Ægir - 2019, Blaðsíða 11

11
Veðrið nægur hemill
„Þetta kerfi sem notað er við strandveið­
arnar í dag hefur reynst vel. Eins og við
höfum alltaf haldið fram er veður og
fiskgengd á grunnslóð nægilegur hemill
á handfæraveiðar smábáta. Við sáum
það vel nú í ágúst þegar tíðarfarið var
alveg skelfilegt. Það var algengt að þeg­
ar kom fram yfir miðjan mánuðinn þá
voru menn ekki búnir að ná nema þriðj­
ungi eða helmingi þess róðrafjölda sem
þeir hafa náð að meðaltali í ágúst. Þetta
á við á bæði á svæðum A og B, þ.e. fyrir
vestan og norðan,“ segir Örn Pálsson,
framkvæmdastjóri Landssambands smá­
bátaeigenda.
Þrátt fyrir fjölgun báta var aflinn
framan af ágústmánuði fjórðungi minni
en hann var á sama tíma í fyrra. Veiðar í
maí, júní og júlí gengu alveg þokkalega
og vega þeir mánuðir þetta eitthvað upp.
Reyndar var tíðarfarið fyrir norðan og
austan verið slæmt í allt sumar. Það kom
mikið niður á aflabrögðum hjá bátunum
almennt.
Meiri afli og hærra fiskverð
„Það sem hefur komið á móti og við
gleðjumst yfir er að mun fleiri bátar
voru á veiðum nú en í fyrra, um 60 til 70
fleiri eða um 13%. Nú voru 619 bátar
með löndun á móti 546 í fyrra. Við ætlum
okkur að sjálfsögðu að sækja fram í
strandveiðunum og efla þær. Nú er í
gangi endurskoðun á meðferð og ráð­
stöfun aflaheimilda sem ríkið hefur for­
ræði yfir, 5,3% pottinum. Þar eru undir
strandveiðar, línuívilnun, byggðakvóti
og uppbætur vegna skel­ og rækjuveiða.
Við teljum að strandveiðarnar eigi þar
að njóta mikils velvilja. Þær koma hinum
dreifðu byggðum landsins mjög vel og
eru gott innlegg í stjórnkerfi fiskveiða. Í
því kerfi þurfa menn ekki að kaupa sér
kvóta en veiðar eru takmarkaðar með
fjölda færarúlla, eignarhaldi, veiðisvæð­
um og tímalengd en ekki síst af tíðarfari
og fiskgengd á slóðinni,“ segir Örn.
„Allir hafa hins vegar notið hækkun­
ar á fiskverði á þessu ári og lægra veiði­
gjalds. Því held ég að menn verði nokkuð
sáttir við árið,“ segir Örn.
■ Örn Pálsson, framkvæmdastjóri Landssambands smábátaeigenda.
■ Heilarveiðin á strandveiðitímabilinu fór yfir 10 þúsund tonn, sem er metafli frá því strandveiðar hófust.
Smábátar
Frystigámar / Sala og leiga 10 / 20 og 40 ft.
Seljum einnig og leigjum gámahús, geymslugáma og salernishús í
ýmsum stærðum og gerðum. Fjöldi sérlausna í boði, sniðnar að
þörfum hvers og eins viðskiptavinar.
www.stolpigamar.is
Hafðu
samband
568 0100 Óseyrarbraut 12 | 220 Hafnarfirði | Klettagörðum 5 | 104 Reykjavík