Bændablaðið - 03.12.2020, Síða 18

Bændablaðið | Fimmtudagur 3. desember 202018
HROSS&HESTAMENNSKA
ÍSLENSKT LAMBAKJÖT
Íslenskt lambakjöt
Fyrsta innanlandsherferð Ice­
landic Lamb birtist í lok nóvember,
en frá árinu 2016 hefur markaðs­
setning á sauðfjárafurðum ein­
göngu verið í höndum framleið­
enda en ekki á vegum sameiginlegs
vettvangs bænda og afurðastöðva.
Bændablaðið ræddi við Hafliða
Halldórsson, fram kvæmdastjóra
Icelandic Lamb og Markaðsráðs
kindakjöts, sem segir að um stór
tímamót sé að ræða. Mikilvægt sé
að keyra öfluga markaðsherferð
og bregðast við breyttu landslagi
í kjölfar heimsfaraldurs.
„Með breyttum áherslum í samn-
ingi um starfsskilyrði sauðfjárræktar
sem samþykktur var árið 2016 stöðv-
aðist öll miðlæg markaðssetning á
sauðfjárafurðum til Íslendinga. Allur
kraftur var settur í að auka sölu til
erlendra ferðamanna og árangur
átaksverkefnisins hefur á síðast-
liðnum árum farið fram úr okkar
björtustu vonum. Samkvæmt síð-
ustu niðustöðum úr ferðamannapúlsi
Gallup eru ferðamenn sem þekkja
merki og skjöld Icelandic Lamb 19%
líklegri til þess að kaupa lambakjöt
og helmingi líklegri til þess að gera
það oftar en einu sinni.“
Flestir erlendir ferðamenn
hafa smakkað lambakjöt
Hafliði segir mikilvægt að horfa á
tölurnar á bak við prósenturnar, 19%
af heildarfjölda erlendra ferðamanna
árið 2019 voru 380 þúsund einstak-
lingar.
„Allar okkar mælingar sýna tölu-
verða jákvæðni og ánægju gagnvart
félagamerkinu okkar og lambakjöt
er sú íslenska matvara sem flestir
erlendir ferðamenn segjast hafa
smakkað.“
Þrátt fyrir velgengni átaksverk-
efnisins urðu vatnaskil í starfsemi
markaðsstofunnar þegar heimsfar-
aldur kórónuveiru setti ferðalög fólks
á ís.
„Við vorum fljót að bregðast við
breyttum aðstæðum í byrjun árs.
Við nýttum óvissuna í að vinna ver-
kefni sem setið höfðu á hakanum,
funduðum með veitingamönnum
sem venjulega höfðu lítinn tíma í
fundarhald og gengum frá verk-
færakistu fyrir veitinga-
staði. Við hófum strax sam-
ræður við atvinnuvega- og
nýsköpunarráðuneytið um
viðauka við samninginn
sem við störfum eftir. Til að
hægt væri að nýta markaðs-
efnið okkar og mannauðinn
áfram til góðra verka fyrir
okkar umbjóðendur í
breyttum aðstæðum.“
Herferð á innanlands-
markaði
Í september var skrifað
undir viðauka við samning
um starfsskilyrði sauðfjár-
ræktar og var allur kraftur
markaðsstofunnar settur
í að undirbúa markaðs-
herferð fyrir innanlands-
markað.
„Markaðsstofan var og
er í raun og veru vel undir-
búin til þess að takast á við
þetta nýja verkefni. Við
stöndum á góðum grunni,
búið er að vinna mikla undirbúnings-
vinnu og var hægt að vinna mark-
aðsefnið hratt og endurnýta margt.
„Þegar ég tók við sem fram-
kvæmdastjóri í lok árs 2018 var mitt
fyrsta verk að vinna merkishandbók
fyrir félagamerki Icelandic Lamb.
