Bændablaðið - 03.12.2020, Blaðsíða 7
Bændablaðið | Fimmtudagur 3. desember 2020 7
LÍF&STARF
I ngólfur Ómar Ármannsson sendir þættinum nýmeti. Þar er ekki hagað rími með hortittum frekar en vanalega:
Hagar frjósa, hníga strá,
hélurósir skarta.
Myrkum ósi merlar á
mánaljósið bjarta.
Norðanrosinn nístir brá,
næðir um kvos og vengi.
Hrími flosuð hélustrá
hníga á frosið engi.
Eftir þennan fágæta kveðskap Ingólfs
Ómars verður samt að víkja frá gleði-
efnum, og gera þá sáru játningu, að
ekki tókst undirrituðum vel til í síðasta
vísnaþætti, þegar hin fallega haustvísa
Óskars Sigurfinnssonar í Meðalheimi
var öðrum eignuð. Sagði ég hana orta af
Þór Sigurðarsyni frá Sellandi í Fnjóskadal:
Grösin sölna, grána fjöll,
glöggt er haustsins letur.
Svona fara sumrin öll,
-senn er kominn vetur.
Þór Sigurðarson er hins vegar afskap-
lega ljóðelskandi maður og líkt og margir
slíkir, þá semur hann afskaplega fallegar
náttúrustemmur. Næsta vísa, eftir Þór, er
nefnilega ögn svipuð ofanskráðri vísu.
Vísuna orti Þór einn frostkaldan morgun
austur í Sellandi, umvafinn hinni fágætu
fjallasýn sem prýðir heimahaga hans:
Fjöllin hefur fallið á,
frostið bítur neðra.
Grámað hélu getur strá
gulli verið fegra.
Þó afsaki ekkert mistök mín, þá þekkjast
þess dæmi, að misfarið hafi verið með réttan
höfund að vísu. Man þar til, að vísa, sem
Jón heitinn í Garðsvík samdi, sást á prenti
eignuð Baldri á Ófeigsstöðum í Köldukinn.
Þá orti Jón þessa myndrænu vísu:
Þekkist enn á okkar jörð
ófrjálst takið sauða.
Inn í Baldurs björtu hjörð
barstu lamb hins snauða.
Í sárabætur fær svo öðlingurinn aldni,
Óskar Sigurfinnsson í Meðalheimi, það
sem lifir þáttar. Nú styttist til fengitíðar hjá
sauðfjárbændum. Á fengitíð ársins 1954
orti Óskar:
Fengitíminn fer í hönd,
flestir þessu kvíða.
Hrútar slíta hlekkjabönd,
-hver á öðrum ríða.
Erfitt verkið á mig fær,
ekki skal þó súta.
Bardagi við blæsma ær
og blóðmannýga hrúta.
Svo þarf líka að bæta á í reykkofanum:
Leggur reyk í lungu mér,
lendi í stórum vanda,
Ótilneyddur enginn fer
inn í þennan fjanda.
Þessa mánuði er mikið um umsóknir og
styrkveitingar vegna COVID-ástandsins.
Ríkisstjórnin mokar peningum inn í
samfélagið. Næstu þrjár vísur Óskars, ortar
á árunum 1957–’58, lýsa vel styrkveitingum
þess tíma:
Öllu hjálpa völdin virk,
vilja engan pretta.
Til að fæðast fá menn styrk;
-fallega byrjar þetta.
Styrk í vöggu, styrk við nám,
styrk í raun og baga,
styrk á leirburð, styrk á klám,
styrk til ellidaga.
Verið ekki í máli myrk,
margt til bóta sjáið,
við fáum bráðum stóran styrk,
styrk til að geta dáið.
Umsjón:
Árni Geirhjörtur Jónsson
kotabyggð1@gmail.com
263MÆLT AF
MUNNI FRAMLambadagatalið gefið út í sjöunda sinn:
Megintilgangurinn að breiða
út fegurð sauðkindarinnar
Lambadagatal Ragnars Þorsteinssonar,
sauðfjárbónda og ljósmyndara í Sýrnesi
í Aðaldal, er komið út og er það í sjöunda
sinn sem hann sendir frá sér sérstakt
lambadagatal.
Ragnar hefur veg og vanda að útgáfunni
líkt og undanfarin ár, hann tekur flestar
myndanna á búi sínu í Sýrnesi og vinnur að
auki við uppsetningu og hönnun dagatalsins,
sér um fjármögnun þess og dreifingu.
Samkvæmt venju eru ljósmyndirnar
teknar á sauðburði frá árinu áður, þ.e.a.s.
á Lambadagatali 2021 eru allar myndirnar
teknar á sauðburði 2020 og endurspegla því
líka veðurfarið á þeim árstíma.
Fallegt með þjóðlegum fróðleik
Að venju prýða dagatalið stórar andlits-
myndir af fallegum, marglitum, nýlega
fæddum lömbum í náttúrulegu umhverfi.
Dagatalið er í A4 stærð og er hver mánuður
á einni blaðsíðu. Það er gormað með upp-
hengju og því auðvelt að hengja það upp
þar sem hentar. Á það eru merktir allir hefð-
bundnir helgi- og frídagar. Einnig eru merk-
ingar fyrir fánadaga, komu jólasveinanna,
gömlu mánaðaheitin og ýmsa aðra daga er
tengjast sögu lands og þjóðar. Dagatalið er
því ekki bara fallegt heldur líka gagnlegt
með sínum þjóðlega fróðleik.
Finn velvild í garð sauðfjárbænda
Lambadagatölin hafa hlotið góðar viðtökur
undanfarin ár og vinahópur Facebook-
síðunnar Lamba Lamb er nú rétt að ná þúsund
manns. Útgáfan hefur verið fjármögnuð
á Karolina Fund þar sem þau eru keypt í
forsölu. Að sögn Ragnars er megintilgangur
útgáfunnar „að breiða út sem víðast, fegurð
og fjölbreytni íslensku sauðkindarinnar. Það
er líka mjög svo skemmtilegt og gefandi
að standa í þessu og finna þá miklu velvild
sem er meðal fólks til okkar sauðfjárbænda
og íslensku sauðkindarinnar en hún hefur
fætt okkur og klætt í gegnum aldirnar og án
hennar værum við ekki til sem þjóð í dag,“
segir hann. /MÞÞ
Að venju prýða dagatalið stórar an
dlitsmyndir af fallegum,
marglitum, nýlega fæddum lömbum
í náttúrulegu umhverfi. Lambadagatölin hafa hlotið góðar viðtökur undanfarin ár og vinahópur Facebook-síðunnar Lamba Lamb er nú rétt að ná þúsund manns.