Dagblaðið Vísir - DV - 07.08.2020, Blaðsíða 16

7. ÁGÚST 2020 DV16 EYJAN
FATAFÁR Á ALÞINGI
Þingmenn eru ekki alltaf boðnir og búnir að fara
eftir íhaldssömum hefðum Alþingis um formlegan
klæðaburð og hafa þá hlotið skammir fyrir óþekkt.
HEITFENGUR PÍRATI
Þingmaður Pírata Björn Leví
Gunnarsson er heitfengur maður.
Finnst honum því vont að verða
að klæðast jakka tímunum saman
á meðan þingfundur stendur yfir.
Í maí síðastliðnum hnýtti þing­
maður Miðflokksins Þorsteinn
Sæmundsson í Píratann og gagn­
rýndi fyrir að vera á skyrtunni
einni á þingfundi. Gerði forseti Al­
þingis í kjölfarið athugasemd við
jakkaleysið og upphófust hálftíma
umræður um klæðaburð á Alþingi.
Þetta er ekki í fyrsta sinn sem
klæðaburður Björns við þingstörf
sætir gagnrýni en hann er alfarið
mótfallinn því að þurfa að vera
í skóm á Alþingi og hefur Björn
borið því við að úr því hann sé
skikkaður til að vera í jakka, þá
fari hann bara úr skónum til að
kafna ekki úr hita.
BERBRJÓSTA Á ALÞINGI
Gjörningahópur fékk árið 2018
leyfi til að taka ljósmyndir af ber­
brjósta konum inni í þinghúsinu.
Um var að ræða listgjörning á
Listahátíð Reykjavíkur. Sigmundur
Davíð Gunnlaugsson, formaður
Miðflokksins, óskaði í kjölfarið
eftir svörum frá Steingrími J. Sig­
fússyni, forseta Alþingis, um hvort
þetta markaði tímamót í reglum
um klæðaburð alþingismanna.
Steingrímur hafnaði því og benti
á að klæðaburður þingmanna og
gjörningur í tengslum við Lista­
hátíð væri tvennt ólíkt.
LEÐURJAKKINN ÓVELKOMINN
Halldór Ásgrímsson mætti eitt
sinn á Alþingi, snemma á ferli sín­
um, í forláta leðurjakka sem hann
taldi hina bestu flík. Flokksbróðir
hans og nafni Halldór E. Sigurðs­
son var þó fljótur að að benda á að
þarna væri um mikið þingmanna­
stílbrot að ræða, leðurjakkar væru
ekki samboðnir Alþingi.
BINDISLAUSIR
Hlynur Hallsson, sem sat á þingi
fyrir Vinstri græn,mætti bindis­
laus í ræðustól árið 2005. Þá­
verandi forseti Alþingis, Sólveig
Pétursdóttir, bað hann vinsam­
legast um að bæta úr því og setja
upp bindi. Árið 2009 var síðan
bindisskylda þingmanna afnumin.
ÞJÓÐARGERSEMI ÚTHÝST
Góð íslensk lopapeysa er gulls ígildi – sérstaklega á veturna. En þó ekki á Alþingi. Í köldum desember árið 2012
freistuðu nokkrir þingmenn þess að mæta í þingsal í lopapeysu. Það voru þau Oddný Harðardóttir, Árni Johnsen
og Katrín Jakobsdóttir – þáverandi ráðherra. Ekki lagðist það vel í forseta Alþingis sem gerði þremenningunum
það ljóst að innan veggja Alþingis væri lopapeysan ekki æskilegur gestur. Að minnsta kosti ekki við þingstörf.
STÓRA KJÓLAMÁLIÐ
Björt Ólafsdóttir var umhverfis­ og auðlindaráðherra árið 2017. Hún tók
þátt í myndatöku í þingsal Alþingis þar sem hún klæddist kjól frá fyrirtæki
sem vinkona hennar starfaði sem listrænn stjórnandi hjá. Var myndin í
kjölfarið notuð í markaðssetningu á samfélagsmiðlum. Björt baðst í kjöl­
farið afsökunar og sagðist hafa gerst sek um dómgreindarbrest. Þarna var
þó ekki um brot á stífum viðmiðum Alþingis um klæðaburð þingmanna að
ræða, enda stóð þarna ekki yfir þingfundur. Engu að síður þótti mörgum
Alþingi vanvirt við athæfið auk þess sem hefði Björt brotið gegn reglum
um bann við töku mynda til einkanota í þingsal.
BLÁAR GALLABUXUR
Elín Hirst, þáverandi þingkona Sjálfstæðisflokksins, var send heim af þingi í
júlí 2013 fyrir að klæðast buxum sem líktust gallabuxum. Elín varð við því að
skipta um buxur í umrætt sinn en hélt síðar ræðu á Alþingi þar sem hún varði
heiður gallabuxna. Þar gagnrýndi hún fordóma gegn bláum gallabuxum,
en þingmenn gætu klæðst gallabuxum af öðrum litum, svo sem svörtum,
rauðum og grænum, en ekki bláum því sá litur hefði sögulega verið tengdur
við verkamenn og kúreka og gætu buxurnar því ekki talist nægilega fínar.
Þingkona situr fyrir – Björt játaði á sig dómgreindarbrest í stóra
kjólamálinu. MYND/INSTAGRAM, MYND/PINTREST
Þjóðleg – Þó að lopapeysan sé þjóðleg, þá á hún ekki heima á Alþingi. MYNDIR/ALÞINGI
Furðulostinn – Sigmundur
furðaði sig á fáklæddum konum
í þinghúsinu. MYND/DV
Sokkalabbi – Björn tekur ekki í
mál að klæðast bæði skóm og
jakka. MYND/HANNA
Leðurtöffari – Halldór varð
að brúka leðurjakkann utan
þingstarfa. MYND/ALÞINGI
Mismunun buxna – Elín taldi það ósanngjarnt að mismuna
gallabuxum á grundvelli litar. MYND/DV
Bindin óþægileg – Hlyni þótti
miður að þurfa að vera með
bindi á Alþingi. MYND/AUÐUNN