Morgunblaðið - 14.02.2020, Qupperneq 4
4 FRÉTTIRInnlent
MORGUNBLAÐIÐ FÖSTUDAGUR 14. FEBRÚAR 2020
PFAFF • Grensásvegi 13 • Sími: 414 0400 • www.pfaff.is
FaGfÓLk Í
SaUmAvÉLuM
Guðni Einarsson
gudni@mbl.is
Veðurstofa Íslands gaf út rauða
viðvörun vegna veðurs á höfuð-
borgarsvæðinu, Suðurlandi, Faxa-
flóa og Suðausturlandi í dag. Ann-
ars staðar er rauðgul viðvörun.
Ríkislögreglustjóri lýsti yfir óvissu-
stigi almannavarna fyrir allt landið.
Ákvörðun um það var tekin í sam-
ráði við alla lögreglustjóra og í
samræmi við veðurspá Veðurstof-
unnar.
Spáð var austan illviðri í nótt og í
dag með slyddu eða snjókomu í
flestum landshlutum. Fárviðri gæti
orðið með morgninum í vind-
strengjum á suðurhelmingi lands-
ins. Fólki er bent á að fylgjast vel
með tilkynningum frá yfirvöldum.
Veðrið á að snúast í sunnan
hvassviðri sunnan til á landinu síð-
degis í dag með rigningu á láglendi
og 1-5 stiga hita. Áfram verður rok
og ofankoma um landið norðanvert.
Talsvert lægir í kvöld og dregur úr
úrkomu.
Landspítalinn bjóst við því að
veðrið ylli truflunum á reglulegri
starfsemi. Starfsfólk á deildum með
sólarhringsstarfsemi var beðið að
mæta til vinnu kl. 05.00 og leysa þá
næturvaktarstarfsfólk af, eftir at-
vikum. Gert var ráð fyrir því að
þeir sem ekki þyrftu nauðsynlega
að koma til starfa í morgun sinntu
störfum sínum heima og/eða biðu
eftir því að veðrið lægði.
Samgöngur raskast mikið
Vegagerðin lýsti yfir óvissustigi
og reiknaði með að þurfa að loka
mörgum þjóðvegum í nótt og mis-
lengi eftir því hvernig veðrið gengi
yfir landið. Nánari og uppfærðar
upplýsingar má sjá á vefnum vega-
gerdin.is, á Facebook-síðu Vega-
gerðarinnar eða á Twitter.
Átta þúsund farþegar áttu bókað
flug með Icelandair í dag. Félagið
aflýsti 22 brottförum til og frá Evr-
ópu vegna veðurspárinnar. Reiknað
var með því í gær að flug til og frá
Bandaríkjunum og Kanada yrði á
áætlun. Í gær var búið að endurbóka
nánast alla farþega sem áttu flug
sem felld voru niður. Þeir fengu far
með átta aukaferðum í gær og með
öðrum ferðum næstu daga.
Air Iceland Connect og Flugfélag-
ið Ernir aflýstu öllu innanlandsflugi
í dag. Hjá Air Iceland Connect var
um meira en 20 flugleggi að ræða.
Reiknað er með að flug verði sam-
kvæmt áætlun á morgun.
Líklegt var talið að mikil röskun
yrði á þjónustu Strætó á lands-
byggðinni. Eins þótti líklegt að
akstursþjónusta fatlaðs fólks og
aldraðra raskaðist fyrir hádegið í
dag, en mikil slysahætta kann að
myndast við hleðslu bíla með hjóla-
stólum og stoðtækjum fólks sem á
erfitt með gang.
Þá var ferðum Strætó á höfuð-
borgarsvæðinu nú í morgun aflýst
en gert ráð fyrir frekari upplýsing-
um milli klukkan 10 og 11.
Skipstjórar Herjólfs ákváðu að
fella niður ferðir skipsins í dag.
Ákvörðunin var tekin með öryggi
farþega og áhafnar í huga.
