Morgunblaðið - 25.09.2020, Blaðsíða 30

30 MINNINGAR
MORGUNBLAÐIÐ FÖSTUDAGUR 25. SEPTEMBER 2020
Sumarhús
Sumarhús – Gestahús –
Breytingar
 Framleiðum stórglæsileg sumarhús
í ýmsum stærðum.
 Tökum að okkur stækkun og
breytingar á eldri húsum.
 Smíðum gestahús – margar
útfærslur.
 Sjáum um almennt viðhald á
sumarhúsum og sólpöllum.
 Setjum niður heita potta og
smíðum palla og skjólveggi.
Áratugareynsla –
endilega kynnið ykkur málið.
Trésmiðja Heimis, Þorlákshöfn,
sími 892-3742 og 483-3693,
www.tresmidjan.is
Húsviðhald
Hreinsa
þakrennur fyrir
veturinn, og tek að
mér ýmis smærri
verkefni.
Uppl. í síma 847 8704
manninn@hotmail.com
Nauðungarsala
UPPBOÐ
Einnig birt á www.naudungarsolur.is.
Framhald uppboðs á eftirfarandi eignum verður háð á
þeim sjálfum, sem hér segir:
Dalbraut 43, Vesturbyggð, fnr. 212-4869, þingl. eig. Sæunn Erna
Sævarsdóttir, gerðarbeiðendur Landsbankinn hf. og Vesturbyggð,
þriðjudaginn 6. október nk. kl. 15:00.
Hyrningsstaðir lóð 6, Reykhólahreppur, 4,1666% ehl., fnr. 212-2159,
þingl. eig. Steinn Þorri Þorvarðarson, gerðarbeiðandi Ríkisskattstjóri,
miðvikudaginn 7. október nk. kl. 12:30.
Melanes, Vesturbyggð, fnr. 212-3469, þingl. eig. Ólöf Matthíasdóttir,
gerðarbeiðandi Landsbankinn hf., fimmtudaginn 1. október nk.
kl. 14:00.
Sýslumaðurinn á Vestfjörðum
24. september 2020
UPPBOÐ
Einnig birt á www.naudungarsolur.is.
Framhald uppboðs á eftirfarandi eign verður háð á skrifstofu
embættisins að Aðalstræti 92, Patreksfirði, sem hér segir:
NANNA, BA, Barðastrandasýsla, (FISKISKIP), fnr. 7372, þingl. eig.
Norðurhólmi ehf, gerðarbeiðandi Kópavogsbær, fimmtudaginn
1. október nk. kl. 10:30.
Sýslumaðurinn á Vestfjörðum
24. september 2020
Uppboð
Einnig birt á www.naudungarsolur.is.
Framhald uppboðs á eftirfarandi eign verður háð á skrif-
stofu embættisins sem hér segir:
HEIÐRÚN, SU, Suður-Múlasýsla, (FISKISKIP), fnr. 2153 , þingl. eig.
Agat ehf, gerðarbeiðandi Sýslumaðurinn á Austurlandi, miðvikudag-
inn 30. september nk. kl. 14:00.
Sýslumaðurinn á Austurlandi
24. september 2020

Félagsstarf eldri borgara
Árskógar Smíðar, útskurður, pappamódel með leiðbeinanda kl. 9-16.
Stólajóga með Hönnu kl. 9. Opin vinnustofa kl. 9-15. Bókabíllinn kem-
ur við Árskóga 6-8 kl. 16.30-17.15. Hádegismatur kl. 11.40-12.50. Kaffi-
sala kl. 14.45-15.30. Heitt á könnunni, allir velkomnir. S. 411-2600.
Boðinn Hádegismatur kl. 11.20-12.30. Línudans kl. 15.
Bólstaðarhlíð 43 Morgunkaffi í handavinnustofu kl. 10. Gönguferð
um hverfið kl. 10.30. Kvikmyndasýning í setustofu kl. 12.45. Opið
kaffihús kl. 14.30-15.15.
