Morgunblaðið - 16.07.2020, Qupperneq 2

2 FRÉTTIRInnlent
MORGUNBLAÐIÐ FIMMTUDAGUR 16. JÚLÍ 2020
grillað sumar
Þea verður
MorgunblaðiðHádegismóum 2, 110 Reykjavík. Sími 569 1100 Fulltrúar ritstjóra Sigtryggur Sigtryggsson sisi@mbl.isÁgúst Ingi Jónsson aij@mbl.is Fréttir Guðmundur Sv. Hermannsson ritstjorn@mbl.isMenning Einar Falur Ingólfssonmenning@mbl.is
Viðskipti Stefán E. Stefánsson vidskipti@mbl.is Íþróttir Víðir Sigurðsson sport@mbl.is mbl.is Jón Pétur Jónsson netfrett@mbl.is Smartland Marta María Jónasdóttir smartland@mbl.is Umræðan | Minningarmbl.is/sendagrein Prentun Landsprent ehf.
Jetstream-skrúfuþota Flugfélagsins
Ernis flaug úr landi í hádeginu í
gær en vélin hefur verið seld til
Nýja-Sjálands. Ferjuflug frá Íslandi
gerist ekki mikið lengra en þetta, að
sögn Harðar Guðmundssonar, for-
stjóra og stofnanda flugfélagsins.
Sigurður Egill Sigurðsson flugstjóri
og Birna Borg Gunnarsdóttir flug-
maður fljúga vélinni út. Þess má
geta að Birna Borg er barnabarn
Harðar.
Flugfélagið Ernir gerði út fjórar
Jetstream-skrúfuþotur, eina Dorn-
ier 328-skrúfuþotu og Cessna 207
eins hreyfils flugvél áður en um-
rædd flugvél var seld.
„Það stóð alltaf til að selja eina
Jetstream þegar við keyptum Dorn-
ier-vélina,“ sagði Hörður. „Við vor-
um búin að selja þessa vél fyrir ára-
mótin og ætluðum að afhenda hana í
febrúar. Þá kom Covid-19 og allt
stoppaði. Við héldum að kaupand-
inn, sem er á Nýja-Sjálandi, væri
hættur við. Hann hafði svo samband
fyrir tveimur vikum, vantaði vél í
hvelli og vildi setja allt í gang aftur.“
Ferjuflugið mun taka 55-57 flug-
stundir, að sögn Harðar. Ekki er
hægt að fljúga stystu leið og þarf
sums staðar að krækja fyrir svæði
sem gefa ekki lendingarleyfi vegna
kórónuveirufaraldursins. Nokkur
stopp verða á leiðinni. Í gær lá leiðin
fyrst til Englands þar sem var milli-
lent og svo var flogið þaðan til Bol-
ogna á Ítalíu þar sem lent var í gær-
kvöld.
Helmings afmælisafsláttur
Flugfélagið Ernir varð 50 ára nú í
júní og hafa hjónin Hörður og Jón-
ína Guðmundsdóttir rekið félagið
allt frá stofnun. Í tilefni af afmælinu
er flugfarþegum boðinn 50% af-
sláttur af öllum flugsætum í sumar.
„Þetta er virkilega að skila sér núna
og aukin traffík á öllum leiðum,“
sagði Hörður. gudni@mbl.is
Ferjuflug til Nýja-Sjálands
Ljósmynd/Ernir
Ferjuflug Sigurður Egill Sigurðsson flugstjóri og Birna Borg Gunnars-
dóttir flugmaður við Jetstream-vélina sem þau fljúga til Nýja-Sjálands.
 Flugfélagið Ernir
á 50 ára afmæli
Snorri Másson
snorrim@mbl.is
Tveggja sólarhringa verkfalli undir-
manna á Herjólfi lauk í gærkvöldi,
en í verkfall fóru allir starfsmenn
skipsins sem eru meðlimir í Sjó-
mannafélagi Íslands. Til þess að
tryggja að þjóðveginum frá Eyjum
til lands yrði haldið opnum, eins og
Guðbjartur Ellert Jónsson, fram-
kvæmdastjóri Herjólfs, orðar það,
var gamla Herjólfi siglt tvisvar fram
og til baka með fólk og frakt.
Það athæfi kallaði Jónas Garðars-
son, formaður samninganefndar Sjó-
mannafélagsins, verkfalls- og þar
með lögbrot, en Guðbjartur vísar
þeim orðum til föðurhúsanna í sam-
tali við Morgunblaðið: „Ég hvet hann
eindregið, telji hann að við höfum
brotið hér lög, að fara með það fyrir
félagsdóm. Ef hann treystir sér ekki
í það hefur hann ekki trú á að hann
vinni þetta mál,“ segir Guðbjartur.
„Það eru önnur stéttarfélög en Sjó-
mannafélagið Jötunn og Sjómanna-
félag Íslands sem eiga aðkomu að
starfsmönnum um borð í skipinu og
þar af leiðir erum við með lögmæta
níu manna áhöfn til að sigla skipinu.“
Þriggja sólarhringa verkfall fé-
lagsins er fyrirhugað 21.-23. júlí
verði enn ósamið. Guðbjartur segist
vona að til þess komi ekki en segist
taka einn dag í einu. „En auðvitað er
það þannig að menn þurfa að fara að
rýna í það sem er á borðunum og
átta sig á hver getan er til þess að
eitthvert samtal geti átt sér stað. Við
værum löngu búnir að semja ef við
gætum það á þessum forsendum en
það er bara ekki hægt,“ segir hann.
Eins og sjá má á myndinni var
nokkur erill í ferjunni þegar hún fór
frá Eyjum í seinna skiptið í gær.