Röskun á skólahaldi
Kennsla fellur niður í öllum
grunnskólum og leikskólum
Reykjavíkur í dag. Háskóli Ís-
lands, Háskólinn í Reykjavík, MR,
Kvennaskólinn, MH, MK og Verzl-
unarskólinn felldu sömuleiðis nið-
ur skólahald. Framhaldsskólinn í
Vestmannaeyjum verður opnaður
kl. 12.30 í dag.
Reykjanesbær beindi því til for-
eldra og forráðamanna barna að
fylgjast vel með veðurspám og
haga sér í samræmi við aðstæður.
Þeir eiga sjálfir að meta hvort
fylgja þurfi barni í og úr skóla,
þótt engin tilkynning hafi borist
frá yfirvöldum. Meti foreldrar að-
stæður svo að ekki sé óhætt fyrir
börnin að sækja skóla eiga þeir að
tilkynna skólanum það og verður
litið á slíkt sem eðlileg forföll.
Rafmagnstruflanir líklegar
Neyðarstjórn Landsnets ákvað í
gærmorgun að lýsa yfir óvissustigi
vegna slæmrar veðurspár. „Allar
viðbragðsáætlanir hafa verið virkj-
aðar en hætta er á margháttuðum
truflunum í flutningskerfinu vegna
aftaka vinds af austri, þar sem ísing
og selta geta einnig komið við
sögu,“ sagði í tilkynningu frá
Landsneti.
Búið var að greina hvaða svæði,
línur og tengivirki væru í mestri
hættu. Í gær færði Landsnet til
mannskap, mannaði ákveðin svæði
og hafði samband við viðskiptavini
og viðbragðsaðila. Talin var hætta
á að truflanir yrðu á Suður-, Suð-
austur- og Vesturlandi frá því
snemma í morgun og fram yfir há-
degið. Undir hádegi verður mikið
vindálag á línum á Norður- og
Austurlandi og á Vestfjörðum.
RARIK var einnig í viðbragðs-
stöðu. Send verða SMS-skilaboð til
þeirra viðskiptavina sem verða raf-
magnslausir. Hægt verður að fylgj-
ast með stöðu mála í rafdreifikerf-
inu á forsíðu rarik.is.
Fólk gæti að lausum munum
Tryggingafélög vöruðu viðskipta-
vini sína við því að vera á ferðinni,
sérstaklega á Suðurlandi, Suður-
nesjum, í efri byggðum höfuð-
borgarsvæðisins og í Borgarfirði,
Húnaþingi og Skagafirði.
Þá var fólk hvatt til að festa
lausa muni, loka vel gluggum og
hurðum og hreinsa frá niðurföllum.
Þegar veðrið geisar þarf að passa
útihurðir þegar dyr eru opnaðar.
Einnig að leggja bílum upp í vind-
inn og halda í bílhurðirnar og að
leiða börnin. Bændur og eigendur
fyrirtækja voru beðnir að huga sér-
staklega að útihúsum og að ganga
vel frá stórum innkeyrsludyrum.
Reykjavíkurborg bað fólk um að
ganga vel frá sorptunnum fyrir
óveðrið.
Austan illviðri spáð í dag
Rauð viðvörun vegna veðurs á höfuðborgarsvæðinu, Suðurlandi, Faxaflóa og Suðausturlandi App-
elsínugul viðvörun annars staðar á landinu Skólahald fellur víða niður Viðbúnaður vegna veðursins
Lokanir vega og áætlun Vegagerðar um opnun**Vindhraði og úrkoma á landinu í dag kl. 9*
Vindhraði í m/s í 10 m hæð
*Skv spá frá því kl. 20.00 í gær
Heimild: Windy.com
Vegkafl i (vegnúmer) Lokað til kl.