Félagsmiðstöðin Hæðargarði 31 Kaffi, spjall og blöðin við hring-
borðið kl. 8.50-11. Skráning á þátttökulista fyrir vetrarstarfið er á skrif-
stofunni kl. 8.50-16. Hádegismatur kl. 11.30-12.30. Myndlistarnám-
skeið MZ kl. 12.30-15.30. Hæðargarðsbíó kl. 13. Síðdegiskaffi kl. 14.30-
15.30. Allir velkomnir óháð aldri og búsetu. Nánari upplýsingar í síma
411-2790.
Garðabær Gönguhópur frá Jónshúsi kl. 10. Dansleikfimi kl. 9.30 og
10.15 Stjörnuheimilið. Smiðja opin kl. 13–16, allir velkomnir. Meðlæti
með síðdegiskaffinu er selt frá kl. 13.45-15.15.
Gerðuberg 3-5 111 RVK Kl. 8.30-16 opin handavinnustofa, kl. 10-12
prjónakaffi (Háholt), kl. 10-10.20 leikfimi gönguhóps (sólstofu), kl.
10.30 gönguhópur um hverfið, kl. 13-16 bókband með leiðbeinanda,
kl. 13-15 kóræfing (Háholt).
Gjábakki Kl. 9 handavinna, kl. 9.30 postulínsmálun, kl. 13 tréskurður.
Heitt á könnunni kl. 9 til kl. 15.30.
Hraunbær 105 Kaffiklúbbur og spjall, allir velkomnir í frítt kaffi kl. 9.
Útskurður og tálgun kl. 9-12. Hádegismatur kl. 11.30. Bíó kl. 13.
Hvassaleiti 56-58 Morgunkaffi og spjall frá kl. 8.30-10.30. Handa-
vinna, opin vinnustofa kl. 9-16. Útvarpsleikfimi kl. 9.45. Brids í handa-
vinnustofu kl. 13.
Korpúlfar Hugleiðsla og létt jóga í Borgum kl. 9 í dag og ganga frá
Borgum kl. 10 og kaffispjall á eftir. Hannyrðahópur í Borgum kl. 12.30
í dag og tréútskurður á Korpúlfsstöðum, Davíð leiðbeinir kl. 13 til 16 í
dag. Virðum allar sóttvarnir og förum varlega. Minnum á að línudans-
inn með Guðrúnu er byrjaður á mánudögum e. h. Allir hjartanlega
velkomnir.
Seltjarnarnes Kaffispjall í króknum kl. 10.30. Í dag kl. 11 byrjum við
aftur með föstudagshreyfinguna sem við köllum núna HREYFING
MEÐ TÓNLIST undir stjórn Hildigunnar Gunnarsdóttur. Syngjum
saman í salnum á Skólabraut kl. 13. Brids í Eiðismýri kl. 13.30.
Sléttuvegur 11-13 Selið á Sléttuvegi er opið frá kl. 10–14. Heitt á
könnunni frá kl. 10–11 og hægt er að líta í blöðin. Hádegismatur er frá
kl. 11.30–12.15, panta þarf matinn daginn áður. Allir velkomnir. Síminn
í Selinu er 568-2586.
Rað- og smáauglýsingar
Færir þér
fréttirnar
mbl.is
✝ Pétur HaukurGuðmundsson
fæddist 6. júlí 1948
á Akureyri. Hann
lést 8. september
2020.
Móðir hans var
Gréta Doak Pét-
ursdóttir, f. 1930,
d. 1975, þó að Pét-
ur hafi vitað hver
faðir hans var þá
var það aldrei stað-
fest. Pétur átti fjögur systkini
sammæðra, þau eruÁsta Guð-
rún Hurrin, f. 1947, Ásgeir V.
Bjarnason, f. 1952, Heimir Jón
Guðjónsson, f. 1954, og John M.
Doak, f. 1964.