Niðurstaðan er 150 blaðsíðna verk-
færakista sem markaðsherferð okkar
innanlands er unnin upp úr. Töluverð
forvinna var þegar unnin, síðastliðin
3 ár hefur Icelandic Lamb látið kanna
viðhorf Íslendinga til lambakjöts og
neysluhegðun svo hægt sé að hafa
hana til hliðsjónar við greiningu á
sölutölum innanlands. Það auðveld-
aði okkur alla markhópagreiningu
fyrir innanlandsmarkað.“
Upprunavottun matvæla
Merkishandbók og viðhorfskann-
anir eru ekki einu verkfærin sem
Icelandic Lamb hefur getað nýtt sér
við ímyndarherferðir á innanlands-
markaði. Telur Hafliði aðalmarkmið
átaksins að auð-
kenna íslenskar
sauðfjárafurðir,
þær spila mikilvægt
hlutverk, og vekja
athygli á sérstöðu afurð-
anna og verðmætum fólgnum
í sérstöðunni.
„Áherslan á verndun afurðaheitis
og uppruna hefur skilað okkur fyrstu
og einu íslensku upprunavottun
matvæla og beðið er eftir afgreiðslu
Evrópusambandsins á PDO vottun
fyrir íslenskt lambakjöt.“
PDO, eða Protected Designation
of Origin, er sérstakt gæðakerfi.
Tilgangur þess er að vernda afurða-
heiti til að stuðla að neytendavernd,
auka virði afurða og koma í veg
fyrir óréttmæta viðskiptahætti en
upprunavottanirnar eru þrjár og gera
ólíkar kröfur til tengsla afurðarinnar
við uppruna og framleiðslu.
Verði umsóknin samþykkt geta
framleiðendur merkt íslenskt lamba-
kjöt með sérstöku vottunarmerki
Evrópusambandsins PDO.
Merkið er ekki aðeins þekkt
innan Evrópu sambandsins
heldur víða um heim.
Þekktustu afurðaheiti
heims eru vernd uð með
slíkum vottunarmerkjum,
þ.á m. Prosciutto di Parma,
Champagne, Parmigiano
Reggiano og önnur sæl-
keramatvæli en vörur sem
merktar eru með uppruna-
merkjunum PDO, PGI og
TSG seljast að meðaltali
á 10-20% hærra verði í
smásölu. Telur Hafliði
vottunina geta nýst vel við
markaðssetningu erlendis
sem og á innlendum mark-
aði samhliða félagamerki
Icelandic Lamb.
Fyrsta herferðin
fór vel af stað
Aðspurður segist Hafliði
hlakka til framhaldsins.
„Fyrsta herferðin fór vel
af stað, við höfum fengið jákvæðar
viðtökur og ég fengið skilaboð úr
öllum áttum þar sem vinir og kunn-
ingjar segjast hafa keypt lambakjöt
undanfarna viku eftir að hafa séð
auglýsingar frá okkur. Markmiðið
er að vekja áhuga yngri kynslóða á
fjölbreytileika íslensks lambakjöts,
við fylgjumst vel með birgðastöðu
í lok mánaða og viljum kynna betur
þá bita sem ekki virðast rata í mat-
arkörfuna.“
Á Hafliði þá við vinsældir
lamba hryggjar og læri, sem hann
segir auðvelt að markaðssetja, en
fái auðvitað sína athygli líka.
„Til að vinna markvisst að því
að auka vinsældir bita sem minni
eftirspurn er eftir verðum við að
auka áhuga Íslendinga á fjölbreytt-
ari bitum. Lömb eru ekki með nema
einn hrygg og tvö læri, við verðum
að tryggja jafnari nýtingu á kjötinu.“
Á næstu vikum verður sérstök
áhersla lögð á jólin og jólahefðir
Íslendinga. Segir Hafliði næg tækifæri
felast í hátíðarhöldunum jafnvel þótt
margir telji óþarfa að markaðssetja
lambakjöt sérstaklega í kringum jólin.
