Ægir - 2019, Blaðsíða 22

22
Fiskistofa úthlutaði 372 þúsund tonna aflaheimildum í
þorskígildum fyrir fiskveiðiárið sem hófst þann 1. september
síðastliðinn. Til samanburðar nam úthlutunin í upphafi ný-
liðins fiskveiðiárs 384 þúsund þorskígildistonnum og er því
minni sem nemur 12 þúsund þorskígildistonnum. Munurinn
liggur fyrst og fremst í ýsu, grálúðu og úthafsrækju, auk
ýmissa smærri kvótategunda. Að þessu sinni var úthlutað til
466 skipa, samanborið við 560 á nýliðnu fiskveiðiári. Það
skip sem mestar heimildir fær er frystitogarinn Sólberg ÓF
en skipið hefur að baki sér 2,8% úthlutaðs aflamarks á fisk-
veiðiárinu.
Á næstu síðum birtast úthlutunartölur en líkt og áður gerir
Fiskistofa þann fyrirvara að smávægilegar lagfæringar þarf
jafnan að gera á fyrstu vikum eftir úthlutun.
Þorskurinn eykst
Úthlutun í þorski er rúm 215 þúsund tonn og jókst um 7 þúsund
tonn frá fyrra ári. Ýsukvótinn er rúm 32 þúsund tonn og dregst
saman um 13 þúsund tonn. Aukning var í úthlutun í ufsa sem
nemur þúsund tonnum en um eitt þúsund tonna samdráttur í
grálúðu og úthafsrækju.
Samdráttur er í ýmsum af smærri kvótategundunum. Sem
dæmi er helmings samdráttur í hlýra og skötusel. Þá er veruleg­
ur samdráttur í úthlutun á tegundum eins og blálöngu og litla
karfa.
Vakin er athygli á að síðar á árinu verður úthlutað aflamarki
í deilistofnum og ekki er óalgengt að aukið sé við aflamark í upp­
sjávarfiski. Fiskistofa bendir sérstaklega á að engri loðnu var
úthlutað að þessu sinni. Ætla megi að heildaraflamark einstakra
skipa og hafna og innbyrðishlutfall þeirra breytist í kjölfar frek­
ari úthlutana þegar líður á fiskveiðiárið.
Skipunum fækkar
Alls fengu 466 skip úthlutað aflamarki að þessu sinni samanborið
við 540 á fyrra fiskveiðiári. Ástæða þessa er sú sú að fjöldi skipa
fékk í fyrra úthlutað hlutdeildum í hlýra á grundvelli veiði­
reynslu. Það hafði í för með sér mikla dreifingu á veiðiheimildum
í litlum stofni á meðal skipa með engar aðrar hlutdeildir. Fiski­
stofa segir í sínum upplýsingum að síðan þá hafi hlutdeildirnar í
hlýra safnast á færri hendur. Sé fjöldi skipa með úthlutað afla­
mark nú borinn saman við fjölda slíkra skipa fyrir tveimur árum
þá er fækkunin 23 skip og það er í samræmi við þá þróun sem
verið hefur í mörg undanfarin ár.
Bátar með krókaaflamark eru nú 285 og fækkar um 31. Skip­
um í aflamarkskerfinu fækkar um 43 á milli ára og eru nú 181.
Togurum fækkar um 5 en þeim hafði fjölgað í fyrra um 3 eftir ár­
vissa fækkun undanfarið. Togararnir eru nú 37 í íslenska flotan­
um. Samkvæmt útgerðarflokkun Fiskistofu fá skuttogarar út­
hlutað tæpum 219 þúsund tonnum af því heildaraflamarki sem
úthlutað var að þessu sinni og skip með aflamark fá tæp 168
þúsund tonn. Smábátar með aflamark og krókaaflamarksbátar fá
rúm 53.700 tonn. Vakin er athygli á að til krókaaflamarks telst
eingöngu úthlutun á þorski, ýsu, ufsa, gullkarfa, löngu, blálöngu,
keilu, steinbít, hlýra og litla karfa.
Brim í stað HB Granda á kvótatoppnum
Fimmtíu stærstu fyrirtækin sem úthlutað fá aflaheimildum munu
halda á 88,89% þeirra í heild og það hlutfall er örlítið hærra en
var á nýliðnu fiskveiðiári. Alls fengu að þessu sinni 336 fyrirtæki
eða lögaðilar úthlutað sem er 80 færri aðilar en í fyrra en þá
kom til kvótasetning á hlýra líkt og áður segir. Brim hf., sem áð­
ur hét HB Grandi hf., er sem fyrr það fyrirtæki sem hefur yfir
mestum heimldum að ráða. Hlutfallið af heild er 9,44% sem er
nánast nákvæmlega það sama og á síðasta fiskveiðiári. Næst
koma Samherji Ísland ehf. með 6,6% og FISK Seafood ehf. með
6,04%.
Á listanum eru sömu fyrirtæki og á síðsta fiskveiðiári en Brim
komið í stað HB Granda og Útgerðarfélag Reykjavíkur hf. í stað
Brims áður. Sætaröðin er eins hvað þau fjögur fyrstu varðar en
lítilsháttar sætavíxl neðar á listanum. Eins og sjá má hafa þessi
10 fyrirtæki yfir að ráða tæpum 52% af heildarkvótanum.

ÞÍG kg.
Brim hf. 35.110.550 9,44%
Samherji Ísland ehf. 24.576.992 6,61%
FISK­Seafood ehf. 22.485.108 6,04%
Þorbjörn hf. 20.447.244 5,50%
Útgerðarfélag Reykjavíkur hf. 16.239.009 4,36%
Vísir hf. 15.839.246 4,26%
Vinnslustöðin hf. 15.276.404 4,11%
Skinney­Þinganes hf. 15.273.083 4,10%
Rammi hf. 14.956.867 4,02%
Síldarvinnslan hf. 12.456.275 3,35%
Samtals 192.660.778 51,78%
Vestmanneyjar taka toppsætið á lista hafna
Nokkur undanfarin fiskveiðiár hefur Reykjavík verið sú heima­
höfn þar sem mestar aflaheimildir hafa verið skráðar. Á þessum
lista verður breyting á nýju fiskveiðiári og nú fara bæði Vest­
mannaeyjar og Grindavík fram úr höfuðborginni en þessar þrjár
hafnir hafa algjörlega skorið sig úr hvað þennan samanburð
varðar mörg undanfarin ár. Vestmannaeyjar eru nú með 11,34%
en voru með 10,61% í fyrra. Grindavík er með 10,81% nú og síðan
kemur Reykjavík með 10,58%.
Kvótinn 2019/2020
Aflaheimildir á nýju fiskveiðiári