Morgunblaðið - 16.07.2020, Blaðsíða 28

MORGUNBLAÐIÐ FIMMTUDAGUR 16. JÚLÍ 2020
SMÁRALIND – KRINGLAN – DUKA.IS
1. Stelton Click ferðamál 40 cl Verð 5.990,-
2. Stelton Click ferðamál 20 cl Verð 4.590,-
3. Stelton Keep It Cool vatnsflaska Verð 5.990,-
4. Rig Tig plastflöskur Verð 2.490,-
5. Rig Tig ferðamál Verð 3.890,-
Skemmtilegir
ferðafélagar
2
1
3
4
5
Eltak sérhæfir sig í sölu
og þjónustu á vogum
Bjóðum MESTA úrval
á Íslandi af smáum
og stórum vogum
Helgi Bjarnason
helgi@mbl.is
Eldi Fiskeldis Austfjarða á laxi í sjókvíum í
Fáskrúðsfirði gengur vel. Stjórnarformaður
fyrirtækisins segir að fjörðurinn virðist vera
mjög góður til að ala lax.
Fiskeldi Austfjarða hóf starfsemi í Fá-
skrúðsfirði í júní á síðasta ári með útsetningu
seiða. Þar eru nú fjórtán sjókvíar sem þjónað
er af öflugum fóðurpramma. „Þetta hefur
gengið mjög vel. Þarna virðast vera mjög góð-
ar aðstæður til að ala lax,“ segir Guðmundur
Gíslason stjórnarformaður.
Burðarþol fjarðarins er metið 15 þúsund
tonn og hefur Fiskeldi Austfjarða leyfi til eldis
11 þúsund tonna. Guðmundur segir að fyrir-
tækið muni fullnýta leyfi sitt á næstu árum og
raunar fari þau seiði sem þar eru í eldi langt
með það. Byrjað verður að slátra upp úr kvíun-
um um eða eftir næstu áramót.
Fiskeldi Austfjarða á aðild að Búlandstindi á
Djúpavogi og þar er öllum laxi frá fyrirtækinu
og Löxum fiskeldi í Reyðarfirði slátrað. Þar
hefur verið hlé undanfarnar vikur en slátrun á
laxi úr Berufirði hefst einhvern næstu daga.
Verður nokkuð jöfn slátrun næstu mánuði, að
sögn Guðmundar.
Megnið af afurðunum fer á Bandaríkjamark-
að, til Whole Foods-verslanakeðjunnar. Munu
fara að meðaltali um 100 tonn á viku með skip-
um í gegn um Evrópu þar sem fiskurinn er
flakaður eða skorinn í bita. Verð á almennum
markaði er frekar lágt, eins og oftast á þessum
tíma árs, en Guðmundur segir að fyrirtækið
selji fiskinn til Bandaríkjanna samkvæmt
fyrirframgerðum samningum og geti vel unað
við verðið.
Tilraun með ófrjó seiði
Aðaleldisstöð Fiskeldis Austfjarða hefur til
þessa verið í Berufirði. Þar hefur fyrirtækið
leyfi til að framleiða 10 þúsund tonn af laxi, í
samræmi við metið burðarþol fjarðarins, og
mun fullnýta það á næstu árum. Þá eru leyfi
fyrir eldi í Stöðvarfirði og Seyðisfirði í umsókn-
arferli. Fyrirtækið á hlut í stórri seiðastöð í
Þorlákshöfn og er að byggja upp seiðastöðvar í
Kelduhverfi og á Kópaskeri undir nafni Rifóss.
Fiskeldi Austfjarða hefur sótt um leyfi til að
framleiða sjö þúsund tonn af laxi í Stöðvarfirði,
í samræmi við burðarþol fjarðarins. Þá hefur
það sótt um eldi á 10 þúsund tonna framleiðslu
í Seyðisfirði.
Vegna áhættumats Hafrannsóknastofnunar
þarf allur laxinn sem alinn verður í Stöðvar-
firði að vera ófrjór og 3.500 tonn af laxinum
sem alinn verður í Seyðisfirði. Bæði áformin
eru vitaskuld háð leyfum.
Þótt leyfi hafi ekki enn fengist fyrir eldi í
þessum fjörðum er Fiskeldi Austfjarða byrj-
að að búa sig undir að geta nýtt þau. Seiða-
stöð sem fyrirtækið er að byggja upp á Kópa-
skeri verður skipulögð með þeim hætti. Nú
þegar eru ófrjó seiði í eldi og vegna þess að
leyfi hafa ekki fengist í Stöðvarfirði og Seyðis-
firði verða þau væntanlega sett út í Berufirði,
til að afla reynslu. Verður þetta fyrsti ófrjói
laxinn sem fer í eldi hér á landi. „Við teljum
okkur geta gert þetta með góðum árangri og
verður spennandi að sjá hvernig eldið kemur
út,“ segir Guðmundur.
Morgunblaðið/Þorgeir Baldursson
Fáskrúðsfjörður Fiskeldi Austfjarða er með fjórtán laxeldiskvíar í Fáskrúðsfirði og mun framleiða þar ellefu þúsund tonn af laxi í fyllingu tímans.
Burðarþol fjarðarins er ekki fullnýtt með því. Þorpið sem áður var nefnt Búðir eða Búðaþorp er innar í firðinum og sést til þess á myndinni.
Laxinn dafnar vel í Fáskrúðsfirði
 Fiskeldi Austfjarða
setur fyrstu ófrjóu laxa-
seiðin í sjó næsta vor
Afurðaverð á markaði
14. júlí 2020, meðalverð, kr./kg
Þorskur, óslægður 351,09
Þorskur, slægður 446,61
Ýsa, óslægð 352,95
Ýsa, slægð 296,60
Ufsi, óslægður 51,21
Ufsi, slægður 82,61
Gullkarfi 182,95
Blálanga, slægð 260,22
Langa, óslægð 132,70
Langa, slægð 156,42
Keila, óslægð 13,02
Keila, slægð 15,47
Steinbítur, óslægður 97,91
Steinbítur, slægður 213,84
Skötuselur, slægður 640,60
Grálúða, slægð 332,00
Skarkoli, slægður 357,96
Þykkvalúra, slægð 365,18
Sandkoli, slægður 51,00
Skrápflúra, óslægð 15,64
Blágóma, slægð 11,00
Bleikja, flök 1.443,00
Hlýri, óslægður 111 ,07
Hlýri, slægður 239,26
Lúða, slægð 781,85
Lýsa, óslægð 42,48
Stórkjafta, slægð 154,00
Undirmálsýsa, óslægð 136,22
Undirmálsþorskur, óslægður 92,01
Undirmálsþorskur, slægður 136,34