Fréttablaðið - 24.10.2020, Blaðsíða 68

Kristín býr með Helga syni sínum, kettinum Skottu og hundinum Arabíu, í
Vesturbænum. Snædís dóttir
hennar er nýf lutt til London í
nám. „Það hefur auðvitað mikil
áhrif á fjölskyldulífið, þar sem
við höfum alltaf verið mjög
samrýmd öll þrjú. Sérstaklega
eru það góðar fjölskyldustundir
þegar ég er að dunda mér í eld-
húsinu og þau sitja á móti mér við
eldhúseyjuna, stundum að elda
með mér en stundum að sinna
sínu. Eftir að Snædís fór út höfum
við haldið þeim sið með því að
nota myndsímtöl. Þá getum við
spjallað saman þegar ég elda og
yfir kvöldmatnum. Mér finnst
svakalega gott og afslappandi að
leika mér í eldhúsinu og nýt þess
að koma heim eftir vinnudaginn á
LEX lögmannsstofu og elda,“ segir
Kristín.
„Ég hef voða gaman af því að
elda súpur á haustin þegar það
fer að kólna í veðri og baka brauð.
Finnst það eitthvað svo hlýlegt og
tilheyrandi.“
Ertu til í að deila með okkur
þínum uppáhaldshaustréttum?
„Mér finnst tilheyrandi að elda
rótargrænmeti á haustin, sér-
staklega þegar maður fær glænýtt
íslenskt grænmeti. Grunnurinn
að súpunni eru gulrætur, kart-
öf lur og rófur. Ég er með lítinn
matjurtagarð bak við hús. Ég
rækta þar grænkál, salat, spínat,
rabarbara, skessujurt og krydd-
jurtir. Svo rækta ég graslauk og
jarðarber á svölunum. Grænkál-
spestóið er einmitt úr heimarækt-
uðu grænkáli og rjómaosturinn
er kryddaður með graslauk
af svölunum. Heimabökuðu
beyglurnar eru svo algjört sælgæti
með rjómaostinum.“
Haustsúpa úr íslenskri
uppskeru
Uppskriftin er stór og venju-
lega frysti ég hluta í nokkrum
skömmtum.
2 blaðlaukar
4 gulrætur
2 kúrbítar
2 eggaldin
2 bufftómatar
2 kartöflur
1 rófa
4 ½ bolli af grænmetis- eða kjúkl-
ingasoði
2 msk. ólífuolía
2 msk. fersk basilíka
2 msk. sítrónusafi
Salt og pipar
Skerið laukinn smátt, annað græn-
meti í grófa bita og setjið í ofnskúffu.
Blandið saman ólífuolíu og vel af
salti og pipar og nuddið á græn-
metið. Hellið um hálfum bolla af
soðinu yfir. Bakið í ofni við 200°C í
40 mínútur en fylgist með og snúið
við svo grænmetið bakist jafnt.
Maukið grænmetið í blandara, í
nokkrum skömmtum, með hluta af
kjúklingasoðinu og setjið í stóran
pott. Bætið afganginum af kjúkl-
ingasoðinu út í pottinn ásamt smátt
skorinni ferskri basilíku og sítrónu-
safa. Þynnið með vatni ef súpan er of
þykk. Kryddið eftir smekk. Gott er
að toppa súpuna á disknum með 1
msk. af rauðu pestói.
Rautt pestó
½ bolli af góðum, sólþurrkuðum
tómötum
2 msk. ólífuolía
2 msk. furuhnetur
2 msk. fersk basilíka
salt og pipar
Allt sett í blandara og maukað þar
til góðri áferð er náð.
Grænkálspestó
12 grænkálsblöð, stilkur skorinn
frá.
1/3 bolli pistasíuhnetukjarnar
1 hvítlauksrif
2-3 msk. ólífuolía
50 g parmesan
Setjið grænkálið í sjóðandi vatn
og látið sjóða í 30 sekúndur. Kálið
verður svo fallega grænt við suð-
una. Kælið grænkálið og kreistið
vatnið frá. Allt sett í blandara og
maukað þar til góðri áferð er náð.
