Fréttablaðið - 01.12.2020, Page 12

Frá degi til dags
Halldór
ÚTGÁFUFÉLAG: Torg ehf. STJÓRNARFORMAÐUR: Helgi Magnússon FORSTJÓRI OG ÚTGEFANDI: Björn Víglundsson RITSTJÓRI: Jón Þórisson jon@frettabladid.is, FRÉTTASTJÓRAR: Aðalheiður Ámundadóttir adalheidur@frettabladid.is
Ari Brynjólfsson arib@frettabladid.is, Garðar Örn Úlfarsson gar@frettabladid.is MARKAÐURINN: Hörður Ægisson hordur@frettabladid.is
Fréttablaðið kemur út í 80.000 eintökum og er dreift ókeypis á heimili á höfuðborgarsvæðinu og Akureyri. Einnig er hægt að fá blaðið í völdum verslun um á landsbyggðinni. Fréttablaðið áskilur sér rétt til að birta allt efni blaðsins í stafrænu formi og í
gagnabönkum án endurgjalds. ISSN 1670-3871 FRÉTTABLAÐIÐ Kalkofnsvegur 2, 101 Reykjavík Sími: 550 5000, ritstjorn@frettabladid.is HELGARBLAÐ: Björk Eiðsdóttir bjork@frettabladid.is MENNING: Kolbrún Bergþórsdóttir kolbrunb@frettabladid.is
LJÓSMYNDIR: Anton Brink anton@frettabladid.is FRAMLEIÐSLUSTJÓRI: Sæmundur Freyr Árnason sfa@frettabladid.is
Björk
Eiðsdóttir
bjork@frettabladid.is

Nú er því
tíminn til að
fara að gera
skemmtileg
plön með
fáum
útvöldum
sem komast
inn í þína
kúlu.

Það er löngu
tímabært að
Alþingi
bregðist við
skýrslu
rannsóknar-
nefndar
Alþingis og
endurreisi
Þjóðhags-
stofnun.
Smitandi smit
Burkni er með kóvið. Sambýlis-
maður hans smitaði hann. Þeir
fóru í einu og öllu eftir því sem
Burkni hafði sjálfur sagt öðrum
að gera. Fengu ekki nema tutt-
ugu gesti í heimsókn dagana á
undan að smitið kom í ljós. Það
var Addi Palli, Bergþóra, Stína
stuð, Kalli og Bimbó, Hanna og
Ella kroppur, Þura og Anna. En
líka Kalli Jóns og Gústi læknisins
og Nonni Sæmundar og Halli
rakarans og Fúsi Sigurleifs og
Palli á Goðanum og Denni í Efsta-
bæ. Kommon, það var passað
upp á sameiginlega snertif leti og
allt. Nema kannski glös, bolla,
hnífapör og diska. Vá, hvað þetta
smit er smitandi. Það þarf að
herða á sóttvörnum almennings.
Þyrluhljóm
Flugvirkjar Landhelgisgæsl-
unnar eru aftur komnir til starfa
með tilheyrandi þyrluhljóm. Það
er eins og englasöngur í eyrum
þeirra sem hafa áhyggjur af öllu.
Blessaðir flugvirkjarnir, sem
hafa til þessa þurft að sætta sig
við eina komma átta í meðal-
laun með þann hæsta í tveimur
komma fimm, eru komnir með
mál sitt í gerðardóm. Hefst nú
lotteríið um hvort þangað rati
vitringarnir sem sögðu að mögu-
lega væru kannski vísbendingar
um að hjúkrunarfræðingar væru
vanmetin kvennastétt, eða hvort
þeir detti í lukkupottinn og fái
jólasveinana úr kjararáði sem
gefa í skóinn alla daga allt árið.
Fyrsti sunnudagur í aðventu er nú að baki. Spádómskertið logaði glatt á fjölmörgum heimilum landsins um helgina þrátt fyrir bullandi samkomubann og þá staðreynd að fram undan er aðventa ólík öllum fyrri aðventum.
Faraldurinn er í línulegum vexti hér á landi og sótt-
varnalæknir hefur skilað ráðherra minnisblaði með til-
lögum að því hvað taki við þegar gildandi reglur falla úr
gildi nú á miðnætti. Þó svo nýjar reglur hafi ekki verið
gefnar út þegar þessi orð eru rituð er ljóst að lítið rými
er til tilslakana á gildandi samkomutakmörkunum.
Við vitum sem er, að í ár verður aðventan, jóla-
hátíðin og áramótin með öðru móti en við erum vön og
vonuðumst til.
Hátíðin sem vanalega einkennist af vinafögnuðum
og fjölskyldumótum mun nú í ár bera meiri keim af
hausatalningu og fjarlægðaráminningum. Við erum
meira að segja vinsamlegast beðin um að vera ekkert að
syngja!
Við hefðum kannski bara átt að fresta jólunum
eins og Castro gerði fyrir um fimm áratugum? Nú
liggur mögulega meira við en björgun sykurreyrsupp-
skerunnar sem Castro vildi ekki fórna fyrir jólahátíð-
ina árið 1969. Bólusetning er innan seilingar og við
sjónarröndina glittir í stórveislur og hópknús svo örlítil
seinkun kæmi kannski ekki að sök?
Nei, það sem þessi þjóð þarf einmitt nú eru jól! Jafn-
vel þó að jólahlaðborðið verði við borðstofuborðið
heima, rétt eins og jólagjafainnkaupin, þá er eitthvað
við jólin sem fær okkur til að hugsa betur hvert um
annað og nú er engin vanþörf á því.
Okkur þyrstir í uppbrot í hversdaginn, við þráum
gleði, samkennd og skemmtun. Þó að mánuðurinn sem
framar öðrum er frátekinn í hefðir, verði sannarlega
ekki eins og árin á undan, þá verður hann samt góður.
Ef við ákveðum það.
Mælst er til þess að fólk velji sér sína jólakúlu, það
er þá aðila sem það ætlar sér að hitta yfir hátíðirnar og
reyni eftir getu að halda samskiptum sínum innan þess
hóps. Nú er því tíminn til að fara að gera skemmtileg
plön með fáum útvöldum sem komast inn í þína kúlu.
Leyfa sér að hlakka til.
Á fáum stöðum í heiminum er jólunum fagnað eins
innilega og eins lengi og hér á Íslandi. Hátíð ljóss og
friðar kemur á kærkomnum tíma þegar sólin er hvað
lægst á lofti og hitastig í ákveðnu lágmarki ár hvert og
nú kemur hún eins og kölluð.
Það virðast allir vera löngu farnir að skreyta og í
óðaönn að baka og föndra. Kannski fáum við jafnvel
handskrifuð jólakort inn um lúguna í ár? Þetta verða
jólin sem við leitum inn á við, lesum sem aldrei fyrr,
prófum stresslausa jólahátíð og þurfum ekki að lifa á
pakkasúpu í janúar til að greiða Vísareikninginn.
Hver veit nema að árið 2020, árið þegar COVID stal
jólunum, verði til þess að við lærum eins og Trölli að
jólin eru einmitt í hjörtum mannanna og okkar hjörtu
stækki um þrjú númer?
Kannski væmið, en alla vega virkilega jólalegt!
Njótið aðventunnar í ykkar kúlu!
Jólakúlan 2020
STJÓRNANDINN
Upplýsandi og fróðleg þáttaröð um konur,
fyrirmyndir og fjölbreytileikann í íslensku
atvinnulífi í umsjá Huldu Bjarnadóttur.

