Ægir - 2019, Blaðsíða 18

18
Útflutningur sjávarafurða
frá Færeyjum á 12 mánaða
tímabili, þ.e. frá júlí 2018 til
júní 2019 nam 458.500 tonn-
um, sem var samdráttur um
tæp 47.000 tonn miðað við
síðustu 12 mánuði þar á
undan. Samdrátturinn var
9% og má hann fyrst og
fremst rekja til minni út-
flutnings á kolmunna og
ufsa. Á hinn bóginn jókst
útflutningur á þorski og
ýsu.
Þrátt fyrir samdrátt í
magni hefur verðmætið aukist
um 3% og var á umræddu
tímabili samtals 147 milljarðar
íslenskra króna. Laxinn skilaði
bróðurpartinum af verðmæt­
inu eða 65 milljörðum króna.
Það var nánast sama fjárhæð
og á síðasta 12 mánaða tíma­
bili á undan.
Verðmæti þorskaflans á
nýliðnu 12 mánaða tímabili
var um 14 milljarðar íslenskra
króna, sem var vöxtur um
20%. Verðmæti útfluttrar ýsu
jókst um 67% og var nú um 3,4
milljarðar króna.
Árið 2018 var landaður afli
íslenskra skipa tæplega
1.259 þúsund tonn. Aukning
frá fyrra ári nam 79 þúsund
tonnum, eða tæplega 7%. Í
samantekt Hagstofu Íslands
segir að aflaverðmæti árs-
ins hafi verið tæplega 128
milljarðar króna á árinu og
var það 15,6% aukning mið-
að við árið 2017.
Alls veiddust rúmlega 480
þúsund tonn af botnfiski árið
2018, sem var 51 þúsund
tonna aukning frá árinu 2017.
Aflaverðmæti botnfiskaflans
nam tæpum 91 milljarði króna
í fyrra og jókst milli ára um
17,9%. Ótvírætt er þorskurinn
sem fyrr verðmætasta fiskteg­
undin en verðmæti þorskafl­
ans í heild nam rúmum 57
milljörðum króna í fyrra.
Kolmunni 40%
uppsjávaraflans
Í tonnum talið veiddist mest af
uppsjávarfiski í fyrra eða tæp­
lega 739 þúsund tonn. Magnið
jókst frá árinu 2017 um rúm­
lega 20 þúsund tonn en mest
veiddist af kolmunna, tæplega
300 þúsund tonn. Á hinn bóg­
inn varð samdráttur í síld,
loðnu og makríl. Aflaverðmæti
uppsjávarafla jókst um 2,6%
miðað við árið 2017, var 24,4
milljarðar króna.
Af flatfiski veiddust rúm­
lega 27 þúsund tonn árið 2018
sem var 23,6% aukning frá ár­
inu 2017. Aflaverðmæti flat­
fiskafurða jókst um 35,6% mið­
að við árið 2017. Af skelfiski
og krabbadýrum var tæplega
12.500 tonn landað árið 2018
sem var aukning í magni um
18,3% frá árinu áður. Verð­
mæti skel­ og krabbaafla jókst
um 7,2% miðað við 2017.

■ Færeyski báturinn Núpur landar í Grindavík.
Mynd: Hjörtur Gíslason
Færeyjar
Minni útflutningur en verðmætari
Aflaverðmæti jókst um 15,6% í fyrra
■ Góðum afla landað. Þegar á heildina er litið sést að árið 2018 telst hafa verið nokkuð
hagstætt í íslenskum sjávarútvegi.
Fréttir
ERLENT