„Desember er mánuður hangikjöts-
ins og viljum við sýna Íslendingum
hvernig hægt sé að bjóða upp á hangi-
kjöt á fjölbreyttan hátt. Orðatiltækið
eins manns dauði er annars brauð á
líka vel við í ár enda lítið framboð á
rjúpum. Þar er markhópur sem þarf
kannski að endurskoða jólasteikina
og verður lambakjöt náttúrlega fyrsti
kostur.“
Íslenskt lambakjöt er matvara
í hæsta gæðaflokki
Hefur Hafliði ekki áhyggjur af sam-
keppni innfluttrar villibráðar um jólin.
„Íslenskt lambakjöt er matvara
í hæsta gæðaflokki og höfum við
lagt áherslu á að markaðssetja hana
sem slíka til erlendra ferðamanna
og á mörkuðum erlendis. Okkur hér
heima hefur e.t.v. sést yfir hversu
einstök þessi vara okkar er og tekið
sem gefnu að fá að njóta. Við ætlum
að halda áfram að markaðssetja hana
sem háendavöru til Íslendinga og
gera íslensku lambakjöti hærra undir
höfði en áður hefur tíðkast. Okkar
frábæru sauðfjárbændur eiga líka
hrós skilið fyrir sína óeigingjörnu
vinnu og elju, gæði lambakjötsins
sem þau bjóða okkur neytendum eiga
sér enga hliðstæðu. Glöggt er gests
augað, og erlendir ferðamenn
taka vel eftir lambinu okkar
og þeim óviðjafnanlegu
gæðum sem það býr
yfir.“
Samfélagsleg
ábyrgð
Hlakkar Hafliði
sérstaklega til
þess að nýta
m i smunand i
miðla til mark-
aðssetningar-
innar og gefa
lambakjötinu það
pláss sem það á
skilið á auglýsinga-
markaði.
„Samfélagsleg ábyrgð
er okkur ofarlega í huga við
gerð markaðs áætlana, áherslan er
lögð á að nýta íslenska fjölmiðla og
nýta samfélags miðla takmarkað en
á fjölbreyttan hátt. Markmiðið er að
nýta sjálfsprottna dreifingu á sam-
félagsmiðlum með matreiðslu- og
fræðsluþáttum í beinni útsendingu.
Í streymisþáttunum Náttúrulega
hreint – beint eldar landsliðskokk-
urinn Snædís Jónsdóttir lambakjöt
í beinni útsendingu, gefur góð
ráð og fær góða gesti í heimsókn.
Þættinum er streymt út á Facebook-
síðum Icelandic Lamb, Lambakjöts,
Bændablaðsins og Veitingageirans
og nær til yfir 50 þúsund manns sem
fá tilkynningu þegar streymið byrjar
og reglulega meðan á því stendur.
Hágæðaefni eins og streymið
tryggir okkur meiri sjálfsprottna
dreifingu á efninu okkar. Þannig
höldum við birtingarkostnaði á sam-
félagsmiðlum í lágmarki, náum til
breiðs hóps í gegnum íslenska miðla
og styðjum við innlenda atvinnu-
starfsemi án þess að gleymast á
samfélagsmiðlum.“
Segir Hafliði mikilvægt að mark-
aðsstofan setji sér slíka stefnu, enda
sé markmið kynningarherferðar
Icelandic Lamb að hvetja neytendur
til þess að styðja við íslenska fram-
leiðslu í auknum mæli.
„Við ætlum að halda áfram að
vinna á okkar trausta grunni, auk
markaðsherferðar í desember verða
þættirnir Náttúrulega hreint – beint
á þriðjudögum í desember frá næstu
viku, 8.12. Þar setjum við áhersluna
á auðveldar lambakjötsuppskriftir og
notum önnur íslenskt hráefni sem ýta
undir einstakt bragð íslensks lamba-
kjöts. Ég hvet sauðfjárbændur til þess
að fylgjast vel með og sjá hvernig
matreiðslumenn í hæsta gæðaflokki
elda og tala um lambakjötið þeirra,“
segir Hafliði.
Hafliði Halldórsson, fram kvæmdastjóri Icelandic Lamb
og Markaðsráðs kindakjöts.