Þriðjudaga kl. 21:30, bara á Hringbraut. FÉLAG KVENNA Í ATVINNULÍFINU
Í KVÖLD
KL. 21.30!
Hvernig má það vera að þjóð sem hefur farið í gegnum alvarlega efnahagskreppu eftir hrun bankanna haustið 2008, skuli ekki hafa endur-
reist Þjóðhagsstofnun en láti þess í stað hagsmunaað-
ilum eftir að greina og meta ákvarðanir stjórnvalda?
Aðstæður nú í heimsfaraldri sýna með skýrum
hætti að við þurfum óháða stofnun sem heyrir undir
Alþingi og er hæf til að benda á hættur sem geta falist í
ákvörðunum stjórnvalda í efnahagsmálum, ásamt því
að gefa ráð um hvað betur mætti fara með hagsmuni
almennings að leiðarljósi.
Á árunum 1974–2002 var starfandi Þjóðhagsstofnun
hér á landi sem átti að fylgjast með árferði og afkomu
þjóðarbúsins, vinna að hagrannsóknum og vera
ríkisstjórn og Alþingi til ráðgjafar í efnahagsmálum.
Ákvörðun um að leggja niður Þjóðhagsstofnun hefur
alla tíð verið mjög umdeild.
Nú er umhverfið annað. Samtök aðila vinnu-
markaðarins leggja fram greiningar í efnahagsmálum
og greiningardeildir eru að störfum innan bankanna
og aðrir aðilar svo sem Viðskiptaráð stunda greiningar
á efnahagshorfum. Allt er þetta gagnlegt en þetta eru
samt hagsmunasamtök og mikilvægt að muna það.
Þess vegna er brýnt að í landinu sé stofnun sem treysta
má með nokkurri vissu að dragi ekki taum ákveðinna
hagsmunaafla heldur hafi þjóðarhagsmuni að leiðar-
ljósi.
Í 1. bindi í Skýrslu rannsóknarnefndar Alþingis um
aðdraganda og orsök falls íslensku bankanna árið
2008 segir: „Til þess að skapa hlutlausan grundvöll
fyrir samhæfingu efnahagsstefnunnar mætti fela
sjálfstæðri ríkisstofnun það hlutverk að spá fyrir um
efnahagshorfurnar og meta ástand efnahagsmála og
líklega þróun að gefnum forsendum um mismunandi
efnahagsstefnu.“
Það er löngu tímabært að Alþingi bregðist við
skýrslu rannsóknarnefndar Alþingis og endurreisi
Þjóðhagsstofnun líkt og frumvarp Samfylkingarinnar
þar um gerir ráð fyrir.
Endurreisum
Þjóðhagsstofnun
Oddný G.
Harðardóttir
þingmaður Sam-
fylkingarinnar
1 . D E S E M B E R 2 0 2 0 Þ R I Ð J U D A G U R10 S K O Ð U N ∙ F R É T T A B L A Ð I Ð
SKOÐUN