Fimm ára fór Pétur í fóstur á
Syðri-Velli í V.-Húnavatnssýslu
til Steinbjörns Jónssonar söðla-
smiðs og bónda og konu hans,
Elínborgar Jónasdóttir. Eign-
aðist Pétur þar fimm fóst-
ursystkini, Steinbjörn Björns-
son, f. 1929, d. 2019, Álfhildur
Steinbjörnsdóttir, f. 1933, d.
2014, Samúel Ósvald Stein-
björnsson, f. 1934, d. 2001,
Anna Steinbjörnsdóttir, f. 1936,
Sigurður I. Steinbjörnsson, f.
1937, d. 2014.
Pétur var tvíkvæntur. Fyrri
eiginkona hans var Magnea
Þórunn Ásmundsdóttir, f. 1952.
kynntust. Hann útskrifaðist
1974 frá Tækniskólanum (heyr-
ir undir HR í dag) sem bygg-
ingartæknifræðingur. Hann tók
síðan múrarameistarann að því
loknu.
Pétur vann hjá Hafnarfjarð-
arbæ á Verkfræðistofu Hafnar-
fjarðar og vann þar til 1983
þegar hann fór yfir til Hag-
virkis og vann t.d. sem stað-
arhaldari við Sultartangavirkj-
un. Í kringum 1990 fór hann
síðan að vinna sjálfstætt með
menn í vinnu og vann ýmist að
eigin verkum eða sem und-
irverktaki. Árið 1997 höfðu
fyrrum samstarfsmenn við
Hagvirki samband vegna verks
á vegum Íslenskra aðalverk-
taka. Það verk var á Grænlandi
og fór Pétur nokkrar ferðir á
þeirra vegum. Fram til 2002
vann hann ýmist í Keflavík eða
á Grænlandi.
Næstu sex ár vann Pétur í
bæjarskipulagi tvö ár í senn,
fyrst í bænum Tassilak, þá
Assiat og loks Nanortalik. 2009
flutti hann ásamt annarri eig-
inkonu sinni og fósturdreng til
Nuuk þar sem hann fór að
vinna fyrir sameinuðu sveit-
arfélög Kanukoka og vann hjá
þeim til 2018 þegar félagið var
lagt niður. Pétri hugnaðist ekki
að hætta að vinna og samdi við
orkufyrirtæki að vera eftirlits-
maður með uppbyggingu á
spennustöð nærri heimili hans
á Grænlandi, en veikindi komu
í veg fyrir að hann náði að
ljúka því verkefni.
Þau giftust 1971,
þau skildu árið
2000. Börn þeirra
eru: Ásdís Elva, f.
1972, og Árdís Ösp,
f. 1981. Ásdís Elva
er gift Hallgrími
Ólafssyni og eru
börn þeirra Ísa-
bella Ýrr, f. 1997,
og Kormákur Logi,
f. 2001. Árdís Ösp
er gift Destiny
Nwaokoro og eru börn þeirra
Pétur Uzoamaka, f. 2018, og
Ásmundur Obiageri, f. 2020.
Pétur giftist aftur árið 2006
Elise Olsen og voru þau um
tíma með fósturdreng hjá sér,
Erneeraq. Þau skildu 2016. Síð-
ustu tuttugu árin bjó Pétur á
Grænlandi.
1962 flytur Pétur til Hvera-
gerðis með Steinbirni og El-
ínborgu þegar þau brugðu búi.
Hann fór til náms í MA og
talaði hann oft um þau ár.
Hann tók hins vegar engin próf
þar, önnur en það að spila
bridge, æfa hina ýmsu hugar-
leiki.
Hann vann í múrverki í
nokkur ár fyrir múrara í
Hveragerði og var við vinnu á
hans vegum á Laugarvatni þar
sem hann og fyrri eiginkona
Vonandi upplifa allir að eiga
hauk í horni. Minn var pabbi
minn.