Fyrirhugað var að fara þriðju ferð-
ina um kvöldið en ekki varð af því
vegna veðurs. Í dag hefst eðlileg
starfsemi á nýja skipinu, en farnar
verða sjö ferðir í stað sex til að anna
eftirspurn.
„Þetta veit Jónas“
Guðbjartur sakar Jónas um að
leika sér að raunveruleikanum.
„Hann fer taktískt í kringum hlut-
ina. Hann velur að flytja sinn mála-
rekstur í fjölmiðlum af því að hann
hefur ekki annað. Hann er ekki
tilbúinn að ræða það sem skiptir
máli,“ segir Guðbjartur. Jónas sendi
út fréttatilkynningu í gær þar sem
hann sakaði bæjaryfirvöld um að
beita launafólk „fádæma ofríki“ með
því að setjast ekki að samningaborð-
inu við Sjómannafélag Íslands, til
þess að semja við þá sem vinna nú
samningslaust á skipinu. Guðbjartur
segir hins vegar að stjórn Herjólfs
ohf. hafi þegar boðið samninganefnd
sjómannafélagsins að skrifa undir
lífskjarasamninginn. „Hann getum
við boðið. Samkvæmt honum tóku
laun breytingum 1. apríl 2020 og það
tóku allir áhafnarmeðlimir, undir-
menn sem og aðrir, launabreyting-
um samkvæmt lífskjarasamningn-
um. Síðan kemur þessi krafa frá
Sjómannafélagi Íslands að ofan á
þetta verði farin sú leið að draga úr
vinnuálagi um 25% en halda sömu
launum. Fjölga um eina áhöfn þann-
ig að þær verði ekki þrjár heldur
fjórar og bæta tveimur starfsmönn-
um í hverja áhöfn. Og þetta eru
stærstu liðirnir af tíu liðum sem þeir
hafa lagt fram. Þetta er algerlega
óaðgengilegt. Þetta eru 200 milljónir
plús og þetta veit Jónas. Hann er
ekkert að fjalla um þetta, enda hefur
hann ekkert áhuga á því,“ segir Guð-
bjartur.
Menn þegar uggandi
Guðbjartur segir algerlega óraun-
hæft að bæta slíkum upphæðum við
reikningsdæmið að svo stöddu.
„Samkvæmt okkar sviðsmyndum
gætum við verið að tapa 300-500
milljónum á árinu og það segir sig
alveg sjálft að ekkert félag í ferða-
þjónustu eða farþegaflutningi er að
fara að ráða við þessar kröfur, sem í
þokkabót eru lagðar fram með þess-
um hætti. Menn eru uggandi og hafa
áhyggjur af því hvað tekur við hér
þegar sumri er lokið og þetta á Jón-
as að vita, sem er margreyndur
verkalýðsforingi. Það hlýtur að vera
ábyrgðarhluti að semja um kjör fé-
lagsmanna sinna og byggja þar á
einhverjum raunverulegum
þáttum,“ segir Guðbjartur.
Jónas sagði í yfirlýsingu sinni í
gær að Íris Róbertsdóttir, bæjar-
stjóri í Vestmannaeyjum, bæri
ábyrgð á vinnubrögðum bæjar-
útgerðarinnar. Guðbjartur segir
hann vera að draga aðila að borðinu
sem hafi ekkert með málið að gera.
„Stjórn opinbera hlutafélagsins fer
með málefnið og eigandinn [bæjar-
félagið] er upplýstur um stöðuna en
að öðru leyti er hann ekki aðili að
málinu,“ segir Guðbjartur.
„Algerlega óaðgengilegt“
 Framkvæmdastjóri Herjólfs segir að það myndi kosta 200 milljónir að ganga
að kröfum Sjómannafélags Íslands  Segir Jónas ekki tilbúinn að ræða málin
Ljósmyndir/Óskar Pétur Friðriksson
Verkfall Herjólfur gamli sigldi eftir langt hlé tvisvar á milli lands og Eyja í gær vegna verkfalls á nýja skipinu.
Jónas
Garðarsson
Guðbjartur Ellert
Jónsson
Ragnar Axelsson
ljósmyndari hef-
ur verið til-
nefndur til hinna
virtu Leica Oskar
Barnack-verð-
launa fyrir bóka-
verkefni sitt
Hetjur norður-
heimskautsins –
Þar sem heim-
urinn er að
bráðna (e. Arctic Heroes – Where
the world is melting). Ragnar, eða
RAX, er á lista tólf manna sem til-
nefndir eru til verðlaunanna í ár og
segist hann vera stoltur af tilnefn-
ingunni.
„Það er rosa flott að vera kominn
á þennan lista en svo veit maður
ekkert hvort maður vinnur. Þetta er
fín viðurkenning á því sem maður er
að gera – sem er náttúrulega að sýna
breytingar í heiminum,“ segir
Ragnar. Bókin, sem er virðingar-
vottur til sleðahunda og lífshátta
norðurheimskautsins, kemur út víða
um heim í október.
Verðlaunin eru nefnd eftir verk-
fræðingnum og uppfinningamann-
inum Oskar Barnack, sem hannaði
fyrstu Leica-myndavélina árið 1913.
Þau hafa verið veitt frá árinu 1979
fyrir verk sem sýna samband mann-
kyns og náttúru.
RAX til-
nefndur til
verðlauna
Ragnar
Axelsson
 Bókin um hetjur
norðurheimskautsins
Ljósmynd/Ragnar Axelsson
Ljósmyndir Ragnar Axelsson
kveðst stoltur af tilnefningunni.