Morgunblaðið - 29.05.2020, Blaðsíða 4

4 FRÉTTIRInnlent
MORGUNBLAÐIÐ FÖSTUDAGUR 29. MAÍ 2020
Laugavegi 178 | 105 Reykjavík | Sími 551 3366
Opið virka daga kl. 10-18, laugardaga kl.10-14 Misty
Höfum opnað vefverslun
misty.is
SENDUM FRÍTT UM ALLT LAND
Saumlaus
og léttur
aðhaldskjóll
til í svörtu og beige
Stærðir S-XXL
Verð 7.990,-
Alfreð Þorsteinsson, fv.
borgarfulltrúi, lést á
sjúkrahúsi í Reykjavík
27. maí. Alfreð fæddist í
Reykjavík 15. febrúar
1944 og var einn fimm
sona hjónanna Ingvars
Þorsteins Ólafssonar
verkamanns og Sigríðar
Lilju Gunnarsdóttur.
Hann var í Austurbæj-
arskóla og stundaði
nám við Kennaraskóla
Íslands um skeið. Al-
freð var blaðamaður við
dagblaðið Tímann 1962-
1977 og var forstjóri
Sölu varnarliðseigna 1977-2003.
Hann var varaborgarfulltrúi fyrir
Framsóknarflokkinn 1970-71 og
1986-94 og borgarfulltrúi 1971-1978
og aftur 1994-2006.
Á vettvangi Reykjavíkurborgar sat
Alfreð í fræðsluráði, heilbrigðisráði
og stjórn Innkaupastofnunar og var
formaður hennar 1994-98. Hann átti
sæti í umferðarnefnd, var formaður
stjórnar Veitustofnana 1994-99 og
stjórnarformaður Orkuveitu Reykja-
víkur 1999-2006 á miklum uppbygg-
ingartíma í sögu þess fyrirtækis. Þá
var Alfreð formaður stjórnar fjar-
skiptafyrirtækisins Línu-Nets 1999-
2005, sat í stjórn Lífeyrissjóðs starfs-
manna Reykjavíkurborgar 2006-2010
og var formaður lengst af þeim tíma.
Alfreð æfði og keppti í knattspyrnu
með Fram á barns- og
unglingsárum og þjálf-
aði síðan yngri flokka
félagsins. Var formaður
Fram 1972-76 og 1989-
94 og sat í stjórn ÍSÍ
1976-86 auk þess að
gegna ýmsum öðrum
trúnaðarstörfum fyrir
íþróttahreyfinguna. Al-
freð var heiðursfélagi í
Fram og ÍSÍ.
Á árunum 1985-94
var Alfreð formaður
Framsóknarfélags
Reykjavíkur jafnframt
því sem hann sat í mið-
stjórn Framsóknarflokksins og í
stjórn FUF um árabil. Var hann for-
maður Varðbergs, félags ungra
áhugamanna um vestræna samvinnu,
1978-80 og sat síðar í stjórn Samtaka
um vestræna samvinnu. Þá sat Alfreð
í stjórn Landsvirkjunar 1991-95, í
stjórn Sparisjóðs vélstjóra frá 1998-
2002 og var formaður hans 2001-
2002.
Eiginkona Alfreðs var Guðný
Kristjánsdóttir, f. 1949, prentsmiður
og setjari. Dætur Alfreðs og Guð-
nýjar eru Lilja Dögg, mennta- og
menningarmálaráðherra, f. 1973, bú-
sett í Reykjavík, gift Magnúsi Óskari
Hafsteinssyni, hagfræðingi við at-
vinnuvegaráðuneytið, og Linda Rós,
f. 1976, sérfræðingur í félagsmála-
ráðuneytinu. Barnabörnin eru þrjú.
Andlát
Alfreð Þorsteinsson
Sigurður Bogi Sævarsson
sbs@mbl.is
„Eldsvoðinn er mikið áfall fyrir at-
vinnulífið í eyjunni. Íbúar eru þó
yfirvegaðir enda öllu vanir,“ segir
Ásthildur Sturludóttir, bæjarstjóri
á Akureyri. Hrísey er hluti af Ak-
ureyrarbæ og því fór bæjarstjór-
inn í eyna í gær til að kynna sér
aðstæður eftir eldsvoða í frysti-
húsinu þar.
Allt er óvíst enn um upptök
eldsvoðans sem upp kom um kl.
fimm í gærmorgun. Suðurhluti
byggingarinnar, sem var frá árinu
1936, er talinn ónýtur og nyrðri
hlutinn, sem reistur var fyrir
fjörutíu árum, er mikið skemmdur.
Í gærkvöldi fékk lögreglan vett-
vang afhentan til rannsóknar. Bor-
ist hefur mikið af myndefni af
eldsvoðanum sem nýtast mun við
rannsókn málsins.
Vatni sprautað á rústirnar
Maður sem bjó í starfsmanna-
aðstöðu í frystihúsinu varð fyrstur
eldsins var og gerði viðvart. Þegar
útkall vegna eldsins barst fóru
vettvangsliðar í eynni strax á vett-
vang með dælubíl og hófu aðgerð-
ir. Slökkvilið frá Akureyri fór svo
strax á vettvang aukinheldur sem
liðsauki kom frá Dalvíkurliðinu og
tækjabúnaður úr Fjallabyggð.