Ég á eftir að sakna pabba
óendanlega mikið. Þó að ég hafi
stundum verið þreytt á erind-
unum sem hann sendi mig í þá
kenndu þau mér margt og
gerðu mig að þeirri manneskju
sem ég er í dag. Erindin voru
stór og smá. Pabbi var nefni-
lega duglegur að finna öllum
hlutverk, sannkallaður verk-
stjóri. Ég er til dæmis „kal-
kúna-innpakkarinn“ sem er
mjög mikilvægt starf einu sinni
á ári.
Pabbi var í mínum huga
sterkur og stór og alltaf með
skegg. Svo mikið skegg að ég
man eftir að börn sem hrædd-
ust jólasveina æfðu sig með því
að tala við pabba. Þau vissu að
pabbi væri ekki jólasveinninn
en yfirbragðið var jafn áhrifa-
mikið. Mér fannst pabbi stund-
um vera „stórasti“ pabbi í
heimi. Hann hafði eitthvað við
sig sem tók pláss umfram
stærð hans. Svarta krullaða
hárið og skeggið voru einkenn-
ismerki hans þegar ég var lítil.
Ég þekkti hann ekki öðruvísi
sem sannaðist dag einn. Ég var
heima hjá frænku minni og
vissi að bráðum kæmi pabbi að
sækja mig. Eins og hjá börnum
almennt þá þótti okkur erfitt að
hætta því sem skemmtilegt var.
Við frænkur lögðum því á ráð-
in, við ætluðum að fela okkur.
Þannig gæti pabbi ekki sótt
mig.
Dyrabjallan hringdi. Við
skottuðumst á bak við sófa,
skríkjandi af spennu, og reynd-
um að halda niðri í okkur and-
anum. Hurðin opnaðist og við
gægðumst fram. Okkur til smá-
undrunar var einhver ókunnur
maður í dyrunum. Við komum
því fram úr felum. Undrunin
varð enn meiri þegar bróðir
pabba gekk inn á eftir ókunna
manninum. Við horfðum hissa
á. Ókunni maðurinn brosti smá
púkabrosi, og breiddi út faðm-
inn. Þarna var pabbi berrass-
aður í framan.
Ég skildi því vel hve erfitt
elsku pabba fannst þegar hárið
byrjaði að falla í byrjun vetrar í
lyfjameðferðinni. Ég flaug til
hans í vetrarfríinu. Það tók
hann nokkra daga að biðja mig
um að raka skeggið af. Okkur
leist ekkert á blikuna en létti
báðum þegar hárið fór bara
líka. Þá gátum við alveg ímynd-
að okkur hann í hasarmynd,
þeir í Hollywood máttu vara
sig.
Pabbi vorkenndi sér ekki
mikið, hann taldi sér trú um að
líklega hefði hann unnið sér inn
fyrir endinum. Hann lagði
þetta upp sem dæmi. Hann
reiknaði nefnilega allt. Allt.
Stundum hélt ég að pabbi væri
í raun reiknivél. En pabbi taldi
sig samt hafa gert villu í út-
reikningi. Hann hafði notað
ranga formúlu varðandi lífið.
Hann hélt að hann hefði meiri
tíma.
Kannski þurfum við öll að
reikna þetta dæmi aftur. Því ég
er síður en svo sátt við útkom-
una.
Hvernig verða jólin án þín
pabbi? Hvernig verður restin af
lífinu mínu án þín sem minn
haukur í horni? Dæmið gengur
ekki upp.
En ef ég segi ykkur að ég
elskaði pabba til tunglsins og
til baka, getum við þá bætt við
tímann?
Þín að eilífu,
Ásdís Elva Pétursdóttir.
Elsku pabbi minn.
Orð eru fátækleg á stundu
sem þessari. Það er ekkert sem
ég get sagt sem gefur minn-
ingu þinni það líf sem hún hef-
ur með mér. Eitt er víst að eins
og þú sagðir þá hafirðu mis-
reiknað þig, þá gerði ég það
einnig.
