Hugur og hönd - 2020, Blaðsíða 11

HUGUR OG HÖND 2020  11
Philippe Ricart er mörgum les-
endum Hugar og handar kunnur
enda er hann fjölhæfur list-
handverksmaður sem hefur hlotið
margar viðurkenningar fyrir verk
sín. Þó að Philippe hafi unnið í margs
konar efnivið er hann líklega best þekktur
fyrir vefnað sinn. Árið 2015 fékk hann
Skúlaverðlaunin fyrir teppi sem hann
hafði ofið úr íslenskri ull. Það er Handverk
og hönnun sem veitir þessi árlegu verðlaun
með stuðningi Samtaka iðnaðarins. Í fyrra
fékk Philippe svo sérstaka viðurkenningu
Handverks og hönnunar fyrir handofið
sjal sem ber heitið „Heiðalönd“.
Philippe hefur einnig unnið mikið í
spjöldum og hafa mörg falleg belti og
annars konar bönd komið úr höndum
hans. Við upphaf ársins 2019 fékk
Philippe þá hugmynd að hanna og vefa
eitt bókamerki fyrir hverja viku ársins.
Ólíkt því sem fer með flest áramótaheitin
hélt Phililppe sitt heiti. Hann gladdi alla
Facebook-vini sína með því að birta vikulega
mynd af nýju spjaldofnu bókamerki, samtals
52 merki.
Marjatta Ísberg
Philippe og bókamerkin
Hér má sjá sýnishorn af bókamerkjum Philippes. Ljósmyndari Kristján Mack.