Rjómaostur með
ferskum kryddjurtum
1 l nýmjólk
2 msk. sítrónusafi
Salt
Ferskar kryddjurtir
Hitið mjólkina að suðu, lækkið
hitann, bætið sítrónusafa út í og
hrærið stöðugt í. Eftir stutta stund
fer mjólkin að skilja sig. Takið af
hitanum og kælið. Leggið fína
grisju eða eldhúspappír yfir sigti
og setjið sigtið yfir skál. Hellið
blöndunni í og látið standa í 30-60
mínútur. Setjið ostinn í skál og
kryddið hann með salti og ferskum
kryddjurtum. Ef osturinn er korn-
óttur, þegar hann kemur úr sigtinu,
má skella honum í matvinnsluvél
áður en hann er kryddaður.
Beyglur – ótrúlega
einföld uppskrift
2 tsk. þurrger
½ tsk. sykur
½ bolli vatn
1 og 2/3 bolli hveiti
½ tsk. salt
1 msk. sykur
2 msk. mjúkt smjör
1 tsk. matarsódi
1 egg
fræ að eigin vali
Hitið ofninn í 200°C. Blandið geri,
sykri og vatni saman. Látið standa
í stutta stund. Setjið öll þurrefnin
í skál, blandið gerblöndunni og
smjörinu við og hnoðið vel. Bætið
við smá hveiti ef deigið er of
blautt. Látið hefast í 40 mínútur.
Skiptið deiginu í sex jafna bita.
Mótið hringi úr hverjum bita,
ég geri fyrst kúlu og svo gat með
fingrinum. Látið hefast aftur í 15
mínútur.
Sjóðið vatn og látið 1 tsk. af
matarsóda út í. Notið gataspaða
og dýfið einni beyglu í einu ofan í
sjóðandi vatnið í um 15 sekúndur.
Penslið beyglurnar með eggi og
toppið með fræjum. Færið yfir
á bökunarplötu og bakið í 15
mínútur.
Hin fullkomna haustsúpa
Haustið er tími uppskerunnar og margir eiga sína uppáhaldsrétti sem tengjast þessari árstíð.
Kristín Edwald, hæstaréttarlögmaður og matgæðingur, nýtur sín best heima í eldhúsinu.
Kristín Edwald hefur ástríðu fyrir
matargerð og býður hér mjög girni-
legar uppskriftir. FRÉTTABLAÐIÐ/VALLI
Haustsúpa sem er stútfull af víta-
mínum og með alls konar grænmeti.
Kristín bakar
þessar beyglur
og gefur hér
mjög auðvelda
uppskrift.
Pestó er alltaf í uppáhaldi, til dæmis
með beyglunum.
Sjöfn
Þórðardóttir
Matarást
Sjafnar
Fiskislóð 30
101 Reykjavík
561 4110
Grjóthálsi 10
110 Reykjavík
561 4210
Njarðarbraut 9
260 Reykjanesbæ
420 3333
Njarðarnesi 1
603 Akureyri
460 4350
Lyngási 8
210 Garðabæ
565 8600
Breiðhöfði 13
110 Reykjavík
590 2080
Sjáðu úrvalið á
nesdekk.is
B
irt m
eð
fyrirvara um
m
ynd
a- o
g
textab
reng
l.
Skoðaðu nýju heimasíðuna
okkar á nesdekk.is
Þar getur þú fundið réttu dekkin sem henta þér best
og gengið frá kaupunum.
POWER IS NOTHING WITHOUT CONTROL
Toyo Pirelli Nankang InterstateLaufen Maxxis Mastercraft
6 KYNNINGARBLAÐ FÓLK 2 4 . O K TÓ B E R 2 0 2 0 L AU G A R DAG U R