
inn sveiflast úr gulum í rauðan
með breyttum birtuskilyrðum, og
kemur sennilega til af brotnum
hörpudisksskeljum. Frá Patreks-
firði er aðeins um hálftíma akstur
að Rauðasandi, um nokkuð bratt-
an veg. Útsýnið er yfir til Snæ-
fellsness á góðum degi og út til
Látrabjargs. Á sandinum er rekið
franskt kaffihús og er það nauð-
synleg viðbót við fallega náttúru,
að stoppa í franska súkkulaðiköku
á kaffihúsinu.
MYND/PJETUR
MYND/FACEBOOK
MYND/VEGAGERDIN.IS
MYND/BEFFATOURS.IS MYND/WIKICOMMONS
HEITAR LAUGAR Í TÁLKNAFIRÐI
Tálknafjörður er eitt fárra sveitarfélaga Vestfjarða með
nægjanlegan jarðhita til að kynda húsin í bænum, sund-
laug og „Pollinn“. Pollurinn er náttúrulaug í Sveins-
eyrarhlíðum, rétt utan þorpsins Tálknafjarðar. Nafnið
er kannski ekki beint lýsandi, en laugin samanstendur
af fjórum steyptum laugum. Nafnið stafar auðvitað af
því að fyrst um sinn voru reistir steingarðar sem stífl-
uðu rennsli heitrar uppsprettu, svo að úr varð pollur.
Hvernig sem því líður, er Pollurinn án efa einn fallegasti
sundstaður landsins. Pollurinn í Tálknafirði heldur úti
síðu á Facebook, þar sem hægt er að kynna sér stöðu
sundlaugamála í Tálknafirði.
LÁTRABJARG
Látrabjarg er án efa einn fallegasti staður landsins.
Bjargið er gríðarstórt fuglabjarg og er alfriðað. Látra-
bjarg er stærsta sjávarbjarg Evrópu. Jafnframt er það
vestasti punktur álfunnar og elsti hluti Íslands. Þar má
gera ráð fyrir að sjá álkur, sem hvergi eru fleiri í heimin-
um, langvíur, stuttnefjur, fýla og mikið af lunda. Leitun
er því að betri stað fyrir fuglaskoðun. Vegurinn frá Pat-
reksfirði að Látrabjargi er jafnframt þrælskemmtilegur
og liggur hann frá Mikladal í Patreksfirði og fram hjá
Breiðavík og Breiðavíkurkirkju. Í Breiðavík er jafnframt
rekið hótel sem opið er allt árið.
DYNJANDI
Í Dynjandisvogi inn af Arnarfirði leynist Dynjandi og
er af mörgum talinn fallegastur fossa Íslands. Foss-
inn er stærsti foss Vestfjarða og er í ánni Dynjandisá.
Fossinn fellur niður 100 metra, í þó nokkuð mörgum
þrepum, sem verða til við lagskiptingu bergsins í hraun-
lög. Fossinn gengur stundum undir nafninu Fjallfoss og
hét eitt skipa Eimskipafélagsins eitt sinn því nafni, eftir
Dynjanda, þó Fjallfoss sé reyndar rangnefni. Fossinn
er mjög aðgengilegur, en veglegt bílastæði er við hann
og við það stendur tjaldsvæði og myndarleg salern-
isaðstaða. Aðeins eru um 60 kílómetrar til Bíldudals
frá fossinum.
MYND/FACEBOOKMYND/WESTFJORDS.IS
MYND/WIKICOMMONS