Skessuhorn - 27.05.2020, Side 17

MIÐVIKUDAGUR 27. MAÍ 2020 17
Hlutfall þeirra sem nota hjálm hef-
ur aldrei verið hærra en nú, eða
94%, samkvæmt nýlegri könnun
sem tryggingafélagið VÍS fram-
kvæmdi á hjálmanotkun reiðhjóla-
fólks. Könnunin var framkvæmd í
níunda skipti samhliða átaksverk-
efninu Hjólað í vinnuna. Árið 2012,
var hlutfallið 74% og 2013 var það
komið í 84%. Hlutfallið hefur svo
haldið áfram að hækka smám saman
og er nú 94% eins og fyrr segir.
Höfuðhögg eru ekki algengustu
áverkar hjólreiðafólks en aftur á
móti þeir alvarlegustu. Til þess að
hjálmur veiti þá vernd sem honum
er ætlað, þarf hann að vera í lagi og
ekki of gamall. Einnig er mikilvægt
að hann passi og sé rétt stilltur.
Hann á að vera beint ofan á höfð-
inu, eyrun eiga að vera í miðju V-
formi bandanna og einungis einn
til tveir fingur eiga að komast und-
ir hökubandið. Samkvæmt könnun
VÍS er um þriðjungur hjólreiðafólks
í sýnileikafatnaði og hefur hlutfallið
haldist stöðugt þau ár sem það hef-
ur verið kannað. mm
Búið er að friðlýsa elstu skólahús-
in á Bifröst í Borgarfirði. Það var
Lilja Alfreðsdóttir, mennta- og
menningarmálaráðherra, sem tók
ákvörðun þar að lútandi að feng-
inni tillögu Minjastofnunar Íslands.
Friðlýsingin tekur til ytra borðs
samkomuhúss frá 1950, veggfastra
innréttinga í samkomusal og setu-
stofu samkomuhúss, Kringluna,
ytra borðs tengigangs milli sam-
komuhúss og gistiálmu auk vegg-
myndar á tengigangi eftir Hörð
Ágústsson listmálara.
„Samkomuhúsið á Bifröst er
mikilvægt og vel varðveitt dæmi um
höfundaverk Sigvalda Thordar-
son og samstarfsmanna hans, Gísla
Halldórssonar og Kjartans Sigurð-
arsonar, frá upphafsárum þeirra
starfsferils. Ekki síst á það við inn-
réttingar og búnað í samkomusal og
setustofu, sem varðveist hefur í nær
upprunalegri mynd allt til dagsins
í dag,“ sagði ráðherra og afhenti
þvínæst Vilhjálmi Egilssyni rektor
friðlýsingarskjölin í samsæti síðast-
liðinn fimmtudag á Bifröst.
Í ávarpi sem Vilhjálmur Egilsson
flutti við þetta tilefni kom fram að
það hafi verið að forgöngu Holl-
vinasamtaka skólans að búið er að
lagfæra ytra byrði og glugga gamla
skólahússins og látið endurgera
listaverkið Lífsorkuna eftir Ásmund
Sveinsson. Félagið hefur auk þess
beitt sér fyrir friðlýsingu húsanna,
með Reyni Ingibjartsson Bifresting
í broddi fylkingar. Vilhjálmur fagn-
aði því að búið væri að taka ákvörð-
un um að verja með formlegum
hætti þau menningarverðmæti sem
felast í gömlu byggingunum.
Samkomuhúsið er elsta byggingin
á Bifröst, þá samkomu- og veitinga-
staður í eigu Sambands íslenskra
Samvinnufélaga, þegar Samvinnu-
skólinn flutti í land Hreðavatns í
Norðurárdal árið 1955. Fyrsti vís-
ir að byggingum á staðnum var að
forgöngu heimamanna sem byrjuðu
að byggja glæsilegan veitingastað á
árunum eftir 1946. Samvinnuhreyf-
ingin keypti svo mannvirkin 1951
og hélt þar m.a. aðalfund sinn sem
voru miklar samkomur á sinni tíð.
Skólinn hafði fram til 1955 verið til
húsa á Sölvhólsgötu í Reykjavík þar
sem nú eru skrifstofur mennta- og
menningarmálaráðuneytisins. Þeg-
ar Samvinnuskólinn tók við sam-
komuhúsinu hafði verið reist við
það viðbygging með tengigangi,
þrílyft heimavistarálma, teiknuð af
Skúla H. Norðdahl. Heimavistar-
byggingin var upphaflega hönnuð
sem hótel við veitingastaðinn sem
þá var risinn og þar var á sinni tíð
nútímalegustu hótelherbergi hér
á landi, með snyrtingu og baði á
stærri herbergjum. Saman mynda
samkomusalurinn og gamla heima-
vistin fallega og samræmda heild
og hafa einkennt ásýnd Bifrastar.
Sunnan við skólahúsin var reyndar
byggð þriggja hæða L-laga íbúða-
bygging í byrjun aldarinnar, Sjón-
arhóll, sem hefur verið þyrnir í
augum þeirra sem telja að þar með
hafi verið farið illa með hina fallegu
staðarmynd sem gömlu skólahúsin
eru á Bifröst.
mm
Við Háskólann á Bifröst verð-
ur í haust boðið upp á inngangs-
námskeið í eins árs diplómanámi í
skapandi greinum. „Þetta er hag-
nýtt nám í skapandi greinum sem
er ætlað að vera upplýsandi fyr-
ir ungt fólk sem er ennþá leitandi
eftir framhaldsskólagöngu sína eða
hefur flosnað upp úr námi,“ seg-
ir Anna Hildur Hildibrandsdóttir
kvikmyndaframleiðandi og aðjúnkt
við Bifröst. Hún hannaði námslín-
una ásamt Magnúsi Skjöld deild-
arforseta félagsvísindadeildar og
Nirði Sigurjónsyni prófessor.
„Skapandi greinar eru vaxandi at-
vinnuvegur sem kallar á nýja nálg-
un í skólakerfinu. Árangur íslensks
hugvits- og listafólks á heimsvísu
opnar sífellt fleiri tækifæri fyrir þá
sem vilja finna störf í fjölbreytileik-
anum sem skapandi greinar bjóða
upp á. Háskólinn á Bifröst er í far-
arbroddi þegar kemur að kennslu í
menningarstjórnun sem hefur ver-
ið kennd í yfir 20 ár á BA, MCM og
MA stigi. Þetta er kærkomin viðbót
við það og ætlað þeim sem hyggja
ekki endilega á langt háskólanám
en langar að öðlast innsýn, þekk-
ingu og tengingar sem geta gagnast
þeim við að finna starf við hæfi,“
segir Anna Hildur. Í náminu er
boðið upp á eitt 12 eininga nám-
skeið og sex 6 eininga námskeið.
Nánari upplýsingar má finna á bi-
frost.is
mm
Nýtt diplómanám í skapandi
greinum á Bifröst
Aldrei fleiri með hjálm
Lilja Alfreðsdóttir menntamálaráðherra afhenti Vilhjálmi Egilssyni rektor stað-
festingu um friðlýsingu gömlu húsanna. Hér eru þau með málverk af Jónasi frá
Hriflu á milli sín.
Elstu byggingar á Bifröst nú friðlýstar
Samkomusalurinn, Kringlan og heimavistarbyggingin hafa nú verið friðlýst. Framan við húsin er listaverkið Lífsorkan eftir
Ásmund Sveinsson.
Vilhjálmur Egilsson, Lilja D Alfreðsdóttir, Margrét Jónsdóttir Njarðvík væntanlegur rektor og Reynir Ingibjartsson félagi í
Hollvinasamtökum skólans. Þau standa við Lífsorku Ásmundar Sveinssonar.