Hugur og hönd - 2020, Page 40

40  HUGUR OG HÖND 2020
Heimilisiðnaðarfélag Íslands er
aðili að samtökum norrænna
heimilis iðnaðarfélaga: Nordens
husflidsforbund. Samtökin eiga
sér langa sögu allt aftur til fjórða
ártugs síðustu aldar. Aðild að
samtökunum auk Íslands eiga
Færeyjar, Finnland, Danmörk,
Noregur, Svíþjóð og Eistland.
Fyrstu vikuna í september standa
samtökin fyrir handverksviku
undir yfirskriftinni Nordic Craft
Week. Tilgangurinn er að efla
áhuga á handverkshefð, aðferðum
og uppskriftum á milli þjóðanna.
Samfélagsmiðlar auðvelda
möguleika á ýmiskonar samstarfi.
Samtökin stofnuðu sameiginlega
facebook-síðuna Nordic Craft
Week til þess að miðla efni þessa
fyrstu daga í september. Á ár legum
formannafundum í mars er þema
ákveðið fyrir haustið og dögum
skipt á milli þannig að hvern dag
þessarar fyrstu viku september-
mánaðar sé birt efni frá einu
aðildarlandanna.
Haustið 2019 var þema norrænu
handverksvikunnar vettlingar.
Hvert land lagði til eina vettlinga-
uppskrift en til að tryggja faglega
framsetningu og samræmt útlit
voru vettlingar og uppskriftir
sendir til systur samtaka okkar
Taito í Finn landi sem sáu um
ljósmyndun og framsetningu. Upp-
skriftirnar voru að vonum fjöl-
breyttar og fallegar en þær má enn
nálgast á pdf formi á áður nefndri
facebook-síðu.
Sú uppskrift sem hér fer á eftir
var framlag Íslands til norrænu
hand verks vikunnar síðastliðið
haust en það eru mæðgurnar
Guðbjörg Halldórsdóttir og Guðný
Ingibjörg Einarsdóttir sem lögðu
til uppskriftina. Vettlingarnir eru
sérlega fallegir og fínlegir og
vöktu þeir töluverða athygli. Má
þar nefna að uppskriftin birtist,
ásamt norsku uppskriftinni, í
þekktu eistnesku handverks-
tímariti Käsitöö.
Vettlingarnir hennar mömmu
Hönnun: Guðbjörg Halldórsdóttir
Skrásett af Guðnýju Ingibjörgu Einarsdóttur
Ljósmynd: Taito.