SV-land
Hellisheiði (1), Þrengsli (39)
og Sandskeið (1)
14.00
Mosfellsheiði (36) 15.00
Lyngdalsheiði (365) 13.00
Kjalarnes (1) 15.00
Reykjanesbraut (41) 12.00
Grindavíkurvegur (43) 12.00
Suðurstrandavegur 13.00
Vesturland
Hafnarfjall (1) 15.00
Brattabrekka (60) 16.00
Vatnaleið (56) Óljóst
Vestfi rðir í fyrramálið kl.
Steingrímsfjarðarheiði (61) 07.00
Þröskuldar (61) 07.00
Hálfdán og Miklidalur (63) 06.00
Gemlufallsheiði (60) 06.00
Vegkafl i (vegnúmer) Lokað til kl.
NV-land
Holtavörðuheiði (1) Óljóst
Vatnsskarð (1) í fyrramálið kl. 07.00
Þverárfjall (744) Óljóst
Siglufjarðarvegur (76) Óljóst
NA-land í fyrramálið kl.
Öxnadalsheiði (1) 08.00
Austurland
Fjarðarheiði (93) í fyrramálið kl. 08.00
Fagridalur (1) 16.00
Mývatns- og Möðrudals-
öræfi (1) í fyrramálið kl. 09.00
SA-land
Vík - Hornafjörður (1) 14.00
Suðurland
Hvolsvöllur - Vík (1) 14.00
Allt innanlands-
fl ug fellur niður
Icelandair fellir niður 22
ferðir til og frá Evrópu í dag
Herjólfur
siglir ekki
Útlit fyrir röskun
á ferðum Strætó **Uppfært kl. 18.00 í gær
Faxaflóahafnir viðhöfðu hefðbund-
inn viðbúnað vegna slæmrar spár, að
sögn Gísla Gíslasonar hafnarstjóra.
Allir bátaeigendur fengu SMS þar
sem þeir voru hvattir til að huga að
bátum sínum. Þá voru bátar færðir
úr Suðurbugt í gömlu höfninni.
Menn treystu landfestar og munu
vakta vel báta sína og skip. Suð-
austanátt, eins og spáð er, stendur
inn í gömlu höfnina og eins Akranes-
höfn. Einhver skip frestuðu brottför
og lágu m.a. við Vogabakka og
mögulega einnig Grundartanga.
Í Grindavíkurhöfn voru menn að
búa sig undir óveðrið, að sögn Sig-
urðar Kristmundssonar hafn-
arstjóra. Hann sagði að verið væri að
koma körum og öðru lauslegu í skjól.
Eins var verið að treysta landfestar.
Austlæg átt eins og spáð var í dag
er ekki sú versta í höfninni. Í kvöld á
vindurinn að snúast í sunnanátt og
þá stendur hann beint upp á garðana
og innsiglinguna. Nokkrir bátar
voru við bryggju í gær og var von á
einum til viðbótar. Reynt var að hafa
þá við þær bryggjur sem best hent-
uðu miðað við spána.
Hjörtur Jónsson, hafnarstjóri í
Þorlákshöfn, sagði að vel væri fylgst
með veðrinu og veitti ekki af. Honum
sýndist þó að laugardagslægðin gæti
valdið meiri hættu en veðrið í dag.
„Vindáttin verður suðaustlægari og
svo á loftþrýstingurinn að fara niður
í 916 millibör, efir því sem ég sá á
korti. Það þýðir að áhlaðandi verður
mikill og gæti orðið hátt í metra,“
sagði Hjörtur. Þótt það sé minnk-
andi straumur verður samt hátt í á
flóðinu.
Margir bátar voru í Þorlákshöfn í
gær og verða þeir vaktaðir. Vöru-
ferjan Mykines stoppaði í Færeyjum
til að bíða af sér veðrið og sleppir Ís-
landi í þessari viku. Von er á flutn-
ingaskipinu Akranesi á mánudaginn.
Treystu land-
festar bátanna
Mikill viðbúnaður í höfnunum
Morgunblaðið/Eggert
Undirbúningur Sigurjón Sigurðsson
treysti festarnar á bátnum Sædísi.