Þegar nokkuð var liðið á morgun
höfðu slökkviliðsmenn, sem voru
alls um 30, náð tökum á eldinum,
en langt fram eftir degi var vatni
sprautað á rústirnar þar sem enn
leyndust glóðir. Síðdegis í gær
komu slökkviliðsmenn úr Þingeyj-
arsveit á vettvang í Hrísey, til að
leysa af þann mannskap sem stað-
ið hafði í ströngu síðan í bítið.
Byggingarnar sem brunnu voru
síðan í október sl. í eigu Hrísey
Seafood, sem þar rak saltfiskverk-
un og frystingu á sjávarafurðum.
Fyrirtækið eiga hjónin Telma Ró-
bertsdóttir og Sigurður Jóelsson.
Ágætar tryggingar
„Við erum með ágætar trygg-
ingar en erum nú að fara yfir þau
mál,“ segir Telma Róbertsdóttir.
„Mestur er skaðinn fyrir Hrísey,
þetta er mikið samfélagstjón.
Þrettán manns eru nú án vinnu
sem mér finnst ákaflega sárt. Svo
brunnu þarna inni tugir tonna af
saltfiskafurðum sem höfðu verið
seldar og áttu að fara til kaupenda
á Spáni og Ítalíu. Áfallið er mik-
ið.“
Bruninn í Hrísey er
mikið samfélagstjón
Ljósmynd/Áshildur Sturludóttir
Eldsvoði Slökkviliðsmenn dæla vatni á rústir frystihússins í Hrísey. Eldsupptök eru óljós en rannsókn að hefjast.
 Stórbruni í Hrísey í fyrrinótt  13 manns misstu vinnuna
Höskuldur Daði Magnússon
hdm@mbl.is
„Ég held að það sé óhætt að segja að
neytendur horfi nú upp á meiri verð-
lækkanir á pítsum en nokkru sinni
fyrr. Það sést til að mynda á því að
stærsti aðilinn á markaðinum selur
pítsur sem kosta alla jafna um 3.700
krónur á tilboði á 1.790 krónur.
Hvernig geta þeir verið að bjóða 50%
afslátt? Það segir manni að álagning-
in hafi nú verið einhver,“ segir Þór-
arinn Ævarsson, eigandi pítsustaðar-
ins Spaðans.
Eins og komið hefur fram í
Morgunblaðinu hafa viðtökur við nýj-
um pítsustað Þórarins í Kópavogi
verið afar góðar, en hann gefur sig út
fyrir hóflega verðlagningu. Hann
segir að samkeppnisaðilinn Domino‘s
hafi brugðist við með verðlækkunum.
„Ég átti nú von á því að þeir myndu
bregðast hressilega við enda vissu
þeir að ég kæmi inn með látum. Því
sankaði ég að mér matseðlum þegar
þessi hugmynd fór af stað. Það er
augljóst að þeir hafa byrjað snemma
að bregðast við, til að milda höggið,“
segir Þórarinn. Hann segir að þessa
sjái stað í því að brauðstangir hafi
kostað 1.030 krónur á síðasta ári en
hafi svo verið lækkaðar niður í 790
krónur þegar opnun Spaðans spurð-
ist út. Hann kveðst telja að Domino’s
selji um milljón skammta af brauð-
stöngum ár hvert, svo þarna sé fyrir-
tækið að verða af 240 milljónum
króna.
„Þetta er veisla fyrir neytendur
sem fá pítsur tugum prósenta ódýrari
þannig að ég fagna þessu. En ég ótt-
ast að fylgifiskur þessa verði að minni
aðilar á markaði muni leggja upp
laupana.“
„Domino‘s er rótgróið fyrirtæki á
íslenskum skyndibitamarkaði sem
vinnur eftir langtímaplani og hefur á
sínum 27 árum hér á landi tekið allri
samkeppni fagnandi,“ segir Anna
Fríða Gísladóttir, markaðsstjóri
Domino’s.
Hún segir að fyrirtækið hafi kynnt
Tríó í byrjun þessa árs og tilgangur
þeirrar herferðar sé að kynna við-
skiptavinum fjölmargar pítsur sem
sé að finna á matseðli. „Tríó er hug-
mynd sem hefur verið lengi í bígerð,
þar erum við leiðandi í góðu verði
eins og við höfum ætíð verið. Verðið
er í samræmi við nettilboðin okkar
sem hafa reglulega verið í boði síð-
ustu sjö ár. Við erum og höfum alltaf
verið tilboðsdrifin og viðskiptavinir
okkar fagna því, við bjóðum ólíkt
verð eftir því hvort viðskiptavinurinn
sækir eða fær sent heim. Því hefur
pítsa á fullu verði á matseðli lítið að
segja um raunverð okkar. Það má sjá
á herferðum okkar eins og Megaviku,
Netdögum og Þriðjudagstilboði. Þess
má til gamans geta að verð á Þriðju-
dagstilboði er 1.000 krónur og hefur
haldist óbreytt í 10 ár,“ segir hún.
„Fullyrðing um breytt verð á brauð-
stöngum er einfaldlega röng og hefur
verð á meðlæti ekki breyst hjá okkur
í meira en ár en við leggjum okkur
fram að halda verðbreytingum í lág-
marki.“
Furðar sig á
50% afslætti
keppinautar
 Eigandi Spaðans segir að Domino‘s
lækki verð  Veisla fyrir neytendur
Þórarinn
Ævarsson
Anna Fríða
Gísladóttir