Ég bjóst alltaf við því að ég
fengi að hafa þig í mínu lífi þar
til þú varst orðinn gamall
heldri maður. Ég hélt þú mynd-
ir fylgjast með nafna þínum
vaxa úr grasi og njóta með okk-
ur gleði lífsins. Svo bættist lítill
drengur við á meðan þú varst
veikur, og varð ég hrædd um
að þeir myndu missa af afa sem
þeir svo sannarlega gera. Það
verður verkefni mitt að passa
að þeir þekki þig í gegnum
myndir og sögur, en það gerir
mig svo sorgmædda að hugsa
til þess að þú sért farinn frá
okkur.
Hin barnabörnin þín og við
systur fengum að njóta þess að
hafa þig og þekkja þig, geta
talað við þig og eytt tíma með
þér og erum við ótrúlega hepp-
in, missir okkar er gífurlegur.
Aldur er bara tala og það er
staðreynd því þú varst hressari
og hraustari en ég allt þar til
þú varðst veikur síðastliðið
haust. Það var svo gaman í
kringum þig, grín og orðaleikir.
Við hlustuðum á sömu bækurn-
ar, við gerðum sudoku saman.
Minningarnar eru margar, og
þær allra kærustu eru sam-
verustundirnar, veiðiferðir og
útilegur, bílabras og spjall um
framtíðina, frama og árangur.
Ég lærði margt af þér þegar ég
loksins áttaði mig.
Skipulag og menntun, árang-
ur og að hafa metnað, gera það
vel sem maður tekur sér fyrir
hendur og gera það sem er rétt
að gera. Mistök hef ég svo
sannarlega gert en læri af
þeim.
Það má heldur ekki gleyma
þeim dásamlega tíma sem við
áttum í Grænlandi, þú hugsaðir
svo vel um að mér liði vel í
hvert sinn sem ég kom. Þakk-
læti er það sem kemur mér
helst í huga þegar ég hugsa til
þín, þakklæti fyrir að hafa átt
þig sem föður. Þakklæti fyrir
þann tíma sem við áttum sam-
an.
Þakklæti fyrir það sem þú
kenndir mér. Þakklæti fyrir þá
eiginleika sem ég hef frá þér.
Þakklát fyrir samveruna. Þakk-
lát fyrir afslappandi þögn þeg-
ar við vorum saman. Þakklæti
fyrir góð samtöl. Þakklát fyrir
hversu vel þú óskaðir mér.
Takk.
Mér leið aldrei eins og ég
þyrfti að tala mikið í kringum
þig. Þú bara vissir. Ég er
manneskja fárra orða, og leyfi
fólki að halda það sem það vill
um mig, það annað hvort sér
mig eða ekki. Þetta vissir þú og
vissir alltaf hvernig mér leið þó
ég segði ekkert. Sennilega því
við erum líkari en margir
halda.
En það var ekki fyrr en á
þessu ári að öll púslin komust á
sinn stað varðandi mig og þú
sagðist vera svo hissa og stolt-
ur af öllu því sem ég hef áork-
að.
Það þykir mér óendanlega
vænt um. Ég vildi ekkert frá
þér annað en tíma og samveru
og að þú sæir hver ég er.
Ég kem aldrei til með að
geta komið því í orð hversu
miklu máli þú skiptir mig,
hversu mikið ég elska þig pabbi
minn, hversu mikilvægur þú ert
lífi mínu og hversu ofboðslega
sorgmædd ég er að hafa ekki
fengið að hafa þig lengur. Ég
kynnist þér betur í gegnum
minningar annarra og sögur og
er svo stolt af því að þú ert
pabbi minn.
Elska þig pabbi minn, þín
Ösp.
Á björtum septemberdegi við
Nuukfjörð kvaddi Pétur. Þegar
ljóst var að hverju dró eftir árs
læknismeðferð í Kaupmanna-
höfn var það hans ósk að fara
heim til Grænlands. Dætur
hans gerðu honum það kleift og
dvaldi fjölskyldan hjá honum til
skiptis síðustu vikurnar. Þótt
ég hafi þekkt Pétur alla ævi
finnst mér ég ekki hafa kynnst
honum fyrr en á undanförnum
árum. Pétur var nefnilega dul-
ur maður og hleypti ekki öllum
að sér. En þessi síðustu ár sem
hann bjó einn á Grænlandi
hafði hann meiri tíma og áhuga
á að horfa yfir farinn veg og
þörf fyrir að tala um hið liðna.
Samband Péturs og mömmu
var afar náið alla tíð og eftir
því sem árin liðu urðu símtölin
lengri og tíðari, stundum var á
tali klukkustundum saman:
„Við hvern varstu eiginlega að
tala mamma? Nú, við hann
Pésa litla.“ Og stundum kom
eitthvað nýtt upp úr dúrnum,
krassandi fimmtíu ára fréttir.
Þegar heilsu mömmu fór að
hraka vildi hann fylgjast vel
með, var henni nærgætinn og
þótt hann sjálfur væri orðinn
fárveikur varð hann órólegur ef
fréttir drógust. Ég spurði hann
stundum hvernig samtalið við
mömmu hefði gengið og svarið
var jafnan á þá leið að þegar
þau væru komin norður í Húna-
vatnssýslu væru engir hnökrar.
Við áttum skemmtileg og
áhugaverð samtöl um fólk og
atburði og Pétur gat dregið
upp aðra sviðsmynd af fólki og
atburðum en ég var vön að
heyra.
Hann gat verið mjög fyndinn
en stundum svolítið óvæginn.
Pétur var aðeins fimm ára
gamall þegar hann kom í fóstur
að Syðri-Völlum til ömmu og
afa, Elínborgar Jónasdóttur og
Steinbjarnar Jónssonar. Hann
rak ekki minni til þess að um
breytingarnar hafi verið rædd-
ar við hann. Hann ríghélt í
ferðatöskuna sína, Bogga tók
hann í fangið og upp frá því átti
hann þar skjól. En hann beið
lengi eftir að vera sóttur.
Pétur var yngstur á Völlum
en þar voru auk gömlu
hjónanna, Álfhildur, Samúel,
Anna, Sigurður og Steinbjörn,
systursonur afa. Sumarið sem
Pétur kom að Völlum kom
þangað jafnaldra hans, Hafdís,
í sína fyrstu sumardvöl af
mörgum. Þau Pétur urðu óað-
skiljanlegir vinir. Í minni Pét-
urs og Hafdísar var sviðsmynd-
in skýr: amma var í
inniverkum, blíð og hæglát; fjör
í kringum unga fólkið; mömmu
(Dúddu) eltu þau Hafdís um
allt, en hún var í útiverkum og
gaf sig að þeim; afi traustur en
fjarrænn. Pétur var smápatti
þegar hann fór að keyra trak-
torinn því hugur afa stóð nær
skáldskap en búskap: „Stein-
björn var að raka saman á vél-
inni, út um gluggann sáum við
að vélin fór út af sporinu, lull-
aði þráðbeint yfir túnið, það
varð uppi fótur og fit því hann
nálgaðist skurðinn og svo lenti
allt ofan í“ sagði Pétur. „Hann
var að yrkja.“ Mér þykir vænt
um þennan litla glugga, einn af
mörgum sem Pétur opnaði. Það
var orðið ljóst síðsumars hvert
stefndi hjá Pétri.
Við ætluðum að kveðjast nú í
október þegar ég færi að vinna
á Grænlandi. Við skyldum hafa
upptökutæki á milli okkar og
spjalla um fortíðina, hann sagð-
ist vera of gagnrýninn til að
setja nokkuð á blað. Kæri
frændi, takk fyrir samfylgdina,
við tökum upp þráðinn síðar.
Guðrún Alda.
Pétur Haukur
Guðmundsson