Fréttablaðið - 05.12.2020, Page 12

MENNING Jólakettir úr notuðum
barnafötum prýða þessa dagana
glugga Rammagerðarinnar á Skóla-
vörðustíg. Auður Gná Ingvarsdóttir
hjá Rammagerðinni segir að til
standi að gera jólakettina að árleg-
um safngrip, ekki ósvipað og hina
frægu jólaóróa frá Georg Jensen.
„Það er verið að taka inn mikið af
hönnun og breyta áherslum mjög
mikið. Úr minjagripum og yfir í
fallega nytja- og gjafavöru,“ segir
Auður Gná. „Með þessum áherslu-
breytingum kom þessi hugmynd
að jólaketti sem yrði endurtekinn
á hverju ári með nýjum og nýjum
hönnuðum.“
Til að gera jólakettina í ár fékk
Rammagerðin vöruhönnuðina
Birtu Rós Brynjólfsdóttur og Hrefnu
Sigurðardóttur til liðs við sig.
Birta og Hrefna reka saman hönn-
unarstofuna Fléttu á Nýbýlavegi.
Endurvinnsla er rauður þráður í
hönnun þeirra. „Við höfum verið að
endurvinna saman síðan við vorum
í Listaháskólanum árið 2014,“ segir
Hrefna. Meðal fyrri verka þeirra
eru loftljós úr gömlum verðlauna-
gripum og gólfmottur úr notuðum
gallabuxum.
Notuðu barnafötin koma frá fata-
söfnun Rauða kross Íslands. „Þau
safna fyrir okkur fötum sem eru
með götum eða blettum sem nást
ekki úr. Föt sem nýtast ekki aftur,“
segir Birta.
„Hugmyndin að því að nota
barnaföt má rekja til sögunnar um
jólaköttinn. Jólakötturinn étur
börn sem fá ekki ný föt á jólunum.“
Má því segja að hönnunin sé
ádeila á hvernig samfélagið hefur
breyst frá því sagan var fyrst sögð.
„Það er allt annar tíðarandi núna
en þá,“ segir Birta. „Við vorum mjög
þrjóskar að nota barnaföt.“ „Þetta
festist í okkur og við gátum ekki
hætt við,“ bætir Hrefna við.
„Þetta var erfitt verkefni, en
skemmtilegt,“ segir Hrefna. „Við
byrjum á að sníða efni úr fötunum.
Síðan notum við herðatré sem hafa
líka ratað til Rauða krossins. Við
smíðuðum svo sérstaka vél sem
hjálpar okkur að vefja kettina.“
Þær voru báðar önnum kafnar í
stúdíóinu í Kópavogi í gær og verða
að fram að jólum. „Það fer mikil
vinna í hvern og einn kött,“ segir
Birta. „Ég veit ekki hvað við náum
að klára marga, en þeir verða í tak-
mörkuðu upplagi.“
arib@frettabladid.is
Búa til jólaketti úr
notuðum barnafötum
Hrefna og Birta með tvo jólaketti. FRÉTTABLAÐIÐ/SIGTRYGGUR ARI
UMHVE RFISM ÁL „Það er f jöldi
fólks sem er viðkvæmt í lungum
og jafnvel veigrar sér við að vera
mikið utandyra þegar svifryk er
sem mest. Þar eru nagladekkin
stærsti þátturinn,“ segir Ólafur Þór
Gunnarsson, þingmaður Vinstri
grænna, sem hefur sent fyrirspurn
til Sigurðar Inga Jóhannssonar,
samgöngu- og sveitarstjórnarráð-
herra, um aðgerðir til að draga úr
nagladekkja notkun landsmanna.
Ólafur spyr Sigurð Inga fjögurra
spurninga sem hann vonast eftir að
fá svör við sem fyrst svo að hægt sé
að halda áfram með málið.
„Ég tel að umræðan um nagla-
dekk þurfi að halda áfram. Við
þurfum að horfast í augu við þá
staðreynd að við getum notað aðrar
leiðir til þess að auka umferðar-
öryggi – að minnsta kosti í þéttbýli.
Við verðum líka að horfast í augu
við það að þetta sé nægilega stórt
umhverfis- og lýðheilsumál til að
við skoðum það alvarlega að skipta
um kúrs.“
Greining nýrrar rannsóknar frá
Vegagerðinni, Losun svifryks frá
gatnakerfinu á höfuðborgarsvæð-
inu, bendir til að nagladekkjanotk-
un spili langstærstan þátt í myndun
svifryks frá umferð í borginni. Ein
af niðurstöðum skýrslunnar er að
verulega þurfi að draga úr nagla-
dekkjanotkun. Aðrir áhrifaþættir
eru tegund vegyfirborðs, umferðar-
magn, umferðarhraði og vegþjón-
usta eins og söltun og skolun.
Svokallað NORTRIP-líkan, sem
notað var í rannsókninni, gefur til
kynna að hlutur þungaumferðar
í svifryksmyndun sé lítill og að
götuþvottur sé óskilvirk aðferð.
Hins vegar er þessi niðurstaða um
þvottinn í ósamræmi við erlenda
reynslu og rannsóknir og frekari
skoðun nauðsynleg.
Ólafur segir að aðstæður séu oft
öðruvísi á landsbyggðinni en á
höfuðborgarsvæðinu. Dagurinn í
gær sýni það. Snjólaust sé í borginni
á meðan aðrir landshlutar séu á kafi
í snjó. „Það er alveg þekkt að nagla-
dekk gera gagn umfram aðra kosti
þegar verið er að keyra á glerhálku
þar sem er ekki hægt að hafa aðrar
hálkuvarnir. Það er fullur skiln-
ingur á því og mjög mikilvægur
punktur.“
Hann segist vona að svörin skili
sér sem fyrst svo hægt sé að halda
áfram með málið. „Ég vona að þetta
sé komið í þann farveg að það sé
hægt að fara í tillögugerð og fá fólk
til að hugsa þetta upp á nýtt,“ segir
þingmaðurinn.
benediktboas@frettabladid.is
Efast um nagladekkin
Þingmaður hefur sent fyrirspurn til samgönguráðherra um aðgerðir til að
draga úr notkun á nagladekkjum. Hann telur að breyta þurfi um stefnu.
Spurningar Ólafs
1. Til hvaða aðgerða telur ráð-
herra rétt að grípa til þess að
draga úr nagladekkjanotkun
og sporna við meiri svifryks-
mengun með tilheyrandi
neikvæðum áhrifum á heilsu
fólks?
2. Hefur ráðuneytið hvatt
sveitarfélögin til að grípa til
aðgerða í þessu tilliti?
3. Með hvaða hætti telur ráð-
herra að mæta mætti sjónar-
miðum landsbyggðar að
þessu leyti?
4. Hefur komið til tals í ráðu-
neytinu að vinna með
heilbrigðisyfirvöldum að
aðgerðum í þessum málum?
Við verðum líka að
horfast í augu við
það að þetta sé nægilega
stórt umhverfis- og lýð-
heilsumál til að við skoðum
það alvarlega að skipta um
kúrs.
Ólafur Þór
Gunnarsson
fjölbýlishúsalóð
í úlfarsárdal
Nánari upplýsingar á reykjavik.is/lodir
Reykjavíkurborg leitar eftir kauptilboðum í byggingarrétt fyrir íbúðarhúsnæði á lóðinni
Rökkvatjörn 6-8 í Úlfarsárdal. Á lóðinni er heimilt að byggja 2-3 hæða fjölbýlishús með allt að
10 íbúðum. Hámarksbyggingarmagn ofanjarðar er 1.025 fermetrar.
Undirrituðum tilboðum skal skila með rafrænum hætti á útboðsvef Reykjavíkurborgar eigi
síðar en kl. 14:00 þann 16. desember 2020.
Byggingarréttur til sölu
5 . D E S E M B E R 2 0 2 0 L A U G A R D A G U R10 F R É T T I R ∙ F R É T T A B L A